مَرْکُسْ 15
15
عِيسَى يٜىٰسٛ ݠِلَاتُ
(مَتَّ 27:1-2،11-14؛ لُکَ 23:1-5؛ يُحَنَّ 18:28-38)
1ڢَجِرِ شُبْ، مَوْࢡٜ لِمَنْعٜنْ کَوْتِ بٜى ندٛتِّعٜنْ عٜ مٛودِࢡّٜ تَوْرٜىٰتَ عٜ حِيتٛوࢡٜ ندٜرْ دَوْرِيندٜ ڢُو، ࢡٜشَرْوٛوتِرِ؞ ࢡٜکَࢡِّ عِيسَى، ࢡٜنجَحْرِمٛ، ࢡٜندٛکِّمٛ حَا جُوطٜ ݠِلَاتُ#15:1 ݠِلَاتُ وٛنِ حٛورٜىٰجٛ رٛمَعٜنْ ندٜرْ يَحُودَ؞؞ 2کَنغْکٛ بٛو عٛࢨَمِمٛ: «عَنْ وٛنِ لَامِيطٛ يَحُودُعٜنْ نَ؟» عِيسَى جَابِمٛ: «نٛنّٛنْ بَنَ مبِعْطَ؞» 3مَوْࢡٜ لِمَنْعٜنْ نغُلّٛرِ عِيسَى کُوجٜ طُوطّٜ؞ 4ندٜنْ ݠِلَاتُ ࢨَمِمٛ ڢَحِنْ: «عَجَابَتَاکٛ کٛو طُمٜ نَ؟ لَارْ نٛ ࢡٜنغُلّٛرِ مَ غُلَّالِ طُوطِّ؞» 5عَمَّا عِيسَى سَلِ وٛلْوُغٛ، حَا ݠِلَاتُ حَيْطِنِ؞
ࢡٜکِيتِ عِيسَى کِيتَ مَايْدٜ
(مَتَّ 27:15-26؛ لُکَ 23:13-25؛ يُحَنَّ 18:39-40؛ 19:1-16)
6ندٜ جُولْدٜ ݠَسْکَ وَطِ ڢُو، ݠِلَاتُ وٛووِ يٛوڢَنْغٛ يِمْࢡٜ کَࢡَّاطٛ غٛوتٛ مٛ ࢡٜࢨَمِ؞ 7وَکَّتِ مَاجُمْ غٛطّٛ بِعٜتٜىٰطٛ بَرَبَّسْ طٛنْ حَا سُودُ ڢُرْسِنَ#15:7 سُودُ ڢُرْسِنَ مَلَّ سُودُ يَنغَدَ؞ بٜى وٛطْࢡٜ، ࢡٜمبَطِنٛ ڢِتِنَ، ࢡٜمبَرْنٛ غٛطّٛ ندٜرْ ڢِتِنَ کَعَ؞ 8ندٜنْ يِمْࢡٜ مٛوࢡْرٜ ندِلِّ حَا سَارٜ ݠِلَاتُ، ࢡٜمبِعِمٛ عٛوَطَنَ ࢡٜ کٛ عٛوٛووِ وَطَنْغٛ ࢡٜ؞ 9ݠِلَاتُ ࢨَمِ ࢡٜ: «عٛنْ نغِطِ مِيٛوڢَنَ عٛنْ لَامِيطٛ يَحُودُعٜنْ نَ؟» 10نغَمْ عٛعَنْدِ، مَوْࢡٜ لِمَنْعٜنْ نجَحْرَنِمٛ عِيسَى نغَمْ کَاجَلْ؞ 11عَمَّا مَوْࢡٜ لِمَنْعٜنْ تِطِّنِ يِمْࢡٜ ࢡٜمبِعَ مٛ ندِکَّ عٛيٛوڢَنَ ࢡٜ بَرَبَّسْ؞ 12ڢَحِنْ ݠِلَاتُ وٛلْوَنِ يِمْࢡٜ: «مٛ عٛنْ مبِعَتَ لَامِيطٛ يَحُودُعٜنْ، مِوَطَ مٛ طُمٜ کَدِ؟» 13ࢡٜکٛولِ ڢَحِنْ، ࢡٜمبِعِ: «ࢡِلْ مٛ حَا لٜغَّلْ غَاڢَانغَلْ!» 