مَرْکُسْ 6
6
يِمْࢡٜ نَسَرَتُ شَلِ نُطِّنْغٛ عِيسَى
(مَتَّ 13:53-58؛ لُکَ 4:16-30)
1عِيسَى عُمِّ نٛکُّورٜ مَاجُمْ، عٛلٛرْتِ حَا بٜرْنِوٛلْ نغٛلْ عٛمَوْنِ، ݠُکَرَعٜنْ مَاکٛ تٛکِّمٛ؞ 2ندٜ ࢩَنْدٜ سِوْتٛرْدٜ وَطِ، عٛڢُطِّ عٜکِّتِنْغٛ ندٜرْ سُودُ دٜوَلْ يَحُودُعٜنْ؞ نَنْࢡٜ مٛ طُوطْࢡٜ کَيْطِنِ مَسِنْ؞ ࢡٜطٛنْ مبِعَ: «حَا تٛيْ عٛحٜࢡِ طُمْ؟ مٛيْ حٛکِّمٛ حِکْمَ کَ عٜ بَاوْطٜ وَطُغٛ کَايٜىٰڢِيجِ طِعِ؟ 3نَا کَنغْکٛ وٛنِ شٜحٛووٛ؟ نَا عٛ ࢡِي مَرِيَمَ عٜ دٜىٰرْطِرَاوٛ يَاکُبَ عٜ يٛسٜسْ عٜ يَحُودَ عٜ سِمٛنْ؟ نَا دٜىٰرْطِرَاࢡٜ مَاکٛ رٜوْࢡٜ بٛو طٛنْ نغٛنْدِ بٜى مٜىٰطٜنْ حَا طٛ؟» نغَمْ مَاجُمْ ࢡٜشَلِ نُطِّنْغٛ مٛ؞ 4ندٜنْ عِيسَى وِعِ ࢡٜ: «يِمْࢡٜ طٛنْ تٜدِّنَ اَلنَّبِيجٛ کٛو تٛيْ، عَمَّا ندٜرْ وُرٛ نغٛ عٛدَࢩَ عٜ شَکَ بَنْدِرَاࢡٜ مَاکٛ عٜ يِمْࢡٜ سَارٜ مَاکٛ عٛوَلَا تٜدُّنغَلْ؞» 5عِيسَى وَاوَايْ وَطُغٛ کَايٜىٰڢِوٛلْ کٛو نغٛلٜ تٛنْ، سٜيْ عٛيٛوِ جُوطٜ مَاکٛ دٛوْ ࢩَوْࢡٜ وٛطْࢡٜ، عٛيَمْطِتِنِ ࢡٜ؞ 6عٛحَيْطِنِ نغَمْ سٛويْندٜ نُطِّنْکِ مَࢡّٜ؞
عِيسَى نٜلِ ݠُکَرَعٜنْ سَݠّٛ عٜ طِطٛ
(مَتَّ 10:5-15؛ لُکَ 9:1-6)
ࢡَاوٛ مَاجُمْ عِيسَى يِيلٛيِ حَا غُرٜ لٜسْدِ مَنْ ڢُو، عٛعٜکِّتِنِ يِمْࢡٜ؞ 7عٛعٜوْنِ ݠُکَرَعٜنْ مَاکٛ سَݠّٛ عٜ طِطٛ، عٛحٛکِّ ࢡٜ بَاوْطٜ دٛوْ رُوحُوجِ شٛࢡْطِ، ندٜنْ عٛنٜلِ ࢡٜ طِطٛ طِطٛ؞ 8عٛحٛکِّ ࢡٜ عُمْرٛورٜ ندٜعٜ: «تَا نجٛغٜ کٛو طُمٜ نغَمْ جَحَانغَلْ، کٛو ࢩَامْدُ، کٛو بٛورٛ نجٛوࢡَارِ، کٛو شٜىٰدٜ سٜطَّ، سٜيْ سَوْرُ تَنْ؞ 9کٛوعٜ ݠَطٜ، عَمَّا تَا ࢡٛرْنٜ لِمْشٜ طِطِ؞» 10ڢَحِنْ عٛوِعِ ࢡٜ: «تٛ عٛنْ نَسْتِ وُرٛ وٛطْنغٛ، نجٛوطٜ حَا سَارٜ ندٜ ࢡٜنجَࢡِّ عٛنْ، حَا سَاعِيرٜ ندٜ عٛنْ نغُرْتٛتٛ وُرٛ مَنْ؞ 11تٛ عٛنْ نغَرِ حَا وُرٛ نغٛ ࢡٜشَلِ جَࢡَّاغٛ عٛنْ مَلَّ نَنَنْغٛ عٛنْ، نغُرْتٜ نغٛ، ݠِطّٜ شٛلَّاجٜ کٛسْطٜ مٛوطٛنْ، طُمْ لَاتٛ نغَمْ رٜىٰنْتِنْغٛ#لُکَ 10:4-11؛ کُوطٜ نٜلَاࢡٜ 13:51؞#6:11 رٜىٰنْتِنْغٛ مَلَّ بَرَّاغٛ؞ ࢡٜ؞» 12ݠُکَرَعٜنْ ندِلِّ، نغَازٛيِ يِمْࢡٜ نغَمْ ࢡٜتُوبَ، ࢡٜعَشَّ حَکّٜىٰجِ مَࢡّٜ؞ 13ࢡٜندِيوِ رُوحُوجِ شٛࢡْطِ طُوطِّ، ࢡٜنغُجِ ࢩَوْࢡٜ طُوطْࢡٜ بٜى نٜبَّمْ، ࢡٜنجَمْطِتِنِ ࢡٜ#يَاکُبَ 5:14؞؞
مَايْدٜ يُحَنَّ بَطٛووٛ بَݠْتِسْمَ
(مَتَّ 14:1-12؛ لُکَ 9:7-9)
14عَمَّا لَامِيطٛ حِرُدُسْ نَنِ حَبَرُ عِيسَى، نغَمْ کٛو تٛيْ ڢُو يِمْࢡٜ مَنِ عِنْدٜ عِيسَى؞ وٛطْࢡٜ طٛنْ مبِعَ: «يُحَنَّ بَطٛووٛ بَݠْتِسْمَ عُمِّتَکٜ دِغَ مَايْدٜ؞ نغَمْ مَاجُمْ عٛطٛنْ بٜى بَاوْطٜ وَطُغٛ کَايٜىٰڢِيجِ؞» 15عَمَّا وٛطْࢡٜ مبِعِ: «طُمْ إِلْيَاسُ؞» وٛطْࢡٜ بٛو مبِعِ: «طُمْ اَلنَّبِيجٛ بَنَ غٛوتٛ اَلنَّبِعٜنْ ࢡٛويْمَ#مَتَّ 16:14؛ مَرْکُسْ 8:28؛ لُکَ 9:19؞؞»
16ندٜ حِرُدُسْ نَنِ طُمْ، عٛوِعِ: «طُمْ يُحَنَّ بَطٛووٛ بَݠْتِسْمَ! مِتَعِنٛ حٛورٜ مَاکٛ، عَمَّا عٛعُمِّتَکٜ؞» 17نَانٜ حِرُدُسْ بٜى حٛورٜ مُوطُمْ عُمْرِنٛ، ࢡٜنَنغَ يُحَنَّ، ࢡٜکَࢡَّ مٛ حَا سُودُ ڢُرْسِنَ#6:17 سُودُ ڢُرْسِنَ مَلَّ سُودُ يَنغَدَ؞؞ عٛوَطِ طُمْ نغَمْ دَلِيلَ حِرُدِيَ، دٜبّٛ ڢِلِݠْ دٜىٰرْطِيکٛ، مٛ حِرُدُسْ تٜعِنٛ؞ 18نغَمْ يُحَنَّ وِعْنٛ حِرُدُسْ: «حَانَايْ عَتٜعَ دٜبّٛ دٜىٰرْطَ#لُکَ 3:19-20؞؞»
19نغَمْ مَاجُمْ حِرُدِيَ وَࢩِ يُحَنَّ، يِطِ مبَرُغٛ مٛ؞ عَمَّا عٛوَاوَايْ، 20نغَمْ حِرُدُسْ حُلِ يُحَنَّ، نغَمْ عٛعَنْدِ عٛ غٛونغَاجٛ، عٛ شٜنَاطٛ؞ عٛعَيْنِمٛ بٛوطُّمْ؞ عَمَّا ندٜ عٛنَنِمٛ ڢُو، عٛوٜمْبٛتٛ مَسِنْ، بٜى نٛنْ ڢُو، عٛيِطِ نَنُغٛ حَالَ مَاکٛ؞
