Mateo 4
4
Yesu watunkwa na Ciwa
(Mk 1:12-13; Luk 4:1-13)
1 #
Aye 2:18; 4:15 Lyene Mupasi Wamuzilo atungulula Yesu ku lwanga kuti akatunkwe na Ciwa. 2Lelo Yesu atalile nanti kamwi manda makumi yani, musanya nu usiku. Pacisila auvwa inzala. 3Lyene Ciwa aiiza pano wali amunena ati, “Ndi wewe Mwana wakwe Leza, nena mawe yaa yaye mukate.” 4#Malg 8:3 Yesu amwaasuka ati, “Calembwa mu malembelo cati, ‘Muntu atangaya nu umi pa cakulya citupu, lelo pa kuyela mazwi yonsi yano Leza wavwanga.’ ” 5Lyene Ciwa amusenda ku Yelusalemu, Musumba Wamuzilo, amwika pa kansonsi ka Ng'anda ikulu yakwe Leza. 6#Mas 91:11 Alino amunena ati, “Ndi wewe Mwana wakwe Leza, uiponye pansi, pano calembwa mu malembelo cati,
‘Leza alapeela ilamulo ku angeli yakwe pali wewe
nga yalakwanka mu makasa yao,
kuti utacinta lwazo lwako pi we.’ ”
7 #
Malg 6:16
Yesu aasuka ati, “Na cikwene calembwa mu malembelo cati, ‘Utaezya kutunka Mwene Leza wako.’ ” 8Nupya Ciwa amusenda papela ya mwamba utali cuze, amulanga mawene amu nsi yonsi nu lulumbi lwakweyo. 9Alino amunena ati, “Vintu vii vyonsi namakupeela ndi wamfukamila nu kumpepa.” 10#Malg 6:13 Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”
11Alino Ciwa amusya, na angeli iiza yamutumikila.
Yesu watandika imilimo yakwe mu Galile
(Mk 1:14-15; Luk 4:14-15)
12 #
Mat 14:3; Mk 6:17; Luk 3:19 Lino Yesu uvwa vino Yoane yamunyepa mu ng'anda yaminyololo, aswilila ku mpanga ya Galile. 13#Yoa 2:12 Lyene afuma ku Nazaleti, aiiza ikala mu Kapenaumu, musumba uwamu nkumba yakwe yemba, mu mipaka ya Zabuloni na Nafutali. 14Cii cacitike kuti cifikiliziwe cino Leza wavwanzile kupitila muli kasema Ezaya ati,
15 #
Eza 9:1, 2 “Mpanga ya Zabuloni ni mpanga ya Nafutali
ulunga na yemba, mbalama yuze ya luzi lwa Yodani,
Galile mpanga ya Akulukuwa!
16Antu yano akaikala mu mfinzi,
yati yalola luswepo lukulu lwa ufyusi.
Na pali yao aikala kwati yali mu mpanga ya mfinzi,
yati yalola luswepo lwa ufyusi wakwe Leza.”
17 #
Mat 3:2
Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”
Yesu waama alondo yani
(Mk 1:16-20; Luk 5:1-11)
18Lino Yesu wapitanga mu nkumba yakwe yemba wa Galile, alola aina yaili, Simoni wino yatangi Petulo, na Andeleya mwina wakwe ala yali ni sumbo yakuvuwa muli yemba, pano yali alondo. 19Yesu nawe ayanena ati, “Izini ndondelini, namamucita alondo ya antu.” 20Lilyo kwene iyasya amasumbo yao, yamulondela. 21Lino wafumako, aya pa nkolelo alola alondo yauze yaili, Yakobo na Yoane ana yakwe Zebedi yali mu wato ni si wao Zebedi, ala yakulimba amasumbo yao, nga ayaama. 22Lyene lilyo kwene yasya uwato ni si wao, yamulondela.
Yesu wasambilizya, wakosola nu kupozya alwale
(Luk 6:17-19)
23 #
Mat 9:35; Mk 1:39 Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi. 24Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya. 25Maumba akulu cuze ya antu afumile ku Galile nu mu ncende ya misumba ikumi nu ku Yelusalemu nu ku Yudeya, nga nu ku mbalama zilya zyakwe Yodani, yamulondela.
Currently Selected:
Mateo 4: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
