مَرْکُسْ 9

1ڢَحِنْ عِيسَى وٛلْوَنِ ࢡٜ، عٛوِعِ‏: «غٛونغَ مِطٛنْ وِعَ عٛنْ، وٛطْࢡٜ شَکَ وٛنْࢡٜ حَا طٛ، مَايَتَا سٜيْ تٛ ࢡٜنغِعِ لَامُ اَللَّه وَرِ بٜى بَاوْطٜ؞»

غَيْلِتٜىٰکِ عِيسَى

(مَتَّ 17‏:1‏-13؛ لُکَ 9‏:28‏-36)

2ࢡَاوٛ ࢩَلْطٜ جٛوٜىٰغٛ، عِيسَى حٛوعِ ݠِيٜرْ عٜ يَاکُبَ عٜ يُحَنَّ، عٛيَحْرِ ࢡٜ دٛوْ حٛوسٜىٰرٜ تٛوْندٜ، کَمْࢡٜ ڢٜىٰرٜ مَࢡّٜ؞ جَاتِ مَاکٛ وَيْلِتِ حَا غِتٜ مَࢡّٜ، 3لِمْشٜ مَاکٛ طٜلْکِ، دَنٜىٰجٜ تَلْ، وَلَا کٛو غٛوتٛ حَا دُنِيَارُ ڢُو وَاوَتَ رَنْوِنْغٛ لِمْشٜ بَنَ نٛنْ؞ 4ندٜنْ إِلْيَاسُ عٜ مُوسَى مبَنغَنِ ࢡٜ، ࢡٜطٛنْ مبٛلِدَ بٜى عِيسَى؞ 5ݠِيٜرْ وِعِ عِيسَى‏: «مٛودِبّٛ، طُمْ بٛوطُّمْ عٜنْ طٛنْ طٛ؞ عَشُّ مِنْ مبَطَ بُکَّاجِ تَتِ، وٛورُ نغَمْ مَاطَ، وٛورُ نغَمْ مُوسَى، وٛورُ بٛو نغَمْ إِلْيَاسُ؞» 6عٛعَنْدَا کٛ عٛوِعَتَ، نغَمْ کَنغْکٛ عٜ ݠُکَرَعٜنْ وٛطْࢡٜ طِطٛ غٛ، ࢡٜکُلْتٛرِ مَسِنْ؞ 7رُولْدٜرٜ جِݠِّ، سُدِّ ࢡٜ، ࢡٜنَنِ سَوْتُ طٛنْ وٛلْوَ ندٜرْ مَارٜ‏: «عٛو وٛنِ ࢡِطّٛ عَمْ غِطَاطٛ، نَنَنٜ مٛ#مَتَّ 3‏:17؛ مَرْکُسْ 1‏:11؛ لُکَ 3‏:22؛ 2 ݠِيٜرْ 1‏:17‏-18؞؞» 8طٛنْ نِي ݠُکَرَعٜنْ ندَارِ حَا کٛمْبِ مَࢡّٜ، عَمَّا ࢡٜنغِعَايْ غٛطّٛ، سٜيْ عِيسَى طٛنْ وٛنْدِ بٜى مَࢡّٜ؞

