مَتّیٰ 19

نیکاح و طالاق بارادا

مَرقُس ۱۰‏:۱‏-۱۲

1عیسی بو سُزلِری تاماملاندان سُنگ، جلیل‌دِن چیقیپ، اُردُن آرناسینینگ آنگیرسینداقی یهودیه اِطرافینا گیتدی.‏ 2اولی جِماغات اُنونگ ایزینا دوشدی، عیسی هِم شُل یِرده اُلارینگ مِریضلِرینی شِفا بِردی.‏

3عیسانینگ یانینا گِلِن کَبیر فَریسی‌لِر اُنی ایمتِحان اِتمِک اوچین:‏ ‏«‏بیر آدامینگ هِر بیر زادی باهانالاپ، آیالینی طالاق بِرمِگی شِریغاتا دُغری گِلیَرمی؟»‏ دییّپ سُرادیلار.‏ 4عیسی هِم:‏ ‏«‏سیز نَمه تُورات‌دا اُقیمادینگیزمی؟ یارادانینگ اُزی اُزال-باشدا ‏”‏اُلاری اِرکِک و آیال اِدیپ یاراتدی“‏.‏#یاراتیلیش ۱‏:۲۷ 5شِیله هِم:‏ ‏”‏شُل سِبَپدِن اِرکِک اِنه-آتاسینی تِرک اِدیپ، آیالی بیلِن بیرلِشیَر و اُلارینگ ایکیسی بیر تِن بُلیار.‏“‏#یاراتیلیش ۲‏:۲۴ 6شِیلِلیکده، اُلار ایندی ایکی دَل، بیر تِندیر.‏ شُنونگ اوچین هِم خودایینگ بیرلِشدیرِنینی اینسان آییرماسین»‏ دییدی.‏

7فَریسی‌لِر عیسادان:‏ ‏«‏اُندا نَمه اوچین موسی طالاق نامه‌سینی یازیپ، آیریلیشماغا ایختییار بِریپدیر؟»‏ دییّپ سُرادیلار.‏#قایتادان ۲۴‏:۱ 8عیسی اُلارا:‏ ‏«‏موسی سیزینگ قاتی یورِکدیگینگیز اوچین آیالینگیزی طالاق بِرمَگه ایختییار بِردی، اِمّا اُزال-باشدا بِیله دَلدی.‏ 9مِن سیزه شونی آیدیاندیرین:‏ هِر کیم آیالینی زینادان باشغا سِبَپ بیلِن طالاق بِریپ، باشغا آیالا اُیلِنسه، زینا اِدیَندیر»‏ دییّپ جُغاپ بِردی.‏

10شَگیرتلِر اُنگا:‏ ‏«‏اِگِر اَر-آیالینگ آراسینداقی یاغدای شِیله بُلسا، اُندا اُیلِنمِزلیک قاوودیر»‏ دییّشدیلِر.‏ 11اِمّا عیسی اُلارا:‏ ‏«‏هِمّه آداملار بو سُزی قابول اِدیپ بیلمِزلِر، یِکه اُزلِرینه بِرلِنلِر قابول اِدیپ بیلِرلِر.‏ 12کَبیر آداملار عُمور بُیی آغتادیرلار، کَبیرلِری بُلسا آداملار طارافیندان آغتا اِدیلِندیر.‏ باشغا بیرلِری بُلسا، آسمانینگ پادیشاهلیغینینگ خاطیراسینا هیچ کیم بیلِن بیرلِشمِیَر.‏ مونی قابول اِدیپ بیلِن قابول اِتسین»‏ دییدی.‏

عیسی چاغالارا بِرِکِت بِریَر

مَرقُس ۱۰‏:۱۳‏-۱۶؛ لوقا ۱۸‏:۱۵‏-۱۷

13سُنگرا باشلارینا اِلینی قُیوپ، دُغا اِتسین دییّپ، آداملار چاغالاری عیسانینگ یانینا گِتیردیلِر، اِمّا شَگیرتلِر چاغالاری گِتیرِنلِره کَیِدیلِر.‏ 14عیسی بُلسا:‏ ‏«‏چاغالاری مِنینگ یانیما گُیبِرینگ، اُلاری ساقلامانگ، سِبَبی آسمانینگ پادیشاهلیغی شولار یالیلارینگقیدیر»‏ دییدی.‏ 15اِل‍لِرینی اُلارینگ باشلارینا قُیوپ، بِرِکِت بِرِندِن سُنگ، عیسی اُل یِردِن گیتدی.‏