14ݠِلَاتُ ࢨَمِ: «کَدِ حَلّٜىٰندٜ ندٜيٜ عٛوَطِ؟» عَمَّا ࢡٜࢡٜسْدِ وٛوکُغٛ بٜى سَوْتُ، ࢡٜمبِعِ: «ࢡِلْ مٛ حَا لٜغَّلْ غَاڢَانغَلْ!» 15ݠِلَاتُ يِطِ ڢٛتَّنْغٛ مٛوࢡْرٜ؞ نغَمْ مَاجُمْ عٛيٛوڢَنِ ࢡٜ بَرَبَّسْ؞ ندٜنْ عٛعُمْرِ سٛوجٜعٜنْ، ࢡٜࢡٛشِّ عِيسَى، عٛحٛکِّمٛ حَا جُوطٜ مَࢡّٜ نغَمْ ࢡٜࢡِلَ مٛ حَا لٜغَّلْ غَاڢَانغَلْ؞
سٛوجٜعٜنْ نجَنْشِ عِيسَى
(مَتَّ 27:27-31؛ يُحَنَّ 19:2-3)
16سٛوجٜعٜنْ نجَحْرِ عِيسَى حَا دَلْدَلْ لَامٛرْدٜ، ࢡٜمٛوࢡْتِ سٛوجٜعٜنْ وٛنْࢡٜ ندٜرْ يٜࢡْرٜ وٛورٜ ڢُو؞ 17ࢡٜࢡٛرْنِمٛ مٛجَارٜ وٛطٜىٰرٜ، ࢡٜمبَطِ مٜىٰتَلٜىٰوٛلْ غِعٜ، ࢡٜنجٛعِّنِ نغٛلْ دٛوْ حٛورٜ مَاکٛ؞ 18ندٜنْ ࢡٜکٛوڢْنِمٛ: «اَللَّه وٛونَنٜ، عَنْ لَامِيطٛ يَحُودُعٜنْ؞» 19ࢡٜݠِيِمٛ بٜى سَوْرُ دٛوْ حٛورٜ، ࢡٜتُوتِمٛ تُوطٜ، ࢡٜتُغِّ کٛݠِّ ࢡٜشُجِدَنِمٛ؞ 20ندٜ ࢡٜتِمِّنِ جَنْشُغٛ مٛ، ࢡٜࢡٛرْتِمٛ مٛجَارٜ وٛطٜىٰرٜ غٛ، ࢡٜࢡٛرْنِمٛ لِمْشٜ مَاکٛ؞ ندٜنْ ࢡٜنجَحْرِمٛ يَاسِ بٜرْنِوٛلْ نغَمْ ࢡٜࢡِلَ مٛ دٛوْ لٜغَّلْ غَاڢَانغَلْ؞
غَاڢٜىٰکِ عِيسَى
(مَتَّ 27:32-44؛ لُکَ 23:26-43؛ يُحَنَّ 19:17-27)
21حَا لَاوٛلْ ࢡٜݠٛتِّ بٜى غٛطّٛ سِرٜنٜ، بِعٜتٜىٰطٛ سِمٛنْ، بَابَ عَلٜکْسَنْدِرٜ عٜ رُڢُسْ، عٛطٛنْ وَرْتَ نغٜسَ؞ سٛوجٜعٜنْ ندٛولِمٛ رٛونْدَاغٛ لٜغَّلْ غَاڢَانغَلْ عِيسَى#رٛمَعٜنْ 16:13؞؞ 22ࢡٜنجَحْرِ عِيسَى حَا نٛکُّورٜ ندٜ ࢡٜمبِعَتَ غٛلْغٛتَ بَنَ وِعُغٛ: نٛکُّورٜ غُمْبَلْ-حٛورٜ؞ 23تٛنْ ࢡٜنغِطِ يَرْنُغٛ مٛ عِنَبٛوجَمْ ࢡٜنْدُطَمْ جِلَّاطَمْ بٜى طَشّٜ، عَمَّا عِيسَى سَلِ يَرُغٛ؞
24ندٜنْ ࢡٜࢡِلِمٛ حَا لٜغَّلْ غَاڢَانغَلْ، ࢡٜشٜنْدِ لِمْشٜ مَاکٛ بٜى وَطُغٛ کُرْعُ نغَمْ ࢡٜکٜࢡْتَ کٛ کٛو مٛيْ مَࢡّٜ حٛوعَتَ#جَبُورَ 22:19؞؞ 25طُمْ طٛنّٛ سَاعَ جٛوٜىٰنَيِ ڢَجِرِ، ࢡٜࢡِلِمٛ دٛوْ لٜغَّلْ غَاڢَانغَلْ؞ 26ࢡٜمبِنْدِ دَلِيلَ کِيتَ مَاکٛ دٛوْ عَلُّحَ بَنَ نِعِ: «لَامِيطٛ يَحُودُعٜنْ؞»
