مَرْکُسْ 10
10
عٜکِّتِنٛلْ عِيسَى دٛوْ شٜىٰرْغَلْ
(مَتَّ 19:1-12؛ لُکَ 16:18)
1عِيسَى عُمِّ نٛکُّورٜ مَنْ، دِلِّ لٜسْدِ يَحُدِيَ، ندٜنْ عٛعٜىٰرِ مَايٛ عُرْدُنْ؞ ڢَحِنْ يِمْࢡٜ مٛوࢡْتِ حَا مَاکٛ؞ عٛعٜکِّتِنِ ࢡٜ بَنَ کٛ وٛووَ؞
2ڢَرِسَعٜنْ وٛطْࢡٜ نغَرِ حَا مَاکٛ نغَمْ جَرِّبَاغٛ مٛ؞ ࢡٜࢨَمِمٛ: «تَوْرٜىٰتَ دُنغَنَکٜ غٛرْکٛ سٜىٰرَ دٜبّٛ مُمْ نَ؟» 3عِيسَى جَابٛرِ ࢡٜ بٜى ࢨَمٛلْ نغٛلْ: «طُمٜ مُوسَى عُمْرِ عٛنْ؟» 4ࢡٜنجَابِ: «مُوسَى دُنغَنِ غٛرْکٛ وِنْدَ طٜرٜىٰوٛلْ شٜىٰرْغَلْ، ندٜنْ عٛسٜىٰرَ دٜبّٛ مَاکٛ#تٛوکْتَاکِ تَوْرٜىٰتَ 24:1-4؛ مَتَّ 5:31؞؞» 5عِيسَى وِعِ ࢡٜ: «نغَمْ شَاتَلْ کٛعٜ مٛوطٛنْ مُوسَى وِنْدَنِ عٛنْ عُمْرٛورٜ ندٜعٜ؞ 6عَمَّا حَا ڢُطَّمْ، اَللَّه تَغِ غٛرْکٛ عٜ دٜبّٛ#لَاتَانٛوجِ 1:27؛ 5:2؞؞ 7نغَمْ مَاجُمْ غٛرْکٛ عَشَّنْ بَابَ مُوطُمْ عٜ دَادَ مُوطُمْ، طَکّٛتِرَنْ بٜى دٜبّٛ مُوطُمْ؞ 8ࢡٜ طِطٛ ڢُو ࢡٜلَاتٛتٛ ࢡَنْدُ وٛورُ؞ بَنَ نٛنْ ࢡٜلَاتَتَاکٛ يِمْࢡٜ طِطٛ ࢡَاوٛطٛنْ، عَمَّا ࢡَنْدُ وٛورُ#لَاتَانٛوجِ 2:24؞؞ 9نغَمْ مَاجُمْ تَا نٜطّٛ ڢِيسْتَ کٛ اَللَّه حَࢡِّ؞»
10ندٜ ࢡٜنَسْتِ سَارٜ، ݠُکَرَعٜنْ مَاکٛ ࢨَمْتِمٛ حَالَ مَنْ؞ 11عِيسَى ڢَامْتِنِ ࢡٜ، وِعِ: «کٛو مٛيْ سٜىٰرِ دٜبّٛ مُوطُمْ، تٜعِ دٜبّٛ ڢٜىٰرٜ، عٛوَطِ نجٜىٰنُ دٛوْ دٜبّٛ عَرَنٛ؞ 12نٛنْ بٛو تٛ دٜبّٛ عَشِّ غٛرْکٛ مُوطُمْ، تٜعْرِ بٜى غٛرْکٛ ڢٜىٰرٜ، عٛوَطِ نجٜىٰنُ#مَتَّ 5:32؛ 1 کٛرِنْتُعٜنْ 7:10-11؞؞»
عِيسَى بَرْکِطِنِ ࢡِکّٛيْ ݠَمَرٛيْ
(مَتَّ 19:13-15؛ لُکَ 18:15-17)
13يِمْࢡٜ نغَدِّ ࢡِکّٛيْ ݠَمَرٛيْ حَا عِيسَى نغَمْ عٛمٜىٰمَ کٛيْ؞ عَمَّا ݠُکَرَعٜنْ شَاتَنِ يِمْࢡٜ ࢡٜ؞ 14ندٜ عِيسَى يِعِ طُمْ، عٛࢡٜرْنِ، عٛوِعِ ݠُکَرَعٜنْ مَاکٛ: «عَشّٜ ࢡِکّٛيْ ݠَمَرٛيْ نغَرَ حَا عَمْ؞ تَا کَطٜ کٛيْ، نغَمْ لَامُ اَللَّه وٛودَنِ عِرِنْ مَاکٛيْ؞ 15مِطٛنْ وِعَ عٛنْ، مٛ جَࢡَايْ لَامُ اَللَّه بَنَ ࢡِنغٜلْ ݠَمَرٜلْ، ڢَکَتْ عٛنَسْتَتَا نغُ سَمْ#مَتَّ 18:3؞؞» 16ندٜنْ عٛحُوڢِ ࢡِکّٛيْ غٛ، عٛوَلِّنِ جُوطٜ مَاکٛ دٛوْ مَاکٛيْ، عٛبَرْکِطِنِ کٛيْ؞
