Popular Bible Verses from Mako 14

Share

Apepa ati, “Tata, vintu vyonsi ivyangupale kunuli. Sisya ulwako luu lwa ucuzi kunondi. Kusi kulonda kwane, lelo kulonda kwako kucitike.”

Alino nawe ayanena ati, “Pempulini, nu kupepa kuti mutaponela mu matunko. Umwenzo ukulondesya lelo umwili uutonte.”

Cumi, namunena vino, konsi kuno Ilandwe Lisuma lilakosolwa mu nsi yonsi, cii cino umwanaci wii wacita cilalandwa kuti antu yamwiusya.”

Alino ayanena ati, “Umwenzo wane wanyomelwa nu ulanda pipi ni mfwa. Syalini pano nu kupempula.”

Walanga yacili yakulya, Yesu atoola mukate, ataizya Leza, aumokoola, alino aupela ku alondezi yakwe. Lyene avwanga ati, “Tolini, uu uli mwili wane.”

Lyene atoola ulwako, ataizya Leza, ayapeela, alino nao yamwamo. Yesu avwanga ati, “Uu uwazi wane, uno Leza watamapo insimbi pa upangano, uno wapongololwa pamulandu wa antu aingi.

Yesu nawe ayanena ati, “Mwensi kwene mumamfutatila nu kunsya nenga, pano calembwa cati, ‘Ndakoma kacema, ni mfwele zilasalangana.’

Katukini, tuini twapita. Lolini, umuntu amankoopa wapalama!”

Yesu anena Petulo ati, “Cumi nakunena vino usiku kwene uu, lino mukolwe atacili alamule maila yaili, wemo umankana maila yatatu ale ukuvwanga vino utamanyile.”