27ࢡٜࢡِلْدِ ڢَسٛوࢡٜ طِطٛ بٜى عِيسَى حَا لٜطّٜ غَاڢَاطٜ، غٛوتٛ حَا ࢩَامٛ مَاکٛ، غٛوتٛ بٛو حَا نَنٛ مَاکٛ؞ 28[بَنَ نِي کٛ دٜڢْتٜرٜ وِعِ غٛونغْطِرِ، ندٜ وِعِ: «ࢡٜلِمِمٛ ندٜرْ حُووٛوࢡٜ زُنُوبَ#عٜسَايَ 23:12؞؞»]
29سَالٛتٛوࢡٜ تٛنْ ندِمْبِنِ کٛعٜ مُوطُمْعٜنْ، کُطِمٛ، ࢡٜمبِعِ: «حٜيْ! عَوِعْنٛ عَيِبِّنَنْ حَيْکَلِيرُ، عَمَحْتٛتٛ ندُ ندٜرْ ࢩَلْطٜ تَتِ#جَبُورَ 22:8؛ 109:25؛ مَرْکُسْ 14:58؛ يُحَنَّ 2:19؞؞ 30جِݠَّ لٜغَّلْ غَاڢَانغَلْ کَدِ، حِسْنُ حٛورٜ مَ!» 31بَنَ نٛنْ بٛو مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ نجَنْشِ عِيسَى، ࢡٜمبٛلْوِ حَکُّندٜ مَࢡّٜ ࢡٜمبِعِ: عٛحِسْنِ وٛطْࢡٜ، عَمَّا عٛوَاوَتَا حِسْنُغٛ حٛورٜ مَاکٛ؞ 32سٜيْ عٜنْ نغِعَ اَلْمَسِيحُ، لَامِيطٛ إِسْرَاءِيلَ جِݠّٛ لٜغَّلْ غَاڢَانغَلْ جٛنْتَ، نغَمْ حَا عٜنْ نُطِّنَ مٛ؞ کٛو ࢡِلْدَاࢡٜ بٜى مَاکٛ غٛ بٛو کَلِّنِمٛ؞
مَايْدٜ عِيسَى
(مَتَّ 27:45-56؛ لُکَ 23:44-49؛ يُحَنَّ 19:28-30)
33شَکَ نَانغٜ ࢩِࢡْرٜ سُدِّ لٜسْدِ ڢُو حَا يٛتِّ سَاعَ تَتِ عَسِرِ؞ 34سَاعَ تَتِ عِيسَى حٛولِ بٜى سَوْتُ: «عٜلٛحِ، عٜلٛحِ، لٜمَ سَبَکْتَنِ؟» بَنَ وِعْغٛ: «يَا اَللَّه عَمْ، يَا اَللَّه عَمْ، نغَمْ طُمٜ عَوُدِنِ يَمْ#جَبُورَ 69:22؞؟» 35وٛطْࢡٜ دَرِيࢡٜ تٛنْ نَنِ طُمْ، ࢡٜمبِعِ: «ندَا عٛطٛنْ عٜوْنٛ إِلْيَاسُ؞» 36غٛوتٛ مَࢡّٜ يَاوِ سُووِ سٛوسٛ ندٜرْ لَمُّطَمْ، تَارِ طُمْ دٛوْ لٛوسٛلْ، ندٜنْ عٛࢡَنغْتِ طُمْ نغَمْ يَرْنُغٛ عِيسَى، عٛوِعِ: «سٜيْ عٜنْ ندٜىٰنَ عٜ عٜنْ ندَارَ تٛ إِلْيَاسُ وَرَنْ جِݠِّنَ مٛ دِغَ لٜغَّلْ غَاڢَانغَلْ؞» 37عَمَّا عِيسَى حٛولِ بٜى سٜمْبٜ، عٛمَايِ؞
