Luka Kulondolola
Kulondolola
Ilandwe ilyalemvilwe na Luka likalangilila vino Yesu a Katuula, uwalaviwe ku ina Izlaeli nupya a Katuula wa antu onsi. Luka walemba vino Yesu wamilwe nu Mupasi wa Mwene kuti “Akosole Ilandwe Lisuma ku apina,” ni Landwe lii, lyazulamo vino antu yalondanga ivya misango yonsi. Kulembwa kwa nsansa kwazanwa muli Luka, maka maka mu macapita akutandika yano yakatunena kwiza kwakwe Yesu vino kwali. Nu mukusyalikizya yakutunena vino Yesu wakwezile kwiyulu. Kukula nu kusalanganya kwa utailo wa wina Klistu pacisila ca kukwela kwakwe Yesu kufuma kwi yulu, kwalandwa na kalemba ali umwi mu lupapulo lwa Milimo ya Atumwa.
Miputule yakwe ciili na mutanda (Lola mu utantiko apisika) mwaya vintu vingi cuze vino vikazanwa sile mu lupapulo kwene luu lwi Landwe. Ndi vino malandwe ya nyimbo zya angeli na yakacema, kuya pempula ukuvyalwa kwakwe Yesu, Yesu mu Ng'anda ikulu yakwe Leza lino wali umulumendo, nu mulumbe wa Musamaliya musuma nu wa mwana muponge. Mwi landwe monsi mwayamo kukonkomezya kupepa, kuya na Mupasi Wamuzilo, pa milimo ya anaci mu utunguluzi wakwe Yesu, nga nu kwelelwa kwa maifyo kwakwe Leza.
Utantiko wa vili mu lupapulo luu
Ukulondolola 1:1-4
Kuvyalwa nu kukula kwakwe Yoane kawatizya na Yesu 1:5–2:52
Imilimo yakwe Yoane kawatizya 3:1-20
Ukuwatiziwa nu kweziwa kwakwe Yesu 3:21–4:13
Yesu ni milimo ya kukosola mu Galile 4:14–9:50
Kufuma ku Galile nu kuya ku Yelusalemu 9:51–19:27
Umulungu wakusyalikizya uno Yesu waomvile mukasi nga nu mupipi na Yelusalemu 19:28–23:56
Kuzyukuka, ukuloleka nu kukwela kwa Mwene kwiyulu 24:1-53
Currently Selected:
Luka Kulondolola: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013