مَرْکُسْ 8
8
عِيسَى ࢩَامْنِ يِمْࢡٜ عُجِنٜ نَيٛ
(مَتَّ 15:32-39)
1سَاعِ مَنْ مٛوࢡْرٜ طُوطْندٜ مٛوࢡْتِ ڢَحِنْ؞ ندٜ ࢡٜنغٛودَا کٛ ࢡٜࢩَامَ، عِيسَى عٜوْنِ ݠُکَرَعٜنْ مُوطُمْ، وِعِ ࢡٜ: 2«مِطٛنْ يُرْمِنَ يِمْࢡٜ ࢡٜعٜ، نغَمْ ࢡٜطٛنْ نغٛنْدِ بٜى عَمْ جٛنْتَ ࢩَلْطٜ تَتِ، ࢡٜنغٛودَا کٛ ࢡٜࢩَامَ بٛو؞ 3تٛ مِجَࢡِّتِ ࢡٜ، ࢡٜکٛوتَ مِحٛکَّايْ ࢡٜ ࢩَامْدُ، ندٜنْ کَمْ ࢡٜتَمْݠَنْ دٛوْ لَاوٛلْ، وٛطْࢡٜ مَࢡّٜ بٛو نغَرِ دِغَ دَايِيطُمْ؞» 4ݠُکَرَعٜنْ مَاکٛ مبِعِمٛ: «نٛيْ غٛطّٛ حٜࢡْرَتَ ࢩَامْدُ حٜعَنْدُ يِمْࢡٜ ࢡٜ ڢُو حَا ندٜرْ لَدّٜ حَمَادَارٜ ندٜعٜ؟» 5عِيسَى ࢨَمِ ࢡٜ: «تَمْسٜىٰجٜ نٛيْ مَرْطٛنْ؟» ࢡٜنجَابِ: «جٛوٜىٰطِطِ؞»
6عٛعُمْرِ يِمْࢡٜ نجٛوطٛ؞ ندٜنْ عٛحٛوعِ تَمْسٜىٰجٜ جٛوٜىٰطِطِ غٛ، عٛيٜتِّ اَللَّه، عٛيٜوِ طٜ، عٛحٛکِّ ݠُکَرَعٜنْ مَاکٛ ࢡٜشٜنْدَنَ يِمْࢡٜ؞ ݠُکَرَعٜنْ مبَطِ بَنَ نٛنْ؞ 7ࢡٜنغٛودِ بٛو لِطِّ ݠَمَرِ سٜطَّ؞ عِيسَى وَطِ يٜتّٛورٜ نغَمْ مَاجِ، ندٜنْ عٛعُمْرِ ݠُکَرَعٜنْ مَاکٛ ࢡٜشٜنْدَنَ طِ يِمْࢡٜ؞ 8ࢡٜ ڢُو ࢡٜࢩَامِ، ࢡٜکَارِ، ݠُکَرَعٜنْ مٛوࢡْتِ لُتُّطُمْ مَنْ، کٜبِّنِ شِلَاجٜ جٛوٜىٰطِطِ؞ 9لِمْغَلْ يِمْࢡٜ مَنْ وَطِ بَاکِنْ وٛرْࢡٜ عُجِنٜ نَيٛ، ندٜنْ عِيسَى جَࢡِّتِ ࢡٜ؞ 10لَوْ عٛنَسْتِ کٛومْبٛوَلْ#8:10 کٛومْبٛوَلْ مَلَّ لَانَوَلْ؞ بٜى ݠُکَرَعٜنْ مَاکٛ، عٛيٜحِ لٜسْدِ دَلْمَنُتَ؞
ڢَرِسَعٜنْ طَࢡِّ کَايٜىٰڢِ
(مَتَّ 16:1-4)
11ڢَرِسَعٜنْ نغَرِ ݠُطِّ وَابٛتِرْغٛ بٜى عِيسَى؞ ࢡٜنغِطِ جَرِّبَاغٛ مٛ؞ نغَمْ مَاجُمْ ࢡٜࢨَمِمٛ عٛوَنغِنَنَ ࢡٜ عَلَامَ عِوْکَ دِغَ عَسَمَ#مَتَّ 12:38؛ لُکَ 11:16؞؞ 12عِيسَى عُومِ ندٜرْ مُوطُمْ، وِعِ: «کٛنِ يِمْࢡٜ ࢡٜعٜ طَࢡَّتَ عَلَامَ؟ ڢَکَتْ مِطٛنْ وِعَ عٛنْ، ࢡٜکٜࢡَتَا عَلَامَ کَ سَمْ#مَتَّ 12:39؛ لُکَ 11:29؞؞» 13ندٜنْ عٛعَشِّ ࢡٜ، عٛلٛرْتِ ندٜرْ کٛومْبٛوَلْ، عٛعٜىٰرِ حَا ڢٛمٛوندٜ غَطَارٜ؞
عُڢْنِرْطُمْ ڢَرِسَعٜنْ عٜ طُمْ حِرُدُسْ
(مَتَّ 16:5-12)