21ندٜ ࢩَلَادٜ سِڢْتِنٛرْدٜ دَࢩٜىٰکِ حِرُدُسْ يٛتِّ، ندٜ لَاتِ ࢩَلَادٜ ڢٛتُّندٜ نغَمْ حِرُدِيَ؞ حِرُدُسْ وَطِ ࢩَامْدُوجِ نغَمْ مَوْࢡٜ لٜسْدِ مُوطُمْ عٜ عَرْدِيࢡٜ دٛوْ سٛوجٜعٜنْ عُجِنٜىٰجٜ عٜ عَرْدِيࢡٜ لٜسْدِ غَلِيلِ ڢُو؞ 22ࢡِي حِرُدِيَ دٜبّٛ نَسْتِ، وَمِ، سٜيْنِ حِرُدُسْ عٜ عٜوْنَاࢡٜ مُوطُمْ؞ لَامِيطٛ وِعِ ݠَاࢩٛ دٜبّٛ: «ࢨَمَمْ کٛ عَيِطِ، مِحٛکّٜتٜ طُمْ؞» 23عٜ عٛحُنَنِمٛ حُنَيٜىٰرٜ ندٜعٜ: «مِحٛکّٜتٜ کٛ عَࢨَمِ، کٛو رٜىٰتَ لَامُ عَمْ؞» 24ݠَاࢩٛ وُرْتِ، وِعِ دَادَ مُوطُمْ: «طُمٜ مِࢨَمَتَ مٛ؟» عٛجَابِ: «حٛورٜ يُحَنَّ بَطٛووٛ بَݠْتِسْمَ؞» 25لَوْ ݠَاࢩٛ لٛرِ حَا لَامِيطٛ، وِعِمٛ: «مِيِطِ عَحٛکَّمِّ حٛورٜ يُحَنَّ بَطٛووٛ بَݠْتِسْمَ جٛنْتَ ندٜرْ لٜعَلْ؞» 26طُمْ سُنِ لَامِيطٛ، عَمَّا عٛيِطَا سَلَنَاغٛ مٛ، نغَمْ دَلِيلَ کُنَيٜىٰجٜ طٜ عٛحُنِنٛ يٜىٰسٛ عٜوْنَاࢡٜ مَاکٛ؞ 27ندٜنْ عٛنٜلِ غٛوتٛ ندٜرْ سٛوجٜعٜنْ عَيْنَنْࢡٜ مٛ، عٛعُمْرِمٛ عٛوَدَّ حٛورٜ يُحَنَّ؞ سٛوجٜىٰجٛ دِلِّ حَا سُودُ ڢُرْسِنَ#6:27 سُودُ ڢُرْسِنَ مَلَّ سُودُ يَنغَدَ؞، عٛتَعِ حٛورٜ يُحَنَّ؞ 28ندٜنْ عٛوَدِّ ندٜ ندٜرْ لٜعَلْ، عٛحٛکِّ ندٜ ݠَاࢩٛ دٜبّٛ؞ کَنغْکٛ بٛو عٛحٛکِّ ندٜ دَادَ مَاکٛ؞ 29ندٜ ݠُکَرَعٜنْ يُحَنَّ نَنِ طُمْ، ࢡٜنغَرِ، ࢡٜکٛوشِ ࢡَنْدُ يُحَنَّ، ࢡٜعُوِ ندُ؞
عِيسَى ࢩَامْنِ يِمْࢡٜ عُجِنٜ نجٛوٛ
(مَتَّ 14:13-21؛ لُکَ 9:10-17؛ يُحَنَّ 6:1-14)
30نٜلَاࢡٜ غٛ لٛرْتِ، کَوْتِ حَا عِيسَى؞ ࢡٜنغٜشِّمٛ کٛ ࢡٜمبَطِ عٜ کٛ ࢡٜعٜکِّتِنِ ڢُو؞ 31عَمَّا، يِمْࢡٜ طُوطْࢡٜ طٛنْ نغَرَ، طٛنْ ندِلَّ، حَا عِيسَى عٜ ݠُکَرَعٜنْ مُوطُمْ کٜࢡَايْ وَکَّتِ ࢩَامُغٛ؞ نغَمْ مَاجُمْ عٛوِعِ ࢡٜ: «نغَرٜ ندِلّٜنْ حَا نٛکُّورٜ ڢٜرْوُندٜ حَا عٛنْ شِوْتٛ سٜطَّ؞» 32ندٜنْ ࢡٜنَسْتِ کٛومْبٛوَلْ،#6:32 کٛومْبٛوَلْ مَلَّ لَانَوَلْ؞ ࢡٜندِلِّ ڢٜىٰرٜ مَࢡّٜ، حَا نٛکُّورٜ ڢٜرْوُندٜ؞
