Mark 15

Jesus Dibai Ngagai Pilate

(Matthew 27.1-2, 11-14; Luke 23.1-5; John 18.28-38)

1Tumu pagi hari siti, sida tuai imam lalu baum enggau bala tuai bansa, bala pengajar Adat, enggau semua raban Kunsil. Sida nanchang Jesus ngena rantai,#15.1 Sekeda salin nadai: ngena rantai mai Iya ari endur nya, lalu nyerahka Iya ngagai Pilate. 2#Mat 27.11-26; Luk 23.2-3, 18-25; Jhn 18.29—19.16. Pilate lalu nanya Iya, “Kati Nuan tu Raja orang Judah?”

Disaut Jesus, “Munyi ti ku nuan.”#15.2 Sekeda salin: Nuan ke nyebut nya.

3Sida tuai imam lalu madahka Iya udah ngereja mayuh macham penyalah.#15.3 Tauka: mayuh macham utai. 4Pilate lalu nanya Iya baru, “Kati Nuan nadai saut ngagai nya? Dinga Nuan pemayuh dawa ti dibantaika sida ngelaban Nuan.”

5Tang Jesus nadai agi nyaut, lalu Pilate balat alit ati.

Jesus Diukum Bunuh

(Matthew 27.15-26; Luke 23.13-25; John 18.39—19.16)

6Ba genap Gawai Paska Pilate endang selalu ngelepaska siku orang tutup ke sida, sebarang orang ke dipinta sida. 7Nyadi dalam rumah jil bisi orang siku benama Barabas, sama enggau bala orang ke udah munuh orang sereta udah angkat ngelaban perintah. 8Nya alai bala orang mayuh datai lalu belabuh minta Pilate ngereja utai ke sida baka ti udah dikereja iya ngelama tu. 9Pilate lalu nanya sida, “Kati kita ngasuh aku ngelepaska Raja orang Judah ke kita?” 10Laban iya nemu sida tuai imam kepapaska Jesus; nya kebuah sida nyerahka Jesus ngagai iya. 11#SKR 3.14. Tang sida tuai imam nyungkak orang mayuh minta Pilate ngelepaska Barabas ke sida. 12Pilate lalu bejaku baru ngagai sida, “Enti pia, nama utai ti patut dikereja aku ngagai Iya ke dikumbai kita#15.12 Sekeda salin nadai: Iya ke dikumbai kita Raja orang Judah?”

13Sida lalu manjung nyaut iya, “Regang Iya!”

14Pilate lalu nanya sida, “Nama kebuah? Nama penyalah ti udah dikereja Iya?”

Tang sida manjung inggar agi, “Regang Iya!”

15Nyadi laban Pilate endang deka ngenyamaika ati orang mayuh, iya lalu ngelepaska Barabas ke sida. Lebuh Jesus udah disipat, iya lalu nyerahka Jesus ngambika Iya diregang.

Bala Soldadu Beduan Jesus

(Matthew 27.27-31; Luke 23.11; John 19.2-3)

16Bala soldadu lalu mai Jesus ke dalam ngagai tengah laman istana gabenor, lalu ngangauka semua raban soldadu ti bukai. 17Sida lalu ngerasukka baju panjai ti ungu ba Iya. Lebuh sida udah ngaga makota ari pating kayu ti beduri, sida lalu ngengkahka makota nya ba pala#15.17 Sekeda salin semina nyebut: ngengkahka makota nya ba Iya. 18Sida lalu belabuh nabi Iya, “Tabi, Raja orang Judah!” 19Sida malu pala Iya ngena kayu,#15.19 Sekeda salin: ngena tungkat; Sekeda salin: ngena buluh ngeludah Iya, besugang, lalu meremi di mua Iya. 20Lebuh sida udah beduan Iya, sida muka baju panjai ti ungu nya ari Iya, lalu ngerasukka gari Iya Empu ba Iya. Udah nya sida mai Iya pansut, deka ngeregang Iya.

Jesus Diregang

(Matthew 27.32-44; Luke 23.26-43; John 19.17-27; Rome 16.13)

21Sida mejalka siku orang ke mansa, ke datai ari menua pesisir, ngesan regang Iya. Orang nya benama Simon ke asal ari menua Sairin, lalu iya nya apai Aleksander seduai Rupus. 22#Mat 27.33-44; Luk 23.33-39; Jhn 19.17-24. Sida lalu mai Jesus#15.22 Gerika: Iya ngagai endur siti ti dikumbai Golgota, reti nya, “Endur Keruntuk” 23Sida lalu meri Iya wain dichampur enggau mur, tang Jesus enggai ngirup nya. 24#Mas 22.18. Udah nya sida ngeregang Iya, lalu bedua gari Iya entara bala sida, ngena chara bechabut undi kena nentuka sapa tau bulih gari iya. 25Jam nyau pukul semilan pagi lebuh sida ngeregang Iya. 26Pelekat ti madahka penyalah Iya, nyebut: “Raja orang Judah.” 27Dua iku penyamun mega diregang sama enggau Iya, siku muak ari kanan, lalu siku muak ari kiba Iya. 28Tu ngamatka jaku ti udah disebut dalam Bup Kudus, “Iya dibunuh begulai enggau orang ke udah ngereja penyalah.”#15.28 Sekeda salin nadai ayat 28.