رِسْکُ عٜ لَامُ اَللَّه
(مَتَّ 19:16-30؛ لُکَ 18:18-30)
17ندٜ عِيسَى طٛنْ يَحَ دٛوْ لَاوٛلْ، غٛطّٛ دٛغّٛيْ وَرِ، تُغِّ کٛݠِّ يٜىٰسٛ مَاکٛ، ࢨَمِمٛ: «مٛودِبّٛ بٛوطّٛ، طُمٜ مِوَطَتَ حَا مِحٜࢡَ نغٜىٰندَمْ ندُومِيطَمْ؟» 18عِيسَى وِعِمٛ: «نغَمْ طُمٜ عَوِعَتَ يَمْ مِ بٛوطّٛ؟ سٜيْ اَللَّه غٛوتٛ تَنْ وٛنِ بٛوطّٛ؞ 19عَعَنْدِ عُمْرٛوجٜ: تَا مبَرْ-حٛورٜ، تَا وَطْ نجٜىٰنُ، تَا وُجُّ، تَا سٜىٰدَ ڢٜوْرٜ، تَا وَطْ رِکِشِ، تٜدِّنْ بَابَ مَ عٜ دَادَ مَ#غُرْتَاکِ 20:12-16؛ تٛوکْتَاکِ تَوْرٜىٰتَ 5:16-20؞؞» 20غٛطّٛ عٛو وِعِ: «مٛودِبّٛ، مِطٛوْتَنِ عُمْرٛوجٜ طٜعٜ ڢُو دِغَ مِ دٜرْکٜىٰجٛ تَوٛنْ؞» 21عِيسَى سُتِمٛ بٜى يِيدٜ، وِعِمٛ: «لُتَّنِ مَ حُوندٜ وٛورٜ: يَحْ سٛورُّ کٛ عَمَرِ ڢُو، حٛکُّ تَلَکَعٜنْ شٜىٰدٜ مَنْ، ندٜنْ عَحٜࢡٛيَنْ ندٜسَارِ حَا عَسَمَ، ࢡَاوٛطٛنْ، وَرْ تٛکَّمْ؞» 22عَمَّا ندٜ غٛطّٛ عٛو نَنِ بٛلّٜ طٜعٜ، يٜىٰسٛ مَاکٛ ࢩِࢡِّ، ࢡٜرْندٜ مَاکٛ مٜتِّ، عٛدِلِّ، نغَمْ عٛ دِسْکُطٛ مَسِنْ؞
23عِيسَى لَارِ ݠُکَرَعٜنْ مُوطُمْ، عٛوِعِ ࢡٜ: «طُمْ سَطَنِ رِسْکُࢡٜ نَسْتُغٛ لَامُ اَللَّه؞» 24بٛلّٜ طٜعٜ کَيْطِنِ ݠُکَرَعٜنْ مَسِنْ؞ عَمَّا عِيسَى وِعِ ࢡٜ ڢَحِنْ: «ࢡِکّٛيْ عَمْ، نَسْتُغٛ لَامُ اَللَّه سَطِ مَسِنْ! 25نغٜىٰلٛوبَ سَالٛ ندٜرْ وُرْدٜرٜ بَاتَلْ ࢡُرِ حٛيُغٛ دٛوْ دِسْکُطٛ نَسْتَ لَامُ اَللَّه؞» 26ݠُکَرَعٜنْ ࢡٜسْدِ حَيْطِنْغٛ مَسِنْ، ࢡٜࢨَمْࢨَمْتِرِ، ࢡٜمبِعِ: «تٛ نٛنْ کَمْ، مٛيْ وَاوَتَ حِسُغٛ؟» 27عِيسَى سُتِ ࢡٜ، وِعِ: «حَا يِمْࢡٜ، طُمْ وَطَتَاکٛ، عَمَّا حَا اَللَّه طُمْ وَطٛتٛ، نغَمْ حَا اَللَّه، کٛو طُمٜ ڢُو وَطٛتٛ؞»
28ندٜنْ ݠِيٜرْ وِعِمٛ: «ندَا مِنِنْ مِنْ عَشِّ کُوجٜ ڢُو، مِنْ تٛکِّ مَ؞» 29عِيسَى وِعِمٛ: «غٛونغَ؞ مِنْ بٛو مِطٛنْ وِعَ عٛنْ: کٛو مٛيْ عَشِّ سَارٜ مَلَّ دٜىٰرْطِرَاࢡٜ مَلَّ دَادَ مَلَّ بَابَ مَلَّ ࢡِکّٛيْ مَلَّ غٜسٜ مُوطُمْ نغَمْ دَلِيلَ عَمْ عٜ نغَمْ لِنْجِيلَ، 30عٛحٜࢡْتَنْ طُمْ شٛوِ تٜىٰمٜرّٜ ندٜرْ نغٜىٰندَمْ مَاکٛ جٛنْتَ: شَلَاجٜ عٜ دٜىٰرْطِرَاࢡٜ وٛرْࢡٜ عٜ رٜوْࢡٜ عٜ دَادِرَاࢡٜ عٜ ࢡِکّٛيْ عٜ غٜسٜ عٜ بٜى تٛوࢩَانغٜىٰجِ بٛو؞ ندٜرْ زَمَنُورُ وَرَنْدُ بٛو عٛحٜࢡَنْ نغٜىٰندَمْ ندُومِيطَمْ؞ 31طُوطْࢡٜ عَارْتُࢡٜ لَاتٛتٛ سَکِّتِيࢡٜ، طُوطْࢡٜ سَکِّتِيࢡٜ بٛو لَاتٛتٛ عَارْتُࢡٜ#مَتَّ 20:16؛ لُکَ 13:30؞؞»
