مَرْکُسْ 7

عَلْعَادَ کَاکِرَاࢡٜ

(مَتَّ 15‏:1‏-9)

1ڢَرِسَعٜنْ عٜ وٛطْࢡٜ ندٜرْ مٛودِࢡّٜ تَوْرٜىٰتَ وَرْࢡٜ دِغَ عُرُسَلِيمَ کَوْتِ حَا عِيسَى؞ 2ࢡٜنغِعِ وٛطْࢡٜ شَکَ ݠُکَرَعٜنْ مَاکٛ طٛنْ ࢩَامَ بٜى جُوطٜ شٛࢡْطٜ، وَاتٛ ࢡٜلٛوتَايْ طٜ ڢٛدّٜ عَلْعَادَ ڢَرِسَعٜنْ؞

3نغَمْ ڢَرِسَعٜنْ عٜ يَحُودُعٜنْ ڢُو طٛنْ کَکِّلَنَ عَلْعَادَاجِ کَاکِرَاࢡٜ، ࢡٜࢩَامَتَا سٛنَا تٛ ࢡٜلٛوتِ جُوطٜ مَࢡّٜ لَاࢡِ تَلْ؞ 4تٛ ࢡٜنغَرْتِ لُومٛ، ࢡٜࢩَامَتَا سٛنَا تٛ ࢡٜنغِيوَکٜ؞ ࢡٜطٛنْ طٛوْتَنٛ عُمْرٛوجٜ غٛطّٜ طُوطّٜ طٜ ࢡٜعٜکِّتِ نغَمْ طٛوُغٛ ࢡٜ، بَنَ لَࢡِّنْغٛ نجَرْدُکٛيْ عٜ ݠَيَنْطٜ عٜ تَاسَاجٜ نجَمْندِ مبٛطٜىٰرِ؞

5ڢَرِسَعٜنْ عٜ مٛودِࢡّٜ تَوْرٜىٰتَ ࢨَمِ عِيسَى‏: «کٛنِ ݠُکَرَعٜنْ مَاطَ طٛوْتَنْتَاکٛ عَلْعَادَ کَاکِرَاࢡٜ مٜىٰطٜنْ، ࢡٜطٛنْ ࢩَامَ بٜى جُوطٜ شٛࢡْطٜ؟» 6عِيسَى جَابِ ࢡٜ‏: «عَنَّبَاکُ نغُ عٜسَايَ وَطِ دٛوْ مٛوطٛنْ غٛونغْطِ؞ عٛنْ نَاڢِکِعٜنْ، بَنَ نٛ عٛوِنْدِرِ‏:

اَللَّه وِعِ‏: يِمْࢡٜ عُمَّاتٛورٜ ندٜعٜ طٛنْ تٜدِّنَمِّ بٜى کُنْدُطٜ،

عَمَّا ࢡٜرْطٜ مَࢡّٜ ندَايَکٜ يَمْ؞

7«ࢡٜطٛنْ شُجِدَنَمِّ مٜىٰرٜ،

نغَمْ ࢡٜطٛنْ عٜکِّتِنَ غٜشَّاجِ يِمْࢡٜ#عٜسَايَ 29‏:13؞؞»

8عِيسَى وِعِ ࢡٜ‏: «عٛنْ عَشِّ عُمْرٛوجٜ اَللَّه، عٛنْ طٛنْ نجٛغِ عَلْعَادَاجِ يِمْࢡٜ؞» 9ندٜنْ عٛࢡٜسْدِ وِعُغٛ‏: «عٛنْ مبَاوِ وُدِنْغٛ عُمْرٛورٜ اَللَّه نغَمْ جٛغَاغٛ عَلْعَادَ مٛوطٛنْ؞ 10مُوسَى وِعِ‏: تٜدِّنْ بَابَ مَ عٜ دَادَ مَ؞ کٛو مٛيْ وٛلْوِ کَلُّکَ دٛوْ بَابَ مَلَّ دَادَ مُمْ، سٜيْ عٛمبَرٜ#غُرْتَاکِ 20‏:12؛ 21‏:17؛ ڢَرِلَّاجِ لٜوِعٜنْ 20‏:9؛ تٛوکْتَاکِ تَوْرٜىٰتَ 5‏:16؞؞ 11عَمَّا عٛنٛنْ، عٛنْ طٛنْ مبِعَ تٛ غٛطّٛ وِعِ بَابَ مَلَّ دَادَ مُمْ‏: غٜطَلْ جَوْدِ عَمْ ندِ مِوَاوَنّٛ وَلُّغٛ مَ بٜى مَارِ لَاتَکٜ کٛرْبَانْ (بَنَ وِعْغٛ‏: مِحٛکِّ ندِ اَللَّه)، 12ندٜنْ کَمْ وَلَا حَاجٜ عٛوَلَّ بَابَ مَلَّ دَادَ مَاکٛ ڢَحِنْ، عٛنْ طٛنْ نجَࢡَنَ مٛ طُمْ؞ 13بَنَ نِي، عٛنْ طٛنْ مبٛنَّ کٛ وٛلْدٜ اَللَّه ࢨَمِ بٜى عَلْعَادَاجِ مٛوطٛنْ طِ عٛنْ طٛنْ عٜکِّتِنَ؞ عٜ عٛنْ طٛنْ مبَطَ کُوجٜ غٛطّٜ طُوطّٜ بَنَ مَاجِ؞»

