Teg Num 1

1The-aufilaus, Phoo ntawv kws kuv xub sau, kuv sau has txug txhua yaam kws Yexus ua hab qha txij thaus kws nwg pib ua num #Luk 1.1-4 2moog txug nub kws Vaajtswv coj nwg moog sau ntuj. Thaus Yexus tsi tau moog sau ntuj, nwg kuas Vaaj Ntsujplig tug Dlawbhuv qha nwg cov timthawj kws nwg xaiv tseg lawm. 3Rua qhov plaub caug nub tom qaab kws nwg sawv huv qhov tuag rov qaab lug, nwg tau lug tshwm rua puab pum ntau zag, kuas puab paub has tas, nwg tseem muaj sa nyob. Puab tau pum nwg hab nwg qha puab txug Vaajtswv lub Tebchaws. 4Muaj ib zag thaus Yexus nrug nwg cov timthawj nyob ua ke,#1.4 Thaus Yexus nrug nwg cov timthawj nyob ua ke; lossis thaus puab tuaj sis sau ua ke; lossis thaus nwg nrug puab nyob; lossis nwg nrug puab noj mov ua ke. nwg saamfwm rua puab tas, “Mej tsi xob tawm huv lub nroog Yeluxalees moog qhov twg le, mej yuavtsum nyob tog txug nub kws mej tau lawv le kuv Txiv coglug has tas, nwg yuav pub rua mej. Qhov ntawd kuv tub qha rua mej lawm.#Luk 24.49 5Yauhaas muab tuabneeg ua kevcai raus rua huv dlej, tabsis tshuav ob peb nub xwb, yuav muab mej ua kevcai raus lug ntawm Vaaj Ntsujplig Tug Dlawbhuv.”#Mat 3.11; Mak 1.8; Luk 3.16; Yhs 1.33

Vaajtswv Coj Yexus Moog sau Ntuj

6Thaus cov timthawj nrug Yexus nyob ua ke, puab nug Yexus has tas, “Tug Tswv, lub sijhawm nuav, koj yuav muab lub Tebchaws rov rua cov Yixalayees los?”

7Yexus has rua puab tas, “Tsi taag mej yuav paub has tas, nub twg hab lub sijhawm twg yuav muaj le ntawd. Lub sijhawm ntawd, nyob ntawm leej Txiv teem ca. 8Tabsis thaus Vaaj Ntsujplig tug Dlawbhuv lug nrug mej nyob lawm, nwg yuav pub fwjchim rua mej hab mej yuav ua timkhawv qha kuv zaaj moog thoob plawg huv lub nroog Yeluxalees, huv lub xeev Yudas, huv lub xeev Xamalis, hab moog txug qaab ntuj kawg.”#Mat 28.19; Mak 16.15; Luk 24.47-48 9Thaus Yexus has le ntawd taag, thaus puab tseem saib quas ntsoov Yexus, ces Vaajtswv txawm coj Yexus moog sau ntuj lawm. Muaj ib tauv fuab lug roog nwg, ces puab tsi pum nwg lawm.#Mak 16.19; Luk 24.50-51

10Thaus puab tseem taabtom saib ntsoov Yexus moog sau ntuj, ua cav muaj ob tug txivneej naav rig tsho dlawb paug lug sawv ntawm puab. 11Obtug has rua puab tas, “Cov tuabneeg Kalilais, mej sawv saib sau ntuj ua dlaabtsi? Yexus tug kws Vaajtswv nyavnyuas coj moog sau ntuj lawm, nwg yeej yuav rov qaab lug ib yaam nkaus le kws mej pum nwg moog ntaag.”

Tug Kws Hloov Yudas Ixakali-us Chaw

12Cov timthawj txawm rov qaab peg Roob Txiv Ntoo Roj lug txug rua huv lub nroog Yeluxalees. Lub roob ntawd nyob nrug dleb ntawm lub nroog kwvlaam le ib kilumev. 13Thaus puab lug txug huv lub nroog Yeluxalees, puab txawm moog rua huv ib lub tsev, hab nce moog rua ib chaav kws nyob txheej sau, chaav ntawd yog chaav kws puab tuaj su. Puab cov ntawd yog: Petus, Yauhaas, Yakaunpaus, Aadales, Filis, Thaumas, Npataulaumais, Mathais, Yakaunpaus kws yog Alafais tug tub, Ximoos tug kws xaav kuas nwg lub tebchaws muaj kev ywjpheej, hab Yudas kws yog Yakaunpaus tug tub.#Mat 10.2-4; Mak 3.16-19; Luk 6.14-16 14Puab cov nuav hab ib cov quaspuj hab Malis kws yog Yexus nam hab Yexus cov kwv pheej tuaj ua ke thov Vaajtswv huv chaav tsev ntawd.

15Ob peb nub tom qaab ntawd cov ntseeg tuaj saablaaj ua ke, puab muaj kwvlaam le ib puas neeg nkaum leej, ces Petus txawm sawv ntsug qha cov tuabneeg ntawd 16has tas, “Cov kwvtij, yeej yuav muaj lawv le Vaajtswv txujlug kws Vaaj Ntsujplig qha rua Vaajntxwv Daviv sau has txug Yudas tug kws coj tuabneeg kev moog nteg Yexus. 17Yudas yeej yog ib tug huv peb paab, Yexus tsaa nwg nrug peb ua ib teg num.”

18(Cov nyaj kws Yudas tau thaus Yudas ua phem, Yudas muab yuav ib thaaj aav. Qhov chaw kws Yudas lub cev poob, nwg plaab tawg hab nyuv tawm taag huv tuabsi, tub yog ntawm thaaj aav ntawd ntaag.#Mat 27.3-8 19Cov tuabneeg kws nyob huv lub nroog Yeluxalees nov zaaj nuav, puab txawm hu thaaj aav ntawd lawv le puab lug has tas, Akedamas kws txhais has tas, “Thaaj Aav Ntshaav.”)

20“Tub muaj lug sau tseg rua huv phoo Ntawv Nkauj has tas,

‘Ca nwg lub tsev nyob khoob lug;

tsi xob pub leejtwg moog nyob huv lub tsev ntawd.’

Hab muaj dlua ib nqai has tas,

‘Ca lwm tug lug hloov nwg chaw

ua nwg teg num.’ #Pnk 69.25; Pnk 109.8

21“Yog le ntawd, tug kws yuav lug nrug peb ua num, tug ntawd yuavtsum yog ib tug kws ibtxwm nrug peb ua ke hab nrug peb tug Tswv Yexus moog rua nuav rua u, 22txij thaus Yauhaas qhuab qha hab muab tuabneeg ua kevcai raus dlej#1.22 Yauhaas qhuab qha hab muab tuabneeg ua kevcai raus dlej; lossis Yauhaas muab Yexus ua kevcai raus dlej. lug txug nub kws Vaajtswv coj Yexus moog sau ntuj, mas tug ntawd txhaj nrug peb ua tau timkhawv has tas, Yexus tub sawv huv qhov tuag rov qaab lug lawm tag.”#Mat 3.16; Mak 1.19; Luk 3.21; Mak 16.19; Luk 24.51

23Ces puab pum zoo muab ob tug tuabneeg lug rua suavdlawg xaiv, ob tug ntawd ib tug yog Yauxej kws hu ua Npaxanpas (lossis hu ua Yuxatus), hab Mathias. 24Puab txawm thov Vaajtswv has tas, “Tug Tswv, koj yog tug kws paub txhua tug lub sab huv tuabsi, yog le ntawd, thov koj qha rua peb saib ob tug nuav, koj xaiv tug twg 25lug ua timthawj hloov Yudas chaw, ua teg num kws Yudas muab tso tseg hab moog rua huv qhov chaw kws yeej yog nwg lub lawm.” 26Ces puab txawm rhu ntawv, saib ob tug ntawd tau tug twg. Puab rhu tau Mathias. Txij nub ntawd lug, Mathias txawm nrug kaum ib tug timthawj ntawd ua num.

Currently Selected:

Teg Num 1: HNJ2000

Highlight

Copy