Malaki 4
4
1Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu. 2Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi.
“Namwe mulacena wa twana twa ng'ombe tuno yayulila kuti tufume mu citata. 3Pa wanda ulya lino ndacita cimwi, mwemo mulacimvya yakaifya nayo yalaya wi twi uku ngazo zinu. Ne Yawe Wamaka yonsi navwanga.
4“Iusyini ivya usambilizyo wa muomvi wane Mose, amasunde na malamulo yano namupiile pa mwamba wa Holebu kuti aina Izlaeli yonsi yayela.
5 #
Mat 11:14; 17:10-13; Mk 9:11-13; Luk 1:17; Yoa 1:21 “Lelo lino uwanda uo ukulu uwakofya wakwe Yawe utali kuti ufike, ndamutumila kasema Eliya. 6Wene alakundanya yaisi na ana yao, na ana na yaisi. Nga citangaya vivyo ale lyene ndiza nonone impanga inu.”
Currently Selected:
Malaki 4: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