33عَمَّا طُوطْࢡٜ نغِعِ ࢡٜطٛنْ ندِلَّ عٜ ࢡٜݠَامِ حَا ࢡٜنجَحَتَ، ندٜنْ ࢡٜنغُرْتِ غُرٜ ڢُو، ࢡٜندٛغِّ بٜى کٛسْطٜ، ࢡٜعَارْتِ عِيسَى عٜ ݠُکَرَعٜنْ مُوطُمْ يٛتَّاغٛ حَا نٛکُّورٜ مَنْ؞ 34ندٜ عِيسَى جِݠِّ کٛومْبٛوَلْ، عٛيِعِ مٛوࢡْرٜ يِمْࢡٜ طُوطْࢡٜ؞ عٛيُرْمِنِ ࢡٜ، نغَمْ ࢡٜنَنْدِ بٜى بَالِ طِ نغَلَا غَيْنَاکٛ؞ عٛڢُطِّ عٜکِّتِنْغٛ ࢡٜ کُوجٜ طُوطّٜ#لِمْلٜ 27:17؛ 1 لَامِيࢡٜ 22:17؛ 2 حَبَرُوجِ ࢩَلَاطٜ 18:16؛ عٜزٜکِيٜلْ 34:5؛ جٜکَرِيَ 10:2؛ مَتَّ 9:36؞؞ 35ندٜ حِيرِ، ݠُکَرَعٜنْ مَاکٛ نغَرِ حَا مَاکٛ، مبِعِمٛ: «نَانغٜ حِيرِ، نٛکُّورٜ ندٜعٜ بٛو ندٜ ڢٜرْوُندٜ؞ 36جَࢡِّتَ يِمْࢡٜ ࢡٜندِلَّ حَا کَوْيٜىٰجِ عٜ غُرٜ ࢡَدِيطٜ ࢡٜشٛودَ کٛ ࢡٜࢩَامَتَ؞» 37عِيسَى جَابِ ࢡٜ: «عٛنٛنْ مَنْ ندٛکّٜ ࢡٜ کٛ ࢡٜࢩَامَتَ؞» ݠُکَرَعٜنْ مبِعِمٛ: «عَيِطِ مِنْ نجَحَ، مِنْ مَجِّنَ سُلٜيْجٜ شَرْدِ تٜىٰمٜطّٜ طِطِ نغَمْ سٛودُغٛ تَمْسٜىٰجٜ حَا ࢡٜࢩَامَ نَ؟» 38عِيسَى وِعِ ࢡٜ: «تَمْسٜىٰجٜ نٛيْ مَرْطٛنْ؟ نجٜحٜ، ندَارٜ؞» ندٜ ࢡٜکُمْݠِتِ، ࢡٜمبِعِمٛ: «مِنْ نغٛودِ تَمْسٜىٰجٜ جٛوِ عٜ لِطِّ طِطِ؞»
39ندٜنْ، عِيسَى عُمْرِ ݠُکَرَعٜنْ ࢡٜنجٛعِّنَ يِمْࢡٜ ڢُو غٜࢡٜ غٜࢡٜ دٛوْ حُطٛ حٜشّٛ؞ 40ࢡٜنجٛعِّنِ يِمْࢡٜ تٜىٰمٜرّٜ تٜىٰمٜرّٜ، شَݠَّنْطٜ نجٛوٛ شَݠَّنْطٜ نجٛوٛ؞ 41ندٜنْ عِيسَى حٛوعِ تَمْسٜىٰجٜ جٛوِ عٜ لِطِّ طِطِ غٛ، عٛتِجِّ عَسَمَ، عٛيٜتِّ اَللَّه؞ ندٜنْ عٛيٜوِ تَمْسٜىٰجٜ، عٛحٛکِّ ݠُکَرَعٜنْ نغَمْ ࢡٜشٜنْدَنَ يِمْࢡٜ؞ بَنَ نٛنْ بٛو عٛسٜنْدَنِ ࢡٜ لِطِّ طِطِ غٛ ࢡٜ ڢُو؞ 42ࢡٜ ڢُو ࢡٜࢩَامِ، ࢡٜکَارِ؞ 43ݠُکَرَعٜنْ مٛوࢡْتِ لُتُّطُمْ تَمْسٜىٰجٜ عٜ لِطِّ غٛ، کٜبِّنِ شِلَاجٜ سَݠّٛ عٜ طِطِ؞ 44لِمْغَلْ ࢩَامْࢡٜ تَمْسٜىٰجٜ مَنْ وَطِ وٛرْࢡٜ عُجِنٜ نجٛوٛ؞
عِيسَى وَانْشِ دٛوْ وٜىٰندُ
