Popular Bible Verses from Mako 13

Share

Onsi yalamupata pamulandu wane. Lelo wino wensi alaposya kufika nu ku mpelelekezyo wene alatuulwa.

Cenjelini, pempulini, pano mutamanyile lino nsita ii iliza.

Lyene lino mpelelekezyo itali ifike yalamulema nu kumutwala mu cilye ca milandu mutakalanguluke nkolelo pali vino mulavwanga. Lino nsita iliza, muce muvwange cino cilapelwa kunomuli. Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Iyulu ni nsi vitalikalilila manda pe, lelo mazwi yane yene yalikalilila manda pe.

“Kusi nanti wenga wamanya kwiza kwa wanda ulya nanti kasita. Angeli ya mwiyulu nanti Mwana kwene yatamanya, suka sile Tata.

Lino muluvwa nkondo nga ni mpupilizi zya nkondo kutali, mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Caleka, pempulini, pano mutamanyile kasita lino umwine wa ng'anda ali nu kwiza, limwi ku manguzi lino ilanzi lyawa, nanti usiku pakasi, nanti pa macaca, nanti lino ilanzi lyatunka. Ndi wene wapumikizya pa kwiza, atalinzile azane mukaswile. Cino nkunena mwemwe, acino nkunena na yonsi kwene nati, ‘Pempulini!’

Inko zilakatukilana, na mawene yalakatukilana. Kulaya vilundumusi mu ncende zimwizimwi, nga ni vipowe. Vintu vii uli utandiko wa macuzi akulu cuze.

Lelo Ilandwe Lisuma lilinzile likosolwe ku nko zyonsi.

Pano antu aingi yalizila mwi zina lyane nu kuti, ‘Klistu anene!’ Yene yalaponzya antu aingi.

“Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali.

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya.

“Mu manda yalya pacisila ca ucuzi ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.