14ݠُکَرَعٜنْ نغٜجِّتِ حٛوعُغٛ تَمْسٜىٰجٜ؞ ࢡٜنغَلَا تَمْسٜىٰجٜ، سٜيْ وٛورٜ ࢡٜمَرِ حَا مَࢡّٜ ندٜرْ کٛومْبٛوَلْ؞ 15عِيسَى رٜىٰنْتِنِ#8:15 رٜىٰنْتِنِ مَلَّ بَرِّ؞ ࢡٜ، وِعِ: «کَکِّلٜ، ندٜىٰنْتٜ نغَمْ عُڢْنِرْطُمْ ڢَرِسَعٜنْ عٜ عُڢْنِرْطُمْ حِرُدُسْ#لُکَ 12:1؞؞» 16ݠُکَرَعٜنْ شَرْوٛوتِرِ، ࢡٜمبِعِ: «عٛوِعِ طُمْ نغَمْ عٜنْ نغٛودَا تَمْسٜىٰجٜ؞» 17عِيسَى عَنْدِ کٛ ࢡٜمبِعِ، عٛࢨَمِ ࢡٜ: «کٛنِ مبِعْطٛنْ عٛنْ نغَلَا تَمْسٜىٰجٜ؟ عٛنْ عَنْدَا نَ؟ حَا جٛنْتَ عٛنْ ݠَامَتَا نَ؟ ࢡٜرْطٜ مٛنْ طٛنْ شَاتِ نَ؟ 18عٛنْ نغٛودِ غِتٜ، عٛنْ نغِعَتَا نَ؟ عٛنْ نغٛودِ نٛݠِّ، عٛنْ نَنَتَا نَ؟ عٛنْ شِڢْتٛرْتَا نَ#يٜرٜمِيَ 5:21؛ عٜزٜکِيٜلْ 12:2؛ مَرْکُسْ 4:12؞؟ 19ندٜ مِسٜنْدَنِ يِمْࢡٜ عُجِنٜ نجٛوٛ تَمْسٜىٰجٜ جٛوِ، شِلَاجٜ نٛيْ عٛنْ کٜبِّنِ بٜى لُتُّطٜ؟» ࢡٜنجَابِ: «سَݠّٛ عٜ طِطِ؞» 20«عِيسَى وِعِ ࢡٜ، ندٜ مِسٜنْدَنِ يِمْࢡٜ عُجِنٜ نَيٛ تَمْسٜىٰجٜ جٛوٜىٰطِطِ، شِلَاجٜ نٛيْ عٛنْ کٜبِّنِ بٜى لُتُّطٜ؟» ࢡٜنجَابِ: «جٛوٜىٰطِطِ؞» 21ندٜنْ عِيسَى وِعِ ࢡٜ: «حَا جٛنْتَ عٛنْ نغَلَا ڢَامُ نَ؟»
عِيسَى وُمْتِنِ بُمْطٛ حَا بَيْتِسَيْدَ
22ࢡٜنجٛتِّ بَيْتِسَيْدَ، تٛنْ، يِمْࢡٜ نغَدَّنِ عِيسَى بُمْطٛ، ࢡٜتٛرِمٛ عٛمٜىٰمَ مٛ؞ 23عِيسَى نَنغِ جُنغٛ بُمْطٛ عٛو، يَحْرِمٛ يَاسِ وُرٛ؞ ندٜنْ عٛتُوتِ تُوطٜ دٛوْ غِتٜ بُمْطٛ مَنْ، عٛوَلِّنِ جُنغٛ دٛوْ مَاکٛ، عٛࢨَمِمٛ: «عَطٛنْ يِعَ نَ؟» 24بُمْطٛ ࢡَنغْتِ غِتٜ، وِعِ: «مِطٛنْ يِعَ يِمْࢡٜ، عَمَّا بَنَ لٜطّٜ جَحَنْطٜ؞»
25ڢَحِنْ عِيسَى وَلِّنِ جُوطٜ دٛوْ غِتٜ مَاکٛ، عٛوُمْتِ، عٛيِعِ کُوجٜ ڢُو لَاࢡْطُمْ؞ 26ندٜنْ عِيسَى جَࢡِّتِمٛ، وِعِ: حٛوتُ سَارٜ؞ «تَا نَسْتُ وُرٛ؞»
ݠِيٜرْ وَنغِنِ عِيسَى وٛنِ اَلْمَسِيحُ
(مَتَّ 16:13-20؛ لُکَ 9:18-21)
