MASALIMO 91
91
Mulungu asungadi wodzipereka kwa Iye
1 #
Mas. 27.5; 17.8 Iye amene akhala pansi m'ngaka yake ya Wam'mwambamwamba
adzagonera mu mthunzi wa Wamphamvuyonse.
2 #
Mas. 142.5
Ndidzati kwa Yehova, Pothawirapo panga ndi linga langa;
Mulungu wanga, amene ndimkhulupirira.
3 #
Mas. 124.7
Pakuti adzakuonjola kumsampha wa msodzi,
kumliri wosakaza.
4 #
Mas. 61.4
Adzakufungatira ndi nthenga zake,
ndipo udzathawira kunsi kwa mapiko ake;
choonadi chake ndicho chikopa chotchinjiriza.
5 #
Miy. 3.23-24
Sudzaopa choopsa cha usiku,
kapena muvi wopita usana;
6kapena mliri woyenda mumdima,
kapena chionongeko chakuthera usana.
7Pambali pako padzagwa chikwi,
ndi zikwi khumi pa dzanja lamanja lako;
sichidzakuyandikiza iwe.
8 #
Mala. 1.4-5
Koma udzapenya ndi maso ako,
nudzaona kubwezera chilango oipa.
9 #
Mas. 71.3
Popeza udati, Inu Yehova, ndinu pothawirapo panga!
Udaika Wam'mwambamwamba chokhalamo chako;
10 #
Miy. 12.21
palibe choipa chidzakugwera,
ndipo cholanga sichidzayandikiza hema wako.
11 #
Mat. 4.6
Pakuti adzalamulira angelo ake za iwe,
akusunge m'njira zako zonse.
12Adzakunyamula pa manja ao,
ungagunde phazi lako pamwala.
13Udzaponda mkango ndi mphiri;
udzapondereza msona wa mkango ndi chinjoka.
14 #
Mas. 9.10
Popeza andikondadi ndidzampulumutsa;
ndidzamkweza m'mwamba, popeza adziwa dzina langa.
15 #
Mas. 27.4
Adzandifuulira Ine ndipo ndidzamyankha;
kunsautso ndidzakhala naye pamodzi;
ndidzamlanditsa, ndi kumchitira ulemu.
16Ndidzamkhutitsa ndi masiku ambiri,
ndi kumuonetsera chipulumutso changa.
Currently Selected:
MASALIMO 91: BLPB2014
Highlight
Share
Copy
Want to have your highlights saved across all your devices? Sign up or sign in
The Bible in Chichewa Published as Buku Lopatulika
Bible Society of Malawi