9ندٜ ࢡٜطٛنْ نجِݠّٛ حٛوسٜىٰرٜ غٛ، عِيسَى عُمْرِ ࢡٜ تَا ࢡٜنغٜشَّ يِمْࢡٜ وٛطْࢡٜ کٛ ࢡٜنغِعِ، سٜيْ تٛ ࢡِي-نٜطّٛ عُمِّتَکٜ دِغَ مَايْدٜ؞ 10ࢡٜطٛوْتَنِ وٛلْدٜ ندٜ، عَمَّا ࢡٜࢨَمْࢨَمْتِرِ حَکُّندٜ مَࢡّٜ‏: «طُمٜ عُمِّتَاغٛ دِغَ مَايْدٜ يِطِ وِعْغٛ؟» 11ندٜنْ ࢡٜࢨَمِ عِيسَى‏: «نغَمْ طُمٜ مٛودِࢡّٜ تَوْرٜىٰتَ طٛنْ مبِعَ سٜيْ إِلْيَاسُ عَارْتَ وَرْغٛ تَوٛنْ#مَلَکِيَ 3‏:23؛ مَتَّ 11‏:14؞؟» 12عٛجَابِ ࢡٜ‏: «غٛونغَ إِلْيَاسُ عَارْتَنْ وَرْغٛ، عٛمٛعِّتِنَ کُوجٜ ڢُو؞ کَدِ نغَمْ طُمٜ دٜڢْتٜرٜ وِعَتَ دٛولٜ ࢡِي-نٜطّٛ يَرَ بٛنٜ طُوطّٜ، يِمْࢡٜ بٛو مٜىٰرِطِنَ مٛ؟ 13عَمَّا مِطٛنْ وِعَ عٛنْ‏: إِلْيَاسُ وَرِ تِمِّ، يِمْࢡٜ مبَطِمٛ کٛ ࢡٜنغِطِ، بَنَ کٛ وِنْدَ دٛوْ مَاکٛ؞»

عِيسَى يَمْطِتِنِ ࢡِنغٜلْ نغٜلْ رُوحُ شٛࢡْنغُ تٛرِّ

(مَتَّ 17‏:14‏-21؛ لُکَ 9‏:37‏-43)

14ندٜ ࢡٜنجٛتِّ حَا ݠُکَرَعٜنْ لُتُّࢡٜ، ࢡٜنغِعِ مٛوࢡْرٜ طُوطْندٜ طٛنْ تَارِ ࢡٜ؞ مٛودِࢡّٜ تَوْرٜىٰتَ طٛنْ نغَابٛتِرَ بٜى مَࢡّٜ؞ 15ندٜ يِمْࢡٜ نغِعِ عِيسَى، ࢡٜکَيْطِنِ مَسِنْ؞ ࢡٜندٛغِّ، ࢡٜنغَرِ ࢡٜکٛوڢْنِمٛ؞ 16عِيسَى ࢨَمِ ݠُکَرَعٜنْ مُوطُمْ‏: «دٛوْ طُمٜ عٛنْ نغَابٛتِرْتَ بٜى مَࢡّٜ؟» 17غٛوتٛ ندٜرْ مٛوࢡْرٜ جَابِمٛ‏: «مٛودِبّٛ، مِوَدَّنِ مَ ࢡِنغٜلْ عَمْ غٛرْغٜلْ مَرْنغٜلْ رُوحُ مُوکَانغُ؞ 18کٛو تٛيْ رُوحُ نغُ نَنغِ نغٜلْ ڢُو، نغُ دٛعَّنْ نغٜلْ حَا لٜسْدِ؞ حُنْدُکٛ مَاغٜلْ وَطَنْ نغُوڢٛ، نغٜلْ حِرْࢨِنْدِرَنْ ࢩِيعٜ، ࢡَنْدُ مَاغٜلْ سَاتَنْ؞ مِࢨَمِ ݠُکَرَعٜنْ مَاطَ ࢡٜندِيوَ رُوحُ نغُ، عَمَّا ࢡٜمبَاوَايْ؞» 19عِيسَى وِعِ ࢡٜ‏: «حٜيْ يِمْࢡٜ سٛويَ-نُطِّنْکِعٜنْ، حَا ندٜيْ تٛکّٛتٛومِ وٛنْدُغٛ بٜى مٛوطٛنْ عٜ مُࢩَنْغٛ عٛنْ؟ نغَدّٜ ࢡِنغٜلْ مَنْ‏!» 20ࢡٜنغَدِّ نغٜلْ حَا مَاکٛ؞ ندٜ ࢡِنغٜلْ يِعِ عِيسَى، لَوْ رُوحُ دِمْبِ نغٜلْ؞ نغٜلْ دٛعِّ حَا لٜسْدِ، نغٜلْ تَلِّ، حُنْدُکٛ مَاغٜلْ وَطِ نغُوڢٛ؞ 21عِيسَى ࢨَمِ بَابَ مَاغٜلْ‏: «دِغَ ندٜيْ طُمْ ڢُطِّ وَطُغٛ نغٜلْ؟» بَابَ مَاغٜلْ جَابِ‏: «دِغَ نغٜلْ ݠَمَرٜلْ؞ 22ندٜ طُوطُّمْ بٛو رُوحُ نغُ دٛعِّ نغٜلْ ندٜرْ يِيتٜ کٛو ندٜرْ ندِيَمْ، نغَمْ حَلْکُغٛ نغٜلْ؞ تٛ عَوَاوِ، عُسٜنِ عٜنْطُ مِنْ، وَلُّ مِنْ‏!» 23عِيسَى جَابِمٛ‏: «کٛنِ عَوِعِ‏: تٛ عَوَاوِ؟ وَلَا کٛ سَلٛرْتَ نُطِّنْطٛ، کٛو طُمٜ ڢُو وَطٛتٛ؞» 24لَوْ بَابَ ࢡِنغٜلْ حٛولِ‏: «مِنُطِّنِ، عَمَّا طُمْ شَطُّمْ حَا عَمْ، وَلَّمْ‏!»