29 # Mas 22.7; 109.25; Mrk 14.58; Jhn 2.19. Orang ke mansa ngeleseka#15.29 Tauka: bejaku busung ngagai Iya lalu ngilikka pala sida. Ku sida, “Nuan ke deka ngerusak Rumah Sembiang, lalu nirika iya baru dalam tiga hari, 30selamatka Diri Empu, lalu nurun ari regang nya!”

31 # Mas 22.7-8. Sida tuai imam enggau sida pengajar Adat mega ngeleseka Iya di mua pangan diri. Ku sida, “Iya nyelamatka orang bukai, tang Iya enda ulih nyelamatka Diri Empu! 32Awakka Kristus,#15.32 Tauka: Messiah Raja orang Judah, nurun ari regang nya diatu, ngambika kitai meda lalu arap.”

Orang ke diregang sama enggau Iya, mega ngeleseka Iya.

Pemati Jesus

(Matthew 27.45-56; Luke 23.44-49; John 19.28-30)

33Ba urung tengah hari semua menua petang magang, nyentuk ngagai pukul tiga ngalih hari. 34#Mas 22.1. Ba urung pukul tiga Jesus ngangau enggau nyawa ti inggar, “Eloi, Eloi, lama#15.34 Sekeda salin: lema sabaktani?” reti nya, “Allah Taala Aku, Allah Taala Aku, nama kebuah Nuan ninggalka Aku?”#15.34 Sekeda salin: Nama kebuah Nuan nganu Aku?

35Lebuh orang ke bediri dia ninga Iya ngangau, sekeda sida lalu bejaku, “Dinga nya, Iya ngangauka Elijah!” 36#Mas 69.21. Siku orang lalu belanda, nyepuhka bungai karang ngagai wain ti masam, ngengkahka utai nya ba puting kayu, lalu ngasuh Jesus ngirup, ku iya, “Anang guai dulu! Awakka kitai meda enti Elijah deka datai lalu ngambi Iya ari regang nya!”

37Jesus lalu ngangau enggau nyawa ti inggar, lalu ngapuska seput.

38 # P-sut 26.31-33; Heb 10.19-20. Kain dalam Rumah Sembiang lalu charik belah dua ari atas ke baruh. 39#Mrk 1.11; 9.7. Lebuh pemesai soldadu ke bediri di mua Iya, meda chara Jesus ngapuska seput,#15.39 ngapuska seput; Sekeda salin: ngangau enggau nyawa ti inggar lalu ngapuska seput. iya lalu bejaku, “Orang tu amat Anak Allah Taala!”#15.39 Tauka: anak Allah Taala

40 # Luk 8.2-3; Jhn 19.25. Sida ke indu mega bisi dia, nengkila ari jauh. Bala sida nya nyengkaum Maria Magdalin, Maria indai James ti biak seduai Joses, enggau Salomi. 41#Luk 8.1-3. Sida nya udah nyempulang Jesus lalu nulung Iya enggau utai ti dipeguna Iya lebuh Iya agi di menua Galili, enggau mayuh indu bukai ke udah datai sama enggau Iya ngagai Jerusalem.

Jesus Dikubur

(Matthew 27.57-61; Luke 23.50-56; John 19.38-42; Kereja Rasul 13.29)

42Lebuh hari nyau lemai, lalu laban hari nya endang hari alai nyendiaka Gawai, iya nya hari sebedau hari Sabat, 43Josep ke asal ari Arimatea, siku raban Kunsil, ke nganti penatai Perintah Allah Taala, mansang enggau ati ti berani ngagai Pilate, minta bangkai Jesus. 44Pilate lalu iran ati enti Jesus amat udah mati. Nya alai iya mesanka pemesai soldadu, lalu nanyaka enti Jesus amat lama udah mati. 45Lebuh Pilate nemu Jesus udah mati ari padah pemesai soldadu nya, iya lalu nyerahka bangkai Jesus ngagai Josep. 46Josep lalu meli kain linin, nurunka bangkai Jesus, mungkus bangkai nya ngena kain linin nya, lalu ngalika bangkai nya dalam kubur ti udah ditebuk ba batu galang. Iya lalu maringka sigi batu ti besai ngagai mua kubur nya. 47Nyadi Maria Magdalin enggau Maria indai Joses bisi meda endur alai bangkai Jesus digalika.

Currently Selected:

Mark 15: BK

Highlight

Copy