یوحنا 12

مریم عیسی سُنبُل یاغینی چالیار

مَتّیٰ ۲۶‏:۱‏-۵؛ مَرقُس ۱۴‏:۱‏-۲؛ لوقا ۲۲‏:۱‏-۲

1پِسَح بایرامینا آلتی گون قالاندا، عیسی یِنه بِیت‌عَنیا باردی.‏ عیسانینگ دیرِلدِن ایلعازاری-دا شُل یِردِدی.‏ 2اُل یِرده عیسانینگ حُرماتینا ناهار بِریلدی.‏ مارتا خیدمات اِدیَردی، ایلعازار بُلسا میهمانلار و عیسی بیلِن بیر ساچاغینگ باشیندا اُتیردی.‏

3اُنسُنگ مریم بیر لیتر باهالی صاپ-آراسّا سُنبُل عاطیر یاغینی گِتیردی-ده، عیسانینگ آیاقلارینا چالیپ، سُنگرا ساچی بیلِن سوپوردی.‏ عاطیر یاغینگ ایسی اُیونگ ایچینه دُلدی.‏ 4شُل واقت اُنونگ شَگیرتلِرینینگ بیری، اُنگا خایینلیق اِتمِگی یورِگینه دووِن یهودا اِسخریوطی:‏ 5‏«‏نَمه اوچین بو عاطیر یاغی ساتیلیپ، اُنونگ پولی قاریپلارا پایلانمادی؟ مونونگ باهاسی بیر ییل‍لیق ایش حاقینا#۱۲‏:۵ بیر ییل‍لیق ایش حاقینا – یونانیچا ‏«‏اوچ یوز دینار»‏.‏ بارابار آخیری»‏ دییدی.‏ 6اُل مونی قاریپلارینگ غامینی اییمِک اوچین دَل-ده، اُزونینگ اُغرودیغی اوچین آیدیاردی.‏ سِبَبی اُل هِمّه‌لِرینگ پول تُرباسینی گُتِرِن بُلوپ، نَمه بِریلسه، اُزی آلیپ یُردی.‏ 7اِمّا عیسی اُلارا:‏ ‏«‏آیالا دِگمَنگ!‏ اُل مِنی جایلانجاق گونومه تاییارلاماق اوچین شِیله اِتدی.‏ 8قاریپلار هِمیشه سیزینگ یانینگیزدا بُلار، اِمّا مِن سیزینگ یانینگیزدا هِمیشه بُلمارین»‏ دییدی.‏

9یَهودیلِردِن بیر اولی جِماغات عیسانینگ اُل یِردِدیگینی اِشیدیپ، دینگه بیر عیسانی دَل، اُندان باشغا، اُنونگ دیرِلدِن ایلعازارینی-دا گُرمَگه گِلدیلِر.‏ 10شُنونگ اوچین یُلباشچی کاهینلار ایلعازاری-دا اُلدورمِگینگ ماصلاحاتینی اِتدیلِر.‏ 11چونکی کَن یَهودیلِر یُلباشچیلاردان یوز اُووروپ ایلعازار سِبَپلی عیسی ایمان گِتیریپدیلِر.‏

عیسی اورشلیمه گیریَر

مَتّیٰ ۲۱‏:۱‏-۱۱؛ مَرقُس ۱۱‏:۱‏-۱۱؛ لوقا ۱۹‏:۲۸‏-۴۰

12اِرتِسی گون بایرامچیلیغا گِلِن اولی جِماغات عیسانینگ اورشلیمه گِلیَنینی اِشیتدی.‏ 13آداملار خُرما شاخالارینی آلیپ، اُنی قارشیلاماغا چیقدیلار.‏ اُلار شِیله دییّپ قیغیریشیاردیلار:‏

‏«‏خودایا اُوگولِر بُلسون!‏

خودایینگ آدیندان گِلیَنه موبارِک بُلسون!‏

اسرائیل پادیشاهسینا موبارِک بُلسون!‏»‏#زِبور ۱۱۸‏:۲۵‏-۲۶

14‏-15اِدیل مُقادِّس یازغیلاردا:‏

‏«‏قُرقما، اِی صَهیون قیزی!‏

اینه، پادیشاهینگ کورّه اِشِگه مینیپ گِلیَر»‏#زِکِریا ۹‏:۹

دییّپ یازیلیشی یالی، عیسی بیر کورّه اِشِک تاپیپ میندی.‏

16شَگیرتلِری شُل واقت بو زاتلارا دوشونمِدیلِر.‏ اِمّا عیسی بِییکلِندیریلِندِن سُنگرا بو سُزلِرینگ اُل حاقیندا یازیلاندیغی و اُزلِرینینگ مونی یازیلیشی یالی اِدِندیکلِری اُلارینگ یادلارینا دوشدی.‏