25ندٜ عِيسَى يِعِ مٛوࢡْرٜ طٛنْ دٛغَّ وَرَ حَا مَࢡّٜ، عٛتٜلْࢡَنِ رُوحُ شٛࢡْنغُ غٛ‏: «عَنْ رُوحُ مُوکَانغُ، ݠَحُ‏! مِعُمْرِ مَ‏: وُرْتَ ࢡِنغٜلْ نغٜعٜلْ، تَا مٜىٰتُ نَسْتُغٛ ندٜرْ مَاغٜلْ؞» 26رُوحُ حٛولِ، ࢡٛسْلِ نغٜلْ، وُرْتِ حَا مَاغٜلْ؞ نغٜلْ لَاتِ بَنَ مَايْطٛ، حَا يِمْࢡٜ طُوطْࢡٜ مبِعِ‏: «نغٜلْ مَايِ؞» 27عَمَّا عِيسَى نَنغِ نغٜلْ جُنغٛ، عُمِّنِ نغٜلْ، نغٜلْ دَرِ؞ 28ندٜ عِيسَى نَسْتِ سُودُ، ݠُکَرَعٜنْ مَاکٛ ࢨَمِمٛ بٜى سِرِّ‏: «نغَمْ طُمٜ مِنِنْ مِنْ مبَاوَايْ رِيوُغٛ نغُ؟» 29عِيسَى جَابِ ࢡٜ‏: «وَلَا بَاوْطٜ ڢٜىٰرٜ رِيوَتَ عِرِنْ رُوحُ نغُعُ، سٜيْ دٛعَ؞»

عِيسَى عَنْدِنِ حَالَ مَايْدٜ مُوطُمْ عٜ عُمِّتِنٜىٰکِ مُوطُمْ طِطَوْرٜ

(مَتَّ 17‏:22‏-23؛ لُکَ 9‏:43‏-45)

30ࢡٜعُمِّ تٛنْ، ࢡٜشَالِ ندٜرْ لٜسْدِ غَلِيلِ؞ عِيسَى يِطَا کٛو غٛوتٛ عَنْدَ حَا عٛوٛنِ؞ 31نغَمْ عٛطٛنْ عَنْدِنَ ݠُکَرَعٜنْ مَاکٛ، عٛوِعِ ࢡٜ‏: «ࢡٜندٛکَّنْ ࢡِي-نٜطّٛ حَا جُوطٜ يِمْࢡٜ؞ کَمْࢡٜ ࢡٜمبَرَنْ مٛ، عَمَّا ࢡَاوٛ ࢩَلْطٜ تَتِ عٛعُمِّتِتّٛ؞» 32ݠُکَرَعٜنْ ݠَامَايْ مَانَ عَنْدِنٛلْ نغٛلْ، عَمَّا ࢡٜکُلِ ࢨَمُغٛ مٛ بٛو؞