27ࢡَاوٛطٛنْ عِيسَى عٜ ݠُکَرَعٜنْ مُوطُمْ ندِلِّ غُرٜ ࢡَدِيطٜ بٜى کَيْسَرِيَ ڢِلِݠِّ؞ دٛوْ لَاوٛلْ، عٛࢨَمِ ࢡٜ: «يِمْࢡٜ طٛنْ مبِعَ مِنْ مِ مٛيْ؟» 28ࢡٜنجَابِمٛ: «وٛطْࢡٜ طٛنْ مبِعَ عَنْ وٛنِ يُحَنَّ بَطٛووٛ بَݠْتِسْمَ؞ وٛطْࢡٜ بٛو طٛنْ مبِعَ عَنْ وٛنِ إِلْيَاسُ؞ ڢَحِنْ وٛطْࢡٜ طٛنْ ندَارٜ بَنَ غٛوتٛ اَلنَّبِعٜنْ ࢡٛويْمَ#مَرْکُسْ 6:14-15؛ لُکَ 9:7-8؞؞» 29عِيسَى ࢨَمِ ࢡٜ: «عٛنٛنْ بٛو، عٛنْ طٛنْ مبِعَ مِ مٛيْ؟» ݠِيٜرْ جَابِ: «عَنْ وٛنِ اَلْمَسِيحُ#يُحَنَّ 6:68-69؞؞» 30ندٜنْ عِيسَى عُمْرِ ࢡٜ بٜى شَاتَلْ، وِعِ: «تَا يٜشُّ طُمْ کٛو مٛيْ؞»
عِيسَى وَنغِنِ حَالَ مَايْدٜ عٜ عُمِّتِنٜىٰکِ مُوطُمْ
(مَتَّ 16:21-28؛ لُکَ 9:22-27)
31ندٜنْ عِيسَى ڢُطِّ عَنْدِنْغٛ ݠُکَرَعٜنْ مُوطُمْ، وِعِ: «دٛولٜ ࢡِي-نٜطّٛ يَرَ بٛنٜ طُوطّٜ، ندٛتِّعٜنْ عٜ مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ بٛو نغُدِنَ مٛ؞ ࢡٜمبَرَنْ مٛ، عَمَّا ࢡَاوٛ ࢩَلْطٜ تَتِ عٛعُمِّتِتّٛ؞» 32عٛوِعِ ࢡٜ طُمْ بٜى بَنغُطُمْ؞ ݠِيٜرْ وِشِّتِمٛ سٜرَ، ڢُطِّ ڢٜلُغٛ مٛ؞ 33عَمَّا عِيسَى وَيْلِتِ، لَارِ ݠُکَرَعٜنْ مُوطُمْ؞ ندٜنْ عٛتٜلْࢡَنِ ݠِيٜرْ، عٛوِعِ: «دَايَمْ، عَنْ سَيْطَانُ، نُمٛوجِ مَاطَ طِ يِمْࢡٜ، نَا طِ اَللَّه؞»
34ندٜنْ عِيسَى عٜوْنِ مٛوࢡْرٜ عٜ ݠُکَرَعٜنْ مُوطُمْ، عٛوِعِ ࢡٜ: «تٛ غٛطّٛ يِطِ تٛکَّاغٛ يَمْ، سٜيْ عٛعَشَّ مُويٛ مَاکٛ، عٛرٛونْدٛ غَاڢَانغَلْ مَاکٛ، عٛتٛکّٛ يَمْ#مَتَّ 10:38؛ لُکَ 14:27؞؞ 35نغَمْ کٛو مٛيْ يِطِ حِسْنُغٛ يٛنغْکِ مُوطُمْ، مَجِّنَنْ کِ؞ عَمَّا مٛ مَجِّنِ يٛنغْکِ مُمْ نغَمْ عَمْ عٜ نغَمْ لِنْجِيلَ، حِسْنَنْ کِ#مَتَّ 10:39؛ لُکَ 17:33؛ يُحَنَّ 12:25؞؞ 36تٛ غٛطّٛ حٜࢡِ دُنِيَارُ ڢُو، عَمَّا عٛحَلْکِ يٛنغْکِ مَاکٛ، طُمٜ طُمْ نَڢَتَ مٛ؟ 37مَلَّ وٛودِ کٛ غٛطّٛ وَاوَتَ حٛکُّغٛ نغَمْ سٛوتُّغٛ يٛنغْکِ مَاکٛ نَ؟ وَلَا سَمْ! 38تٛ غٛطّٛ سٜمْتِ يَمْ عٜ بٛلّٜ عَمْ حَنْدٜ شَکَ يِمْࢡٜ حَلُّࢡٜ، زَمْبٛتٛوࢡٜ اَللَّه ࢡٜعٜ، ندٜنْ کَمْ ࢡِي-نٜطّٛ بٛو سٜمْتَنْ مٛ تٛ عٛوَرْدِ بٜى مَلَاعِکَعٜنْ سٜنِيࢡٜ ندٜرْ تٜدُّنغَلْ بَابِرَاوٛ مَاکٛ؞»
Currently Selected:
مَرْکُسْ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
