مَرْکُسْ 16

عُمِّتِنٜىٰکِ عِيسَى

(مَتَّ 28‏:1‏-8؛ لُکَ 24‏:1‏-12؛ يُحَنَّ 20‏:1‏-10)

1ندٜ ࢩَنْدٜ سِوْتٛرْدٜ سَالِ، مَرِيَمَ مٛ مَغْدَلَ عٜ مَرِيَمَ دَادَ يَاکُبَ عٜ سَلٛمٜ شٛودِ عُورْلٜ نغَمْ ࢡٜنجَحَ، ࢡٜندُڢَ دٛوْ ࢡَنْدُ عِيسَى؞ 2عَلَتْ، ࢩَنْدٜ غٛعٛورٜ ندٜرْ عَسَوٜىٰرٜ، ࢡٜندَوِ شُبْ يَحُغٛ يٜنَاندٜ، ࢡٜنجٛتِّ تٛنْ سَاعِ ݠُطْکِ نَانغٜ؞ 3ࢡٜمبِعْمبِعْتِرِ حَکُّندٜ مَࢡّٜ‏: «مٛيْ سٛتِّنَنْتَ عٜنْ حَيْرٜ حَا نَسْتِرْدٜ يٜنَاندٜ؟» 4عَمَّا ندٜ ࢡٜࢡَنغْتِ غِتٜ، ࢡٜنغِعِ حَيْرٜ مَوْندٜ غٛ سٛتِّنَامَ؞ 5ࢡٜنَسْتِ ندٜرْ يٜنَاندٜ؞ ࢡٜنغِعِ سُکَ طٛنْ جٛوطِ تٛنْ حَا وَکٜىٰرٜ ࢩَامْرٜ، عٛطٛنْ ࢡٛرْنِ تٛغّٛورٜ رَنٜىٰرٜ؞ ࢡٜکُلْتٛرِ؞ 6عَمَّا عٛوِعِ ࢡٜ‏: «تَا کُلْتٛرٜ‏! عٛنْ طٛنْ طَࢡِّتَ عِيسَى نَسَرَتُوجٛ مٛ ࢡٜࢡِلِنٛ حَا لٜغَّلْ غَاڢَانغَلْ؞ عٛوَلَاطٛنْ حَا طٛ، عٛعُمِّتَکٜ؞ ندَا حَا ࢡٜمبَلِّنّٛ مٛ؞ 7جٛنْتَ ندِلّٜ، مبِعٜ ݠُکَرَعٜنْ مَاکٛ عٜ ݠِيٜرْ کُبَرُوٛلْ نغٛعٛلْ‏: عٛعَارْتَنْ عٛنْ يَحُغٛ غَلِيلِ، تٛنْ نغِعٛتٛنْ مٛ بَنَ عٛوِعْنٛ عٛنْ#مَتَّ 26‏:32؛ مَرْکُسْ 14‏:28؞؞» 8رٜوْࢡٜ نغُرْتِ يٜنَاندٜ مَنْ، ࢡٜندٛغِّ، ࢡٜندِوْنِ ࢡٜکُلْتٛرِ مَسِنْ؞ ࢡٜمبِعَايْ حَالَ مَنْ کٛو مٛيْ، نغَمْ ࢡٜکُلْتٛرِ؞

عِيسَى وَنغَنِ مَرِيَمَ مٛ مَغْدَلَ

(مَتَّ 28‏:9‏-10؛ يُحَنَّ 20‏:11‏-18)

9ࢡَاوٛ عِيسَى عُمِّتِ دِغَ مَايْدٜ، ࢩَنْدٜ عَلَتْ ڢَجِرِ شُبْ، عٛعَارْتِ وَنغَنْغٛ مَرِيَمَ مٛ مَغْدَلَ مٛ عٛرِيوِ رُوحُوجِ شٛࢡْطِ جٛوٜىٰطِطِ حَا مَاکٛ؞ 10عٛيٜحِ، عٛعَنْدِنِ طُمْ حَوْتِطِرَاࢡٜ عِيسَى؞ کَمْࢡٜ ࢡٜطٛنّٛ مبٛيَ، ࢡٜرْطٜ مَࢡّٜ تَعِنٛ؞ 11ࢡٜنَنِ مَرِيَمَ طٛنْ وِعَ‏: «عِيسَى عٛ غٜىٰتٛ، مِيِعِمٛ‏!» عَمَّا ࢡٜنُطِّنَايْ کٛ عٛوِعِ؞

