2 Юҳанно 1
1
1–БОБ
Дуойи салом
1Худо танлаб олган азиз хоним ва унинг болаларига#1:1 Худо танлаб олган азиз хоним ва унинг болалари — маълум бир имонлилар жамоати ва жамоат аъзолари назарда тутилган бўлса керак. мен — оқсоқолдан#1:1 оқсоқол — яъни ҳаворий Юҳанно. салом! Мен сизларни чин дилдан яхши кўраман, менгина эмас, ҳақиқатни билиб олганларнинг ҳаммаси сизларни яхши кўради. 2Бу севгига дилимиздан жой олган ва то абад биз билан бўладиган ҳақиқат асос бўлди.
3Биз ҳақиқат ва севги бўйича яшар эканмиз, Отамиз Худо ва Отамизнинг Ўғли Исо Масиҳ берадиган иноят, марҳамат ва тинчлик бизга#1:3 Биз…биз — юнонча матндан. Баъзи юнон қўлёзмаларида Сизлар…сизлар. доим ёр бўлади.
Ҳақиқат ва меҳр–муҳаббат
4Ҳурматли хоним, фарзандларингизнинг бир нечтаси Отамиз Худонинг бизга берган амрини#1:4 Отамиз Худонинг бизга берган амри — 1 Юҳанно 3:23 га қаранг. бажариб, ҳақиқат йўлида юраётган эканлар. Мен бундан ғоят хурсанд бўлдим.
5Сиздан бир илтимосим бор, бир–биримизни яхши кўрайлик. Сизга янги амрни ёзаётганим йўқ, бу амр бизга бошидан берилган. 6Севги — биз Худонинг амрларига амал қилишимиздан иборат. Сизлар бу амрни бошидан эшитгансизлар ва унга амал қилиб яшашингиз керак.
7Буларни ёдингизда тутинглар, чунки дунёда ёлғончилар кўпайиб кетган. Исо Масиҳ инсон бўлиб келганини улар тан олмайдилар#1:7 Исо Масиҳ инсон бўлиб келганини улар тан олмайдилар — 1 Юҳанно 2:22, 4:1-3 га ва 1 Юҳанно 5:6 нинг биринчи изоҳига қаранг. Яна 1 Юҳанно 4:10, 5:5 га қаранг.. Уларнинг ҳар бири ёлғончи ва Масиҳнинг душманидир!#1:7 Масиҳнинг душмани — 1 Юҳанно 2:18, 4:3 га қаранг. 8Шундай экан, огоҳ бўлинглар! Мукофотингизни тўлиқ олиш учун Масиҳга бўлган ҳақиқий имонингизни#1:8 Масиҳга бўлган ҳақиқий имонингиз — юнонча матндан сўзма–сўз таржимаси биз бажарган иш, бу ўринда уларнинг Исо Масиҳга бўлган имони назарда тутилган. маҳкам тутинглар. 9Масиҳ таълимотини ортда қолдириб, ўзича “жадаллаб кетган” одамда Худо йўқ. Масиҳ таълимоти бўйича яшаган одамда эса Ота ҳам, Ўғил ҳам бор. 10Агар бирор киши олдингизга келиб, сизларга бошқача таълимотни ўргатса, уни уйингизга киритманглар, таклиф ҳам қилманглар. 11Агар уни таклиф қиладиган бўлсангиз, унинг ёмон ишларига шерик бўлган ҳисобланасиз.
Хайрлашув
12Сизларга айтадиган гапим кўп, аммо буларни сиёҳ билан қоғозга ёзишни истамадим. Ундан кўра, олдингизга бориб, сизлар билан юзма–юз гаплашаман, деб умид қиламан. Шунда шодлигимиз#1:12 шодлигимиз — юнонча матндан. Баъзи юнон қўлёзмаларида шодлигингиз. тугал бўлади.
13Худо танлаб олган азиз синглингизнинг болалари#1:13 Худо танлаб олган азиз синглингизнинг болалари — бу ўринда имонлилар жамоати назарда тутилган бўлса керак. Айниқса, муаллиф қайси жамоатда бўлган бўлса, ўша жамоатга ишора бўлиши мумкин. сизларга салом йўллашяпти#1:13 Юнонча матндан. Баъзи юнон қўлёзмаларида қуйидаги сўз оятга қўшимча қилинган: омин..
Currently Selected:
2 Юҳанно 1: ЎзбМК
Highlight
Share
Copy
Want to have your highlights saved across all your devices? Sign up or sign in
© Муқаддас Китобни таржима қилиш институти, 2016, 2018, 2020