کٛ سٛࢡْنَتَ نٜطّٛ

(مَتَّ 15‏:10‏-20)

14ڢَحِنْ عِيسَى عٜوْنِ يِمْࢡٜ ࢡٜنغَرَ حَا مَاکٛ، عٛوِعِ ࢡٜ‏: «نَنٜىٰطَمْ عٛنْ ڢُو، ݠَامٜ‏: 15وَلَا کٛو طُمٜ کٛ وٛنِ يَاسِ نٜطّٛ وَاوَتَ سٛࢡْنُغٛ مٛ بٜى نَسْتُغٛ ندٜرْ مَاکٛ؞ عَمَّا کٛ وُرْتٛتٛ حَا مَاکٛ، کَنْجُمْ سٛࢡْنَتَ مٛ؞ 16‏[‏مٛ وٛودِ نٛݠِّ نغَمْ نَنُغٛ نَنَ‏!]‏»

17ندٜ عِيسَى سٜىٰدِ بٜى مٛوࢡْرٜ، عٛنَسْتِ سُودُ، ݠُکَرَعٜنْ مَاکٛ ࢨَمِمٛ مَانَ بَلْندٛلْ نغٛعٛلْ؞ 18عٛوِعِ ࢡٜ‏: «عٛنٛنْ بٛو عٛنْ نغٛودَا ڢَامُ نَ؟ عٛنْ ݠَامَايْ نِي کٛ نَسْتَتَ نٜطّٛ دِغَ يَاسِ ڢُو، وَاوَتَا سٛࢡْنُغٛ مٛ، 19نغَمْ طُمْ نَسْتَتَا ࢡٜرْندٜ مَاکٛ، عَمَّا ندٜرْ رٜىٰدُ، ࢡَاوٛطٛنْ طُمْ وُرْتٛ حَا ࢡَاوٛ سُودُ؞» عِيسَى وِعِ بَنَ نِي نغَمْ عٛسٜنَ ࢩَامْدُ ڢُو؞ 20ڢَحِنْ عٛوِعِ‏: «کٛ وُرْتٛتٛ دِغَ ندٜرْ نٜطّٛ، کَنْجُمْ سٛࢡْنَتَ مٛ؞ 21نغَمْ حَا ندٜرْ، حَا ࢡٜرْندٜ نٜطّٛ، نُمٛوجِ کَلُّطِ عِوَتَ، طِ نجَحْرَ مٛ حَا دَاکَارٜىٰکُ عٜ نغُيْکَ عٜ مبَرْ-حٛورٜ 22عٜ نجٜىٰنُ عٜ سُونٛ عٜ حَلّٜىٰندٜ عٜ ڢٜوْجٜرٜ عٜ کُوجٜ شٜمْتِنِيطٜ عٜ کَاجَلْ عٜ کُودِ کَلُّندِ عٜ مَوْنِتَارٜ عٜ ڢَاتَارٜ؞ 23کُوجٜ کَلُّطٜ طٜعٜ ڢُو ندٜرْ نٜطّٛ طٜ عِوَتَ، طٜ شٛࢡْنَ مٛ؞»

نُطِّنْکِ دٜبّٛ سِرٛڢِنِيکِيجٛ

(مَتَّ 15‏:21‏-28)