17عیسی ایلعازاری قابردان چاغیریپ دیرِلدِنده، کَن جِماغات بو واقانی گُردی.‏ ایندی اُلار بو حاقدا هِمّه‌لِره گورّونگ بِریَردیلِر.‏ 18شُنونگ اوچین عیسانینگ گُرکِزِن بو عالامات بارادا اِشیدِن کَن آداملار اُنی قارشیلاماغا چیقدیلار.‏ 19شِیلِلیکده، فَریسی‌لِر بیری-بیرینه:‏ ‏«‏گُریَنگیزمی، اِلیمیزدِن هیچ زات گِلمِیَر.‏ هِمّه دونیَه اُنونگ ایزینا دوشدی!‏»‏ دییّشیَردیلِر.‏

عیسی اُلجِگینی اُووندِن آیدیار

20بایرامچیلیقدا عیبادات اِتمَگه اورشلیمه گِلِنلِرینگ آراسیندا بیرنَچه یونانیلار-دا باردی.‏ 21اُلار جلیل‌ینگ بِیت‌صِیدا شَهریندِن بُلان فیلیپُسینگ یانینا گِلیپ:‏ ‏«‏اِی آقا، بیز عیسانی گُرمِک ایسلِیَریس»‏ دییّپ، اُندان خاییش اِتدیلِر.‏ 22فیلیپُس هِم مونی آندرِیاسا آیتدی.‏ اُنسُنگ آندرِیاس بیلِن فیلیپُس بیله گیدیپ، عیسی آیتدیلار.‏

23عیسی اُلارا شِیله جُغاپ بِردی:‏ ‏«‏اینسان اُغلونینگ بِییکلِنمِلی واقتی گِلدی.‏ 24مِن سیزه دُغروسینی آیدیارین، بوغدای دَنه‌سی یِره قاچیپ اُلمِسه، یِکه دَنه بُلوپ قالار، اِمّا اِگِر اُلَیسه، کَن حاصیل بِرِر.‏ 25جانینی سُییَن اُنی ییتیریَندیر، اِمّا بو دونیَه‌ده کیم جانینی ییگرِنیَن بُلسا، اُنی اِبِدی یاشاییش اوچین ساقلایاندیر.‏ 26کیم مانگا خیدمات اِتمِک ایسلِیَن بُلسا، ایزیما دوشسین.‏ مِن نیرِده بُلسام، مِنینگ خیدماتکَریم-ده شُل یِرده بُلار.‏ مانگا خیدمات اِدِن آدامی آتام حُرماتلار.‏

27‏«‏حَضیر مِنینگ یورِگیم غام-غوصّا باتیار.‏ مِن نَمه دییِیین؟ اِی آتا، مِنی شو واقتدان آزاد اِت، دییِیینمی؟ یُق، مِن اُزوم شو واقت اوچین گِلدیم آخیرین.‏ 28اِی آتا، آدینگی بِییکلِندیر!‏»‏ شُندا آسماندان:‏ ‏«‏مِن آدیمی بِییکلِندیردیم و یِنه-ده بِییکلِندیرِرین»‏ دییِن سِس گِلدی.‏ 29اُل یِرده دوران جِماغات مونی اِشیدیپ:‏ ‏«‏آسمان گوپوردِدی»‏ دییدیلِر.‏ کَبیرلِری بُلسا:‏ ‏«‏اُنونگ بیلِن بیر پِریشده کِپلِشدی»‏ دییّشدیلِر.‏ 30عیسی اُلارا:‏ ‏«‏بو سِس مِنینگ اوچین دَل-ده، سیزینگ اوچین گِلدی.‏ 31ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏ 32یِردِن یُقاری گُتِریلِنیمده، مِن هِمّه اینسانلاری اُزومه چِکِرین»‏ دییّپ جُغاپ بِردی.‏ 33عیسی مونی نَهیلی اُلوم بیلِن اُلجِگینی بیلدیرمِک اوچین آیتدی.‏