بای یاش ییگیت

مَرقُس ۱۰‏:۱۷‏-۳۱؛ لوقا ۱۸‏:۱۸‏-۳۰

16شُل ماحال بیر آدام عیسانینگ یانینا گِلیپ:‏ ‏«‏اِی اُستاد، اِبِدی یاشایشیم بُلار یالی، مِن نَمه یاخشی ایش اِتمِلی؟»‏ دییّپ سُرادی.‏ 17عیسی:‏ ‏«‏نَمه اوچین مِندِن یاخشی ایش حاقیندا سُرایارسینگ؟ یِکه خودایدان باشغا هیچ کیم یاخشی دَلدیر.‏ اِگِر اِبِدی یاشایشا قاووشماق ایسلِیَن بُلسانگ، دِستورلاری بِرجای اِت»‏ دییدی.‏ 18اُل عیسادان:‏ ‏«‏هایسی دِستورلاری؟»‏ دییّپ سُرادی.‏ عیسی:‏ ‏«‏آدام اُلدورمه، زینا اِتمه، اُغورلیق اِتمه، یالان شاهاتلیق بِرمه، 19اِنه-آتانگا حُرمات قُی، هِمسایانگی اُزونگی سُیشونگ یالی سُی»‏ دییّپ جُغاپ بِردی.‏#چیقیش ۲۰‏:۱۲‏-۱۶؛ قایتادان ۵‏:۱۶‏-۲۰؛ لاویلار ۱۹‏:۱۸ 20یاش ییگیت عیسادان:‏ ‏«‏مِن بولارینگ هِمّه‌سینی یاشلیغیمدان بَری بِرجای اِدیپ گِلیَرین، یِنه نَمه کِمیم بار؟»‏ دییّپ سُرادی.‏ 21عیسی اُنگا:‏ ‏«‏کَمیل بُلایین دییسِنگ، گیت-ده، نَمَنگ بار بُلسا ساتیپ، قاریپلارا پایلا، شُندا آسماندا خازینانگ بُلار.‏ سُنگرا گِل-ده، مِنینگ ایزیما دوش»‏ دییدی.‏ 22یاش ییگیت بو سُزی اِشیدیپ، غاملی بُلوپ گیتدی، سِبَبی اُنونگ مال-مولکی کَندی.‏

23عیسی شَگیرتلِرینه:‏ ‏«‏سیزه دُغروسینی آیدیارین، بای آدامینگ آسمانینگ پادیشاهلیغینا گیرمِگی قیندیر.‏ 24مِن سیزه یِنه-ده شونی آیدیارین، بیر دویَه‌نینگ اینگَّه‌نینگ گُزوندِن گِچمِگی بای آدامینگ خودایینگ پادیشاهلیغینا گیرمِگیندِن آنگساتدیر»‏ دییدی.‏ 25مونی اِشیدِنلِرینده، شَگیرتلِری قاتی حایران قالیپ:‏ ‏«‏اُندا کیم نِجات تاپیپ بیلِر؟»‏ دییّپ سُرادیلار.‏ 26عیسی اُلارا گُزلَپ:‏ ‏«‏اینسانلار اوچین بو مومکین دَل، اِمّا خودای اوچین هِمّه زات مومکیندیر»‏ دییدی.‏

27سُنگرا پِطرُس اُنگا:‏ ‏«‏اینه، بیز هِمّه زادیمیزی تِرک اِدیپ، سِنینگ ایزینگا دوشدوک!‏ مونونگ اوچین بیز نَمه آلاریس؟»‏ دییدی.‏ 28عیسی اُلارا:‏ ‏«‏سیزه دُغروسینی آیدیارین، هِمّه زادینگ تَزه‌لِنِن زامانی اینسان اُغلی اُز بِییک تاختیندا اُتوراندا، مِنینگ ایزیما دوشِن سیز هِم اُن ایکی تاختدا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏ 29هِر کیم مِنینگ خاطیرام اوچین اُیلِرینی، دُغانلارینی، آیال دُغانلارینی، آتاسینی، اِنه‌سینی، اُغلان-اوشاقلارینی، مال مولکلِرینی تِرک اِدِن ایزینا یوز بِرابار اِدیپ قایتاریپ آلار.‏ اُلار اِبِدی یاشایشینگ میراثچیسی بُلارلار.‏ 30اِمّا اَوَّلکیلِرینگ کَنسی آخیرقیلار، اینگ آخیرقیلارینگ هِم اَوَّلکیلِر بُلارلار»‏ دییدی.‏

Currently Selected:

مَتّیٰ 19: TUKIR

Highlight

Copy