مٛيْ ࢡُرِ مَوْنُغٛ؟

(مَتَّ 18‏:1‏-5؛ لُکَ 9‏:46‏-48)

33ࢡٜنجٛتِّ کَڢَرْنَحُمْ؞ ندٜ ࢡٜنَسْتِ سَارٜ، عِيسَى ࢨَمِ ݠُکَرَعٜنْ مُوطُمْ‏: «دٛوْ طُمٜ عٛنْ نغَابٛتِرِ حَا لَاوٛلْ؟» 34عَمَّا ࢡٜنجٜىٰطِ، نغَمْ حَا لَاوٛلْ ࢡٜنغَابٛتِرِ دٛوْ مٛيْ ࢡُرَتَ مَوْنُغٛ شَکَ مَࢡّٜ#لُکَ 22‏:24؞؞ 35عِيسَى جٛوطِ، عٜوْنِ ݠُکَرَعٜنْ مُوطُمْ سَݠّٛ عٜ طِطٛ، وِعِ ࢡٜ‏: «تٛ غٛطّٛ يِطِ عٛلَاتٛ عَرَنٛ، سٜيْ عٛوَطَ حٛورٜ مَاکٛ عٛ ࢡَاوٛوجٛ يِمْࢡٜ ڢُو عٜ عٛلَاتٛ جَغِّيطٛ يِمْࢡٜ ڢُو#مَتَّ 20‏:26‏-27؛ 23‏:11؛ مَرْکُسْ 10‏:43‏-44؛ لُکَ 22‏:26؞؞» 36ندٜنْ عٛحٛوعِ ࢡِنغٜلْ ݠَمَرٜلْ، عٛدَرْنِ نغٜلْ شَکَ مَࢡّٜ؞ عٛحُوڢِ نغٜلْ، عٛوِعِ ݠُکَرَعٜنْ مَاکٛ‏: 37«مٛ جَࢡِ ࢡِنغٜلْ ݠَمَرٜلْ بَنَ نغٜعٜلْ دَلِيلَ عِنْدٜ عَمْ، مِنْ عٛجَࢡِ؞ مٛ جَࢡِ يَمْ، نَا مِنْ عٛجَࢡِ، عَمَّا نٜلْطٛ يَمْ#مَتَّ 10‏:40؛ لُکَ 10‏:16؛ يُحَنَّ 13‏:20؞؞»

مٛ حٛنَّاکِ عٜنْ طٛنْ بٜى مٜىٰطٜنْ

(لُکَ 9‏:49‏-50)

38يُحَنَّ وِعِ عِيسَى‏: «مٛودِبّٛ، مِنْ نغِعِ غٛطّٛ طٛنْ رِيوْرَ غِنَّاجِ بٜى عِنْدٜ مَ؞ مِنْ نغِطْنٛ حَطُغٛ مٛ، نغَمْ عٛتٛکَّاکِ عٜنْ؞» 39عَمَّا عِيسَى جَابِ‏: «تَا کَطٜ مٛ، نغَمْ وَلَا مٛ وَاوَتَ وَطُغٛ کَايٜىٰڢِ بٜى عِنْدٜ عَمْ، لَوْ ࢡَاوٛطٛنْ عٛحَلِّنَ يَمْ؞ 40نغَمْ کٛو مٛيْ مٛ حٛنَّاکِ عٜنْ، طٛنْ بٜى مٜىٰطٜنْ#مَتَّ 12‏:30؛ لُکَ 11‏:23؞؞ 41نغَمْ کٛو مٛيْ يَرْنِ عٛنْ ندِيَمْ سٜطَّ دَلِيلَ عِنْدٜ عَمْ نغَمْ عٛنْ يِمْࢡٜ اَلْمَسِيحُ، مِطٛنْ وِعَ عٛنْ ڢَکَتْ عٛحٜࢡَنْ مبَرْجَارِ مَاکٛ#مَتَّ 10‏:42؞؞»