34جِماغات اُنگا قارشی بُلوپ:‏ ‏«‏تُورات‌دا آیدیلشینا گُرَه، مسیح اِبِدی قالمالیدیر.‏ اُنسُنگ نَدیپ سِن:‏ ‏”‏اینسان اُغلی یُقاری گُتِریلمِلیدیر“‏ دییَّرسینگ؟ اُل اینسان اُغلی دییَّنینگ کیم؟»‏ دییّپ سُرادیلار.‏ 35عیسی اُلارا:‏ ‏«‏نور سیزینگ آرانگیزدا یِنه آز واقت بُلار.‏ نور بارقا، نوردا گِزینگ، شُندا اوستونگیزی قارانگقیلیق باسماز.‏ چونکی قارانگقیلیقدا گِزیَن اُزونینگ نیرَه باریانینی بیلیَن دَلدیر.‏ 36نور هِنیز یانینگیزداقا، نورا ایمان گِتیرینگ، شُندا نورینگ فِرزِنتلِری بُلارسینگیز»‏ دییدی.‏ عیسی بولاری آیدانسُنگ، اُلارینگ یانلاریندان گیدیپ گوزگِندی.‏

یَهودیلِرینگ اینامسیزلیغی

37عیسی یَهودیلِرینگ گُزلِرینینگ اُوونده شونچا کَن عالاماتلار گُرکِزِن هِم بُلسا، اُلار اُنگا ایمان گِتیرمِدیلِر.‏ 38بولارینگ باری اِشعیا پیغامبارینگ:‏

‏«‏یا خودای، بیزینگ خاباریمیزا کیم ایناندی؟

خودایینگ گویچ-قودراتی کیمه آیان بُلدی؟»‏#اِشعیا ۵۳‏:۱

دییّپ آیدان شو سُزونینگ بِرجای بُلماغی اوچین شِیله بُلدی.‏

39حاقیقاتدان هِم، اُلار اینانیپ بیلمِیَردیلِر.‏ مونگا گُرَه، اِشعیا اُلار حاقدا یِنه شِیله دییّپدیر:‏

40‏«‏خودای اُلارینگ گُزلِرینی کُر اِتدی،

یورِکلِرینی قاتیتدی.‏

دِگمه، گُزلِری بیلِن گُرمِسینلِر،

قولاقلاری بیلِن اِشیتمِسینلِر،

یورِکلِری بیلِن دوشونمِسینلِر،

مانگا دُنوپ، شِفا تاپماسینلار.‏»‏#اِشعیا ۶‏:۱۰

41اِشعیا عیسانینگ بِییکلیگینی گُروپ، بو سُزلِری اُل حاقدا آیدیپدیر.‏ 42مونگا باقمازدان، یَهودی اولیلارینینگ کَنسی اُنگا ایمان گِتیردیلِر، اِمّا فَریسی‌لِر اوچین ایمانلارینی آچیق اِعلان اِتمِدیلِر، سِبَبی اُلار کِنیسه‌دِن کُوولماقدان قُرقیاردیلار.‏ 43چونکی اُلار اینسانلارینگ اُوگوسینی خودایینگ اُوگوسیندِن قاوی گُردولِر.‏

44عیسی بُلسا قاتی سِس بیلِن شِیله دییدی:‏ ‏«‏مانگا ایمان گِتیریَن مانگا دَل-ده، مِنی ایبِرِنه ایمان گِتیریَندیر.‏ 45مِنی گُریَن، مِنی ایبِرِنی-ده گُریَندیر.‏ 46مانگا ایمان گِتیرِن هِر کِس قارانگقیلیقدا قالماسین دییّپ، مِن دونیَه نور بُلوپ گِلدیم.‏ 47سُزلِریمی اِشیدیپ، اُلاری بِرجای اِتمِدیگینگ اوستوندِن حُکوم چیقارمارین.‏ سِبَبی مِن دونیَه‌نینگ اوستوندِن حُکوم چیقارماغا دَل-ده، اُنی نِجات بِرمَگه گِلدیم.‏ 48مِنی رِد اِدیپ، سُزلِریمی قابول اِتمِیَنینگ اوستوندِن حُکوم چیقارجاق باردیر.‏ مِنینگ شو آیدان سُزلِریم آخیرات گون اُنونگ اوستوندِن حُکوم چیقارار.‏ 49سِبَبی مِن اُز-اُزومدِن کِپلِمِدیم.‏ مِنی ایبِرِن آتا نَمه آیتمالیدیغیمی، نَهیلی سُزلِمِلیدیگیمی مانگا اُزی تابشیردی.‏ 50اُنونگ تابشیریشینینگ بُلسا اِبِدی یاشایشا قاوشوریاندیغینی بیلیَرین.‏ شُنونگ اوچین آتام مانگا نَمه تابشیران بُلسا، مِن سیزه دینگه شُنی آیدیاندیرین.‏»‏

Currently Selected:

یوحنا 12: TUKIR

Highlight

Copy