Mako 15

Yaleta Yesu kwi Tengo lyakwe Pilato

(Mat 27:1-2, 11-14; Luk 23:1-5; Yoa 18:28-38)

1Lyene katondo, yasimapepo akalamba, aikolo Ayuda, yakasambilizya ya Masunde, pamwi ni nkombe zya mwi Tengo zyonsi, yakongana, yalanzyanya vya kucita. Alino yamunyepa, yamusenda nu kumupeela kuli Pilato. 2Pilato nawe amuuzya ati, “Uzye wewe uli Mwene wa Ayuda?”

Yesu nawe aasuka ati, “Watuvwanga.”

3Alino yasimapepo akalamba yamulongwela milandu iingi, 4caleka Pilato nupya amuuzya ati, “Uzye usi na cakuvwanga? Silola milandu uwingi ino yakulongwela!” 5Lelo Yesu nupya atavwanzile cimwi, caleka Pilato azunguka.

Yesu wapingwilwa ukufwa

(Mat 27:15-26; Luk 23:13-25; Yoa 18:39; 19:16)

6Pa nsita ya kuzevya Cimulo ca Ucilo lwali ulutambi lwakwe Pilato kusapwila antu munyepwe wenga wino yakasi. 7Lelo pali umuntu umwi, zina lyakwe a Balaba, wino wali mu ng'anda yaminyololo pamwi na antu asangukile uteko nu kukoma antu mu mpanzela. 8Lyene lino iumba lyakongana, litandika kulenga Pilato kuti acite vino akayacitila. 9Pilato nawe ayauzya ati, “Uzye mukulonda kuti musapwile Mwene wa Ayuda?” 10Uzizye cii pano wamanyile vino yasimapepo akalamba yapile Yesu kunoli pamulandu wa uzuwa wao.

11Lelo yasimapepo akalamba yatunkola iumba kuti lilenge Pilato kuyasapwila Balaba. 12Nupya Pilato auzya iumba ati, “Uzye icani cino mukulonda kuti ncite kuli wino mukuti Mwene wa Ayuda?”

13Nao yasanzika mazwi yao, yati, “Atanwe pa lupanda!”

14Pilato ayauzya ati, “Uzye pacani? Uzye wataifya cani?”

Nao yasanzika mazwi yao nu kuluta, yati, “Atanwe pa lupanda!”

15Pilato walondanga kuzanzya iumba. Caleka ayasapwila Balaba. Lyene apingula kuti yume Yesu vikoti, nga ayapeela kuti yamutane pa lupanda.

Asilika yasoweka Yesu

(Mat 27:27-31; Yoa 19:2-3)

16Asilika yatwala Yesu mukasi ka musolo wi sano lya mulasi nu kwama impuka zya asilika. 17Yamuzwika mwingila uyenzulukile, yaluka ingala ya myunga, yamuzwika ku mutwe. 18Yatandika kumusoweka yati, “Kwaita, Mwene wa Ayuda!” 19Lyene yamupoola ni ntuwa pa mutwe, yamuswila mati nu kumufukamila kwati yakumucindika. 20Lino yamala kumusoweka, yamuzula mwingila uyenzulukile alino yamuzwika vizwalo vyakwe. Lyene yamusenda kunzi kuti yakamutane pa lupanda.

Yesu watanwa pa lupanda

(Mat 27:32-44; Luk 23:26-43; Yoa 19:17-27)

21 # Lom 16:13 Mu nzila yakomanya umuntu zina lyakwe a Simoni, uwaku Kuleni, isi wakwe Alekizanda na Lufusi, ala akwiza mu musumba kufuma mu mpanga. Lyene asilika yamupatikizya kusenda lupanda lwakwe Yesu. 22Alino yasenda Yesu ku cifulo camwangwa Gologota, cikusenula ukuti, “Pa cifulo ci panga.” 23Lyene yamupeela waini muminkane nu mulembo mule wakulesya kuwaya, lelo wene atamwile. 24#Mas 22:18 Lyene yamutana pa lupanda, yankana ni vizwalo vyakwe, yapendola pakuti yalole vino cila muntu amapelwa. 25Yali nsita yakwe 9 koloko katondo lino yamutanyile. 26Cimanyisyo ca mulandu uno wapilwe calemvilwe pa cimpampa papela citi, “Mwene wa Ayuda.” 27Lyene yatana vipondo viili pali pamwi na Yesu, conga kwi kasa lilunji ni cuze kwi mani lyakwe. [28#Eza 53:12 Cii cacitike pa kufikilizya malembelo yakwe Leza akuti, “Wapendilwe pamwi na yakaifya.”]

29 # Mas 22:7; 109:25; Mk 14:58; Yoa 2:19 Na yano apitanga mu pipi yapukunya mitwe yao nu kusoweka Yesu yati, “Ee! We muno ungomoola Ng'anda ikulu yakwe Leza nu kuikula mu manda yatatu, 30ika ku lupanda uituule.”

31Vivyo kwene yasimapepo akalamba na yakasambilizya ya Masunde nao yamusoweka yati, “Watuulanga auze. Lelo wene atangaituule! 32Lekini Katuula uwalavilwe, mwene wa Izlaeli, aike pa lupanda kuti tulole nu kutaila.” Alino na yano atanyilwe pamwi nawe, nao kwene yamusoweka.

Imfwa yakwe Yesu

(Mat 27:45-56; Luk 23:44-49; Yoa 19:28-30)

33Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko). 34#Mas 22:1 Lyene lino ilanzi lyatemba (3 koloko) Yesu alaizya ni izwi likulu ati, “Eloi, Eloi, lama sabakatani?” Cikusenula ukuti, “Leza wane, Leza wane, pacani wantazyela.”

35Lino yamwi aimi pipi yuvwa cii, yati, “Uvwini, akwama Eliya!” 36#Mas 69:21 Wenga uwa munoyali asimula nu mwepu, auombeka muli waini musasalume. Alino autunga ku kamuti, amutambikila pa mulomo kuti amwe, ala yakuti, “Tekelini, tulole ndi Eliya amaiza amwisye pa lupanda!”

37Alino Yesu alaizya ni izwi likulu, nga afwa.

38 # Kuf 26:31 Cisalu ca mu Ng'anda ikulu yakwe Leza cilepuka pakasi kufuma papela kufika na pansi, 39musika wa mpuka ya vita umwanda onga, uwaimi pipi nu lupanda, lino walola vino Yesu wafwa, avwanga ati, “Cumi umuntu wii, wali Mwana wakwe Leza!”

40 # Luk 8:2 Kwali anaci yamwi katalamukila ala yakulolekesya. Pali yaa, pali Maliya uwaku Magadala, Maliya nyina wakwe Yakobo umwance na Yosefu, na Salome. 41#Luk 8:2 Yene yalondelanga Yesu lino wali ku Galile, nu kumutumikila. Kwali anaci nayauze aingi aizile nawe ku Yelusalemu.

Kuzikwa kwakwe Yesu

(Mat 27:57-61; Luk 23:50-56; Yoa 19:38-42)

42Cali lino ilanzi lyatemba pa wanda wakuteyanya, lino Sabata lyati lyatandika. 43Yosefu uwaku Alimatiya, wino wali mucindame uwamu nkombe zya mwi Tengo, uwa lolelanga kwiza kwa Wene wakwe Leza, aposya aya kuli Pilato kuyalenga icala cakwe Yesu. 44Pilato azunguka pakuuvwa ukuti Yesu afwile mpiti. Aama musika wa mpuka ya vita umwanda onga nu kumuuzya ndi Yesu afwile mpiti. 45Pacisila lino uvwa kuli musika, Pilato azumilizya Yosefu kuti asende icala. 46Yosefu wakazile insalu itiswe yamutengo nupya isalale. Alino aisya icala pansi, acipomba mu nsalu, nga aya aciika mwi lindi lino yafukwile mwi we. Lyene akunkulusizyapo iwe likulu pa mulyango wi lindi. 47Maliya uwaku Magadala na Maliya nyina wakwe Yosefu yalola vino icala cakwe Yesu calalikwa.

Currently Selected:

Mako 15: MamL13

Highlight

Copy