24عِيسَى عُمِّ تٛنْ، دِلِّ حَا لٜسْدِ تِرُسْ؞ عٛنَسْتِ سَارٜ وٛطْندٜ، عٛيِطَا يِمْࢡٜ عَنْدَ طُمْ؞ عَمَّا عٛوَاوَايْ ࢩُکَّاغٛ؞ 25ندٜنْ دٜبّٛ مٛ رُوحُ شٛࢡْنغُ طٛنْ تٛرَّ ࢡِنغٜلْ مُوطُمْ دٜيٜلْ، نَنِ حَبَرُ عِيسَى، عٛوَرِ لَوْ حَا مَاکٛ، عٛتُغِّ کٛݠِّ يٜىٰسٛ مَاکٛ؞ 26دٜبّٛ عٛو، عٛ يُنَنِنغْکٜىٰجٛ#7‏:26 يُنَنِنغْکٜىٰجٛ مَلَّ غِرٜکْجٛ؞ مٛ عَسْنغٛلْ سِرٛڢِنِيکِعٜنْ؞ عٛتٛرِ عِيسَى عٛرِيوَ رُوحُ شٛࢡْنغُ دِغَ ࢡِنغٜلْ مَاکٛ؞ 27عَمَّا عِيسَى وِعِمٛ‏: «عَشُّ ࢡِکّٛيْ کَارَ تَوٛنْ، نغَمْ وٛوطَايْ حٛوعُغٛ ࢩَامْدُ ࢡِکّٛيْ سَکِّنَنَ ندَوَاکٛنْ؞» 28دٜبّٛ وِعِمٛ‏: «نٛنّٛنْ يَا جَوْمِرَاوٛ، عَمَّا کٛو ندَوَاکٛنْ نغٛنْکٛنْ لٜسْ تَابَلْ بٛو ࢩَامَنْ شَامْطُمْ ࢩَامْدُ ࢡِکّٛيْ؞» 29ندٜنْ عِيسَى وِعِمٛ‏: «نغَمْ دَلِيلَ وٛلْدٜ مَاطَ ندٜعٜ، يَحْ، رُوحُ شٛࢡْنغُ وُرْتَکٜ ࢡِنغٜلْ مَ؞» 30عٛحٛوتِ، عٛتَوِ ࢡِنغٜلْ مَاکٛ طٛنْ وَالِ دٛوْ بٜعِّتّٜ، رُوحُ شٛࢡْنغُ وُرْتَکٜ ندٜرْ مَاغٜلْ؞

عِيسَى يَمْطِتِنِ ݠَحٛ

31ࢡَاوٛ مَنْ عِيسَى وُرْتِ لٜسْدِ تِرُسْ؞ عٛسَالِ غَلْ لٜسْدِ سِدٛنْ، عٛلٛرْتِ غَلْ وٜىٰندُ غَلِيلِ، عٛيٛتِّ حَا لٜسْدِ وِعٜتٜىٰندِ بٜرْنِيجِ-سَݠّٛ؞ 32ࢡٜنغَدَّنِمٛ غٛطّٛ ݠَحٛ مٛ وَاوَتَا وٛلْوُغٛ لَاࢡْطُمْ؞ ࢡٜتٛرِمٛ عٛوَلِّنَ جُنغٛ دٛوْ مَاکٛ؞

33ندٜنْ عِيسَى وُرْتِنِمٛ ندٜرْ مٛوࢡْرٜ، دَرْنِمٛ ڢٜىٰرٜ مَاکٛ، عٛنَسْتِنِ کٛولِ ندٜرْ نٛݠِّ غٛطّٛ عٛو عٜ عٛمٜىٰمِ طٜمْنغَلْ مَاکٛ بٜى تُوطٜ مُمْ؞ 34ندٜنْ عٛتِجِّ عَسَمَ، عٛعُومِ، عٛوِعِ غٛطّٛ غٛ‏: «عٜڢَّتَ»، بَنَ وِعْغٛ‏: «سُکِّتَ‏!» 35لَوْ نٛݠِّ مَاکٛ شُکِّتِ، کٛ حَࢡِّنٛ طٜمْنغَلْ مَاکٛ ڢِيسْتِ، عٛوٛلْوِ بٜى لَاࢡْطُمْ؞ 36عِيسَى عُمْرِ ࢡٜ ڢُو تَا ࢡٜعَنْدِنَ غٛطّٛ حَالَ مَنْ؞ عَمَّا کٛو ندٜ عٛطُطِّنِ بٛلّٜ، کَمْࢡٜ ࢡٜنغٜىٰيْنِ طُمْ مَسِنْ؞ 37نَنْࢡٜ طُمْ کَيْطِنِ مَسِنْ، ࢡٜمبِعِ‏: «کٛ عٛوَطَتَ ڢُو، وٛوطِ مَسِنْ‏! عٛوَطِ حَا ڢَحْࢡٜ نَنَ، مُوکَعٜنْ بٛو مبٛلْوَ؞»

Currently Selected:

مَرْکُسْ 7: داَ

Highlight

Copy