عِيسَى عَنْدِنِ حَالَ مَايْدٜ عٜ عُمِّتِنٜىٰکِ مُوطُمْ تَتَࢡْرٜ
(مَتَّ 20:17-19؛ لُکَ 18:31-34)
32ࢡٜطٛنْ دٛوْ لَاوٛلْ يَحُغٛ عُرُسَلِيمَ؞ عِيسَى طٛنْ عَرْدِ ݠُکَرَعٜنْ مُوطُمْ، ࢡٜکَيْطِنِ، يِمْࢡٜ تٛکِّيࢡٜ ࢡَاوٛ مَࢡّٜ طٛنْ کُلَ بٛو؞ ڢَحِنْ عِيسَى عٜوْنِ ݠُکَرَعٜنْ مُوطُمْ سَݠّٛ عٜ طِطٛ ڢٜىٰرٜ مَࢡّٜ، عٛعَنْدِنِ ࢡٜ کٛ تَمِّ وَطُغٛ مٛ؞ 33عٛوِعِ ࢡٜ: «نَنٜ، عٜنْ طٛنْ نجَحَ عُرُسَلِيمَ، تٛنْ ࢡٜندٛکَّنْ ࢡِي-نٜطّٛ حَا جُوطٜ مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ؞ ࢡٜکِيتٛتٛ مٛ کِيتَ مَايْدٜ، ندٜنْ ࢡٜندٛکَّ مٛ حَا جُوطٜ حٜىٰڢٜىٰرْࢡٜ؞ 34کَمْࢡٜ بٛو ࢡٜنجَنْشَنْ مٛ، ࢡٜتُوتَنْ مٛ تُوطٜ، ࢡٜࢡٛشَّنْ مٛ، ࢡٜمبَرَنْ مٛ؞ عَمَّا ࢡَاوٛ ࢩَلْطٜ تَتِ عٛعُمِّتِتّٛ دِغَ مَايْدٜ؞»
تٛرْندٜ يَاکُبَ عٜ يُحَنَّ
(مَتَّ 20:20-28)
35ندٜنْ يَاکُبَ عٜ يُحَنَّ ࢡِࢡّٜ زٜبٜدٜ ࢡَدِتِ عِيسَى، ࢡٜمبِعِمٛ: «مٛودِبّٛ، مِنْ نغِطِ عَوَطَنَ مِنْ کٛ مِنْ ࢨَمَتَ مَ؞» 36عِيسَى ࢨَمِ ࢡٜ: «طُمٜ عٛنْ نغِطِ مِوَطَنَ عٛنْ؟» 37ࢡٜنجَابِمٛ: «تٛ عَجٛوطَکٜ دٛوْ لٜىٰسٛ لَامُ مَ ندٜرْ تٜدُّنغَلْ مَ، ندٜنْ کَمْ مِنْ نغِطِ عَجٛعِّنَ مِنْ غٛوتٛ حَا ࢩَامٛ مَ عٜ غٛوتٛ حَا نَنٛ مَ؞» 38عَمَّا عِيسَى وِعِ ࢡٜ: «عٛنْ عَنْدَا کٛ تٛرٛتٛوطٛنْ؞ عٛنْ مبَاوَنْ يَرُغٛ جَرْدُغٜلْ بٛنٜ نغٜلْ مِيَرَتَ نَ مَلَّ جَࢡُغٛ بَݠْتِسْمَ بٛنٜ طٜ مِجَࢡَتَ نَ#لُکَ 12:50؞؟» 39ࢡٜنجَابِمٛ: «مِنْ مبَاوَنْ؞» عِيسَى وِعِ ࢡٜ: «غٛونغَ، عٛنْ نجَرَنْ جَرْدُغٜلْ بٛنٜ بَنَ عَمْ، عٛنْ نجَࢡَنْ بٛو بَݠْتِسْمَ کَ مِجَࢡَتَ؞ 40عَمَّا کٛ لَارَنِ جٛوطَاغٛ حَا ࢩَامٛ مَلَّ حَا نَنٛ عَمْ، نَا مِنْ حٛکَّتَ طُمْ، طُمْ طٛنْ نغَمْ يِمْࢡٜ ࢡٜ اَللَّه تَاسْکَنِ؞»
41ندٜ ݠُکَرَعٜنْ سَݠّٛ لُتُّࢡٜ نَنِ حَالَ مَنْ