(مَتَّ 14:22-33؛ يُحَنَّ 6:15-21)
45ࢡَاوٛ مَنْ عِيسَى دٛولِ ݠُکَرَعٜنْ مُوطُمْ ࢡٜنَسْتَ کٛومْبٛوَلْ#6:45 کٛومْبٛوَلْ مَلَّ لَانَوَلْ؞، ࢡٜعَارْتَ مٛ يَحُغٛ بَيْتِسَيْدَ حَا ڢٛمٛوندٜ وٜىٰندُ غَطَارٜ، سَاعِ عٛطٛنْ جَࢡِّتٛ مٛوࢡْرٜ؞ 46ࢡَاوٛ عٛجَࢡِّتِ ندٜ، عٛدِلِّ حٛوسٜىٰرٜ نغَمْ وَطُغٛ دٛعَ؞ 47ندٜ جٜمَّ وَطِ، کٛومْبٛوَلْ بٛو طٛنْ شَکَ وٜىٰندُ، عِيسَى طٛنْ حَا لٜسْدِ ڢٜىٰرٜ مُوطُمْ؞ 48عٛيِعِ ݠُکَرَعٜنْ مَاکٛ طٛنْ کَࢡْدَ لَاࢩُغٛ کٛومْبٛوَلْ، نغَمْ ࢡٜطٛنْ تِيتٛتِرَ بٜى حٜنْدُ، دٜيْدٜيْ سُبَحَ، عٛوَرِ حَا مَࢡّٜ، عٛطٛنْ يَحَ دٛوْ مبٜىٰلَ بٜى کٛسْطٜ، بَنَ عٛسَالٛتٛ ࢡٜ؞ 49ندٜ ࢡٜنغِعِمٛ عٛطٛنْ يَحَ دٛوْ ندِيَمْ، ࢡٜتَمِّ طُمْ غِنَّوٛلْ، ࢡٜنغٛوکِ؞ 50نغَمْ ࢡٜ ڢُو ࢡٜنغِعِمٛ، ࢡٜکُلِ؞ عَمَّا لَوْ عِيسَى وٛلْوَنِ ࢡٜ، وِعِ: «تِطِّنٜ ࢡٜرْطٜ مٛنْ، طُمْ مِنْ، تَا کُلْتٛرٜ!» 51ندٜنْ عٛنَسْتِ کٛومْبٛوَلْ، حٜنْدُ دٜعِّتِ؞ ݠُکَرَعٜنْ کَيْطِنِ مَسِنْ؞ 52نغَمْ ࢡٜݠَامَايْ کَايٜىٰڢِوٛلْ تَمْسٜىٰجٜ غٛ، نغَمْ ࢡٜرْطٜ مَࢡّٜ شَاتِ؞
عِيسَى يَمْطِتِنِ ࢩَوْࢡٜ حَا غٜنٜسَرٜتْ
(مَتَّ 14:34-36)
53ندٜ ࢡٜتِمِّنِ عٜىٰرَاغٛ وٜىٰندُ، ࢡٜنجٛتِّ لٜسْدِ غٜنٜسَرٜتْ، ࢡٜتِغِّ کٛومْبٛوَلْ مَࢡّٜ حَا ڢٛمٛوندٜ؞ 54ࢡٜنغُرْتِ کٛومْبٛوَلْ، لَوْ يِمْࢡٜ عَنْدِتِ عِيسَى، 55ࢡٜندٛغّٛيْ کٛو تٛيْ ندٜرْ لٜسْدِ مَنْ ڢُو، ࢡٜنغَدَّنِمٛ ࢩَوْࢡٜ وَالِيࢡٜ دٛوْ بٜعِّتّٜ؞ 56کٛو تٛيْ عِيسَى يٜحِ، ندٜرْ غُرٜ مَلَّ بٜرْنِيجِ مَلَّ کَوْيٜىٰجِ، يِمْࢡٜ طٛنْ مبَلِّنَ ࢩَوْࢡٜ مَࢡّٜ حَا لُوࢡٜ، ࢡٜتٛرٛ مٛ حَا ࢩَوْࢡٜ کٜࢡَ مٜىٰمُغٛ کٛو غَوَرْغَلْ لِمْشٜ مَاکٛ؞ مٜىٰمْࢡٜ نغَلْ ڢُو نجَمْطِتِ؞
Currently Selected:
مَرْکُسْ 6: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