عِيسَى وَنغَنِ ݠُکَرَعٜنْ طِطٛ

(لُکَ 24‏:13‏-35)

12ࢡَاوٛ مَاجُمْ عِيسَى وَنغَنِ طِطٛ مَࢡّٜ بٜى جَاتِ ڢٜىٰرٜ، ندٜ ࢡٜطٛنْ نجَحَ کَوْيٜ؞ 13ࢡٜلٛرِ، ࢡٜنغٜشِّ طُمْ لُتُّࢡٜ، عَمَّا کَمْࢡٜ بٛو ࢡٜنُطِّنَايْ طُمْ؞

عِيسَى وَنغَنِ ݠُکَرَعٜنْ سَݠّٛ عٜ غٛعٛ

(مَتَّ 28‏:16‏-20؛ لُکَ 24‏:36‏-49؛ يُحَنَّ 20‏:19‏-23؛ کُوطٜ نٜلَاࢡٜ 1‏:6‏-8)

‏[‏ 14ࢡَاوٛطٛنْ عِيسَى وَنغَنِ ݠُکَرَعٜنْ سَݠّٛ عٜ غٛعٛ سَاعِ ࢡٜطٛنْ ࢩَامَ؞ عٛڢٜلِ ࢡٜ نغَمْ سٛويْندٜ نُطِّنْکِ مَࢡّٜ؞ عٛڢٜلِ ࢡٜ بٛو نغَمْ شَاتَلْ ࢡٜرْطٜ مَࢡّٜ، نغَمْ ࢡٜنُطِّنَايْ بٛلّٜ يِعْࢡٜ مٛ ࢡَاوٛ عٛعُمِّتِ؞ 15ندٜنْ عٛوِعِ ࢡٜ‏: «نجٜحٜ کٛو تٛيْ ندٜرْ دُنِيَارُ، نغَازِنٜ کٛو مٛيْ لِنْجِيلَ#کُوطٜ نٜلَاࢡٜ 1‏:8؞؞ 16کٛو مٛيْ نُطِّنِ، جَࢡِ بَݠْتِسْمَ، حِسَنْ؞ مٛ نُطِّنَايْ، اَللَّه حِيتٛتٛ مٛ؞ 17نُطِّنْࢡٜ مبَنغِنَنْ عَلَامَاجِ طِعِ‏: ࢡٜندِيوَنْ غِنَّاجِ بٜى عِنْدٜ عَمْ، ࢡٜمبٛلْوَنْ بٜى طٜمْطٜ کٜسٜ؞ 18تٛ ࢡٜنَنغِ بٛطّٜ بٜى جُوطٜ مَلَّ تٛ ࢡٜنجَرِ نجَرَمْ مبَرٛوجَمْ، طُمْ نَاوْنَتَا ࢡٜ سَمْ؞ ࢡٜنجٛوَنْ جُوطٜ مَࢡّٜ دٛوْ ࢩَوْࢡٜ، ࢡٜنجَمْطِتَنْ؞»]‏

عِيسَى عٜىٰنغْتِ

(لُکَ 24‏:50‏-53؛ کُوطٜ نٜلَاࢡٜ 1‏:9‏-11)

19ࢡَاوٛ ندٜ جَوْمِرَاوٛ تِمِّنِ وٛلْوَنْغٛ ݠُکَرَعٜنْ مُوطُمْ، عٛعٜىٰنغْتِ حَا عَسَمَ، عٛجٛوطِ حَا ࢩَامٛ اَللَّه#کُوطٜ نٜلَاࢡٜ 1‏:9‏-11؞؞ 20ݠُکَرَعٜنْ کَمْ ندِلِّ، نغَازِنِ لِنْجِيلَ کٛو تٛيْ ڢُو؞ جَوْمِرَاوٛ بٛو حُووْدِ بٜى مَࢡّٜ، غٛونغْطِنِ وَازُ مَࢡّٜ بٜى عَلَامَاجِ غٛ؞

Currently Selected:

مَرْکُسْ 16: داَ

Highlight

Copy