38وِيرْندَلّٛ ندٜرْ حَيْکَلِيرُ سٜىٰکِ شَکَ شَکْ دِغَ دٛوْ حَا لٜسْ#غُرْتَاکِ 26:31-33؞؞ 39ندٜ عَرْدِيطٛ دٛوْ سٛوجٜعٜنْ رٛمَ تٜىٰمٜرّٜ دَرِيطٛ لٜسْ لٜغَّلْ غَاڢَانغَلْ يِعِ نٛ عِيسَى مَايْرِ، عٛوِعِ: «ڢَکَتْ، غٛطّٛ عٛو عٛ ࢡِطّٛ اَللَّه؞»
40وٛودِ بٛو رٜوْࢡٜ تٛنْ، ࢡٜطٛنْ ندَارَ دِغَ دَايِيطُمْ؞ ندٜرْ مَࢡّٜ مَرِيَمَ مٛ وُرٛ مَغْدَلَ عٜ مَرِيَمَ دَادَ يَاکُبَ ݠَمَرٛ عٜ يٛسٜسْ عٜ سَلٛمٜ؞ 41ࢡٜتٛکِّنٛ عِيسَى، ࢡٜنجَغَّنِنٛ مٛ ندٜ عٛطٛنّٛ حَا غَلِيلِ؞ وٛودِ بٛو رٜوْࢡٜ ڢٜىٰرٜ طُوطْࢡٜ، ࢡٜنغَرْدُنٛ بٜى عِيسَى حَا عُرُسَلِيمَ#لُکَ 8:2-3؞؞
عُوٜىٰکِ عِيسَى
(مَتَّ 27:57-61؛ لُکَ 23:50-56؛ يُحَنَّ 19:38-42)
42ندٜ طُمْ ࢩَلَادٜ تَاسْکَرَ، بَنَ وِعْغٛ ࢩَلَادٜ ندٜ عَارْتَتَ ࢩَنْدٜ سِوْتٛرْدٜ، ندٜ حِيرِ، 43يُوسُڢُ مٛ وُرٛ عَرِمَتِيَ وَرِ؞ عٛ مَوْطٛ تٜدُّطٛ شَکَ دَوْرٛوࢡٜ؞ عٛطٛنْ رٜىٰنِ غَرْکِ لَامُ اَللَّه بٛو؞ کَنغْکٛ عٛتِطِّنِ ࢡٜرْندٜ مَاکٛ، عٛيٜحِ حَا ݠِلَاتُ، عٛتٛرِمٛ ࢡَنْدُ عِيسَى؞ 44ݠِلَاتُ حَيْطِنِ نَنُغٛ عِيسَى مَايِ لَوْ بَنَ نِي؞ عٛعٜوْنِ مَوْطٛ سٛوجٜعٜنْ غٛ، عٛࢨَمِمٛ: «نٜىٰࢡِ عٛمَايِ نَ؟» 45ࢡَاوٛ مَوْطٛ سٛوجٜعٜنْ رٛمَ عَنْدِنِمٛ حَبَرُ مَنْ، عٛدُنغَنِ يُوسُڢُ حٛوسُغٛ ࢡَنْدُ عِيسَى؞ 46يُوسُڢُ سٛودِ کَسَ طِغُّکَ، عٛجِݠِّنِ ࢡَنْدُ عِيسَى، عٛحَسْنِ ندُ، عٛوَلِّنِ ندُ ندٜرْ يٜنَاندٜ وَسَاندٜ ندٜرْ تَݠَارٜ؞ ندٜنْ عٛتَلِّ حَيْرٜ مَوْندٜ، عٛمَࢡِّ نَسْتِرْدٜ يٜنَاندٜ؞ 47مَرِيَمَ مٛ مَغْدَلَ عٜ مَرِيَمَ دَادَ يٛسٜسْ ندَارِ حَا ࢡٜمبَلِّنِ ࢡَنْدُ عِيسَى؞
Currently Selected:
مَرْکُسْ 15: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