دٜىٰنْتِنْکِ دٛوْ حَکّٜ

(مَتَّ 18‏:6‏-9؛ لُکَ 17‏:1‏-2)

42تٛ غٛطّٛ دٛعِّ غٛوتٛ ࢡُرْطٛ ڢَمْطُغٛ شَکَ نُطِّنْࢡٜ يَمْ ندٜرْ حَکّٜ، ندِکَّنَ مٛ ࢡٜࢡِلَ حَيْرٜ نَمَرْدٜ مَوْندٜ حَا دَاندٜ مَاکٛ، ࢡٜنغُبٛ مٛ ندٜرْ وٜىٰندُ؞ 43تٛ طُمْ جُنغٛ مَ نَسْتِنْتٜ ندٜرْ حَکّٜ، تَعُ نغٛ، ندِکَّ عَنَسْتَ نغٜىٰندَمْ ندُومِيطَمْ عَ غُدّٛ دٛوْ نَسْتُغٛ بٜى جُوطٜ مَ طِطِ ندٜرْ يِيتٜ جَحَنَّمَ نغٜ ࢩِڢَتَا سَمْ#مَتَّ 5‏:30؞؞ 44‏[‏تٛنْ، غِلْطِ ࢩَامَنْطِ ࢡَنْدُ مبَاتَتَا، يِيتٜ بٛو نغٜ ࢩِڢَتَا سَمْ؞]‏ 45تٛ طُمْ کٛسْنغَلْ مَ نَسْتِنْتٜ ندٜرْ حَکّٜ، تَعُ نغَلْ، ندِکَّ عَنَسْتَ نغٜىٰندَمْ ندُومِيطَمْ بٜى کٛسْنغَلْ غٛوتَلْ دٛوْ وُبٜىٰغٛ بٜى کٛسْطٜ مَ طِطِ ندٜرْ يِيتٜ جَحَنَّمَ نغٜ ࢩِڢَتَا سَمْ؞ 46‏[‏تٛنْ، غِلْطِ ࢩَامَنْطِ ࢡَنْدُ مبَاتَتَا، يِيتٜ بٛو نغٜ ࢩِڢَتَا سَمْ؞]‏ 47عٜ تٛ طُمْ يِيتٜرٜ مَ نَسْتِنْتٜ ندٜرْ حَکّٜ، طٛوڢْ ندٜ، ندِکَّ عَنَسْتَ لَامُ اَللَّه بٜى يِيتٜرٜ وٛورٜ دٛوْ وُبٜىٰغٛ ندٜرْ يِيتٜ جَحَنَّمَ بٜى غِتٜ مَ طِطِ#مَتَّ 5‏:29؞؞ 48تٛنْ، غِلْطِ ࢩَامَنْطِ ࢡَنْدُ مبَاتَتَا، يِيتٜ بٛو نغٜ ࢩِڢَتَا سَمْ#عٜسَايَ 66‏:24؞؞ 49نغَمْ يِيتٜ لَمِّنَنْ کٛو مٛيْ ڢُو بَنَ مَنْدَ؞

50«مَنْدَ وٛوطِ، عَمَّا تٛ لَمّٜىٰنغَ مَاجَمْ عِتَّکٜ، بَنَ نٛيْ عٛنْ لَمِّنِرْتَ طَمْ ڢَحِنْ؟ سٜيْ عٛنْ لَاتٛ عٛنْ مَرْࢡٜ مَنْدَ ندٜرْ مٛوطٛنْ؞ نجٛوطٛدٜ جَمْ بٜى کٛو مٛيْ#مَتَّ 5‏:13؛ لُکَ 14‏:34‏-35؞؞»

Currently Selected:

مَرْکُسْ 9: داَ

Highlight

Copy