Mako 13
13
(Mat 24:1-2; Luk 21:5-6)
1Lino Yesu wafumanga mu Ng'anda ikulu yakwe Leza, wenga uwamu alondezi yakwe avwanga ati, “Kasambilizya! Silola, usuma wa mawe nu ukulu wa vikulwa vii!”
2Yesu amunena ati, “Uzye walola vikulwa vii vikulu cuze? Kutalaya iwe nanti lyonga ililasyala pi we lyuze. Yonsi kwene yalomoolwa.”
Yesu walanda pa macuzi nu kuzunyiwa
(Mat 24:3-14; Luk 21:7-19)
3Lino Yesu watenzi pa Mwamba wa Olivi, kulungamana ni Ng'anda ikulu yakwe Leza, Petulo, Yakobo, Yoane na Andeleya iiza kunoli yamuzya mu nkama yati, 4“Uzye alilaci lino cii cilacitika? Nupya icani cilaya cilangililo cakulanga ukuti vili pipi nu kucitika.”
5Yesu ayanena ati, “Cenjelini, mutaleka umuntu nanti wenga amuponzye. 6Pano antu aingi yalizila mwi zina lyane nu kuti, ‘Klistu anene!’ Yene yalaponzya antu aingi. 7Lino muluvwa nkondo nga ni mpupilizi zya nkondo kutali, mutakasakamale. Vintu vii vilinzile kucitika, lelo visikulanga ukuti mpelelekezyo yatifika. 8Inko zilakatukilana, na mawene yalakatukilana. Kulaya vilundumusi mu ncende zimwizimwi, nga ni vipowe. Vintu vii uli utandiko wa macuzi akulu cuze.
9 #
Mat 10:17; Luk 12:11 “Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali. 10Lelo Ilandwe Lisuma lilinzile likosolwe ku nko zyonsi. 11Lyene lino mpelelekezyo itali ifike yalamulema nu kumutwala mu cilye ca milandu mutakalanguluke nkolelo pali vino mulavwanga. Lino nsita iliza, muce muvwange cino cilapelwa kunomuli. Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo. 12Antu yalakoopa aina yao aonsi kuti yakomwe. Mu musango uli onga na yaisi yalakoopa ana yao. Ana yalakatukila akwasi yao nu kuyakomisya. 13#Mat 10:22 Onsi yalamupata pamulandu wane. Lelo wino wensi alaposya kufika nu ku mpelelekezyo wene alatuulwa.
Ca winyi ca ononyi
(Mat 24:15-28; Luk 21:20-24)
14 #
Dan 9:27; 11:31; 12:11 “Lelo lino mulalola ‘Ca winyi ca ononyi’ cimilila pa cifulo cino citalinzile kuyapo.” (Kawelenga ailuke vino ci cikusenula!) Lyene yonsi ali mu Yudeya yakuutukile ku myamba. 15#Luk 17:31 Wino ali pi paala lya ng'anda yakwe wene atalika nu kwingila mu ng'anda, kuti atoole cimwi asende. 16Wino ali mu calo atakaswilile ku ng'anda yakwe, kuya tola cakuzwala. 17Kalanda ku anaci alasenda indilwa na yano alaonsya ana mu manda yalya! 18Pepini kuli Leza kuti vintu vii vitakacitike pa mwela, 19#Dan 12:1; Mil 7:14 pano macuzi ya manda yayo yalaya aipisye kuluta yano insi yamanya kufuma ku utandiko lino Leza waumvile insi kufika na ndakai, nupya yatalatala yayeko. 20Lelo Mwene ndi atacefizyeko manda yalya, kusi nanti umwi angatuulwa. Lelo pamulandu wa asololwe yakwe, Leza wacefya manda yalya.
21“Lyene, umwi ndi wamunena wati, ‘Lolini, Klistu auwi kuno!’ Nanti, ‘Lolini, Klistu awilya kuku!’ Mutakamutaile. 22Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya. 23Cenjelini! Namunena vii vyonsi lino insita itali kuti ifike.
Ukwiza kwa Mwana wa Muntu
(Mat 24:29-31; Luk 21:25-28)
24 #
Eza 13:10; Eze 32:7; Yow 2:10, 31; 3:15; Umb 6:12 “Mu manda yalya pacisila ca ucuzi ilanzi lilafita, umwezi utalawala, 25#Eza 34:4; Yow 2:10; Mil 6:13 intanda zilapona kufuma mwiyulu, na maka amu lwelele yalatenta. 26#Dan 7:13; Umb 1:7 Alino Mwana wa Muntu alaloleka, akwiza mu makumbi na maka akulu nu lulumbi. 27Alatuma angeli mu ntunga zini zya nsi ku kukolonganika asololwe yakwe Leza kufuma ku mpela yonga ya nsi kufika nu ku yuze kwene.
Isambililo lya pa musamvu
(Mat 24:32-35; Luk 21:29-33)
28“Sambililini pa musamvu. Lino misambo yakweo yatandika kulemba na mafwa yalelema mukamanya vino cisiku capalama. 29Mu musango uli onga, lino mulalola vintu vii vikucitika, mulamanya vino Mwana wa muntu ali pipi lwa pa mulyango kwene. 30Cumi, namunena vino, vintu vii vyonsi vilacitika lino antu amu mukulo uu onsi yatali yafwe. 31Iyulu ni nsi vitalikalilila manda pe, lelo mazwi yane yene yalikalilila manda pe.
Kusi wamanya kwiza kwa wanda ulya nanti kasita
(Mat 24:36-44)
32 #
Mat 24:36
“Kusi nanti wenga wamanya kwiza kwa wanda ulya nanti kasita. Angeli ya mwiyulu nanti Mwana kwene yatamanya, suka sile Tata. 33Cenjelini, pempulini, pano mutamanyile lino nsita ii iliza. 34#Luk 12:36 Cili wa muntu wino ali pa lwendo kufuma ku muzi wakwe nu kusya aomvi kuti yaangalila milimo yakwe. Lyene apeela kuli wenga na wenga incito yakuti aomba nu kunena kalinda kuti aapempula. 35Caleka, pempulini, pano mutamanyile kasita lino umwine wa ng'anda ali nu kwiza, limwi ku manguzi lino ilanzi lyawa, nanti usiku pakasi, nanti pa macaca, nanti lino ilanzi lyatunka. 36Ndi wene wapumikizya pa kwiza, atalinzile azane mukaswile. 37Cino nkunena mwemwe, acino nkunena na yonsi kwene nati, ‘Pempulini!’
Yapangana kukoma Yesu
Currently Selected:
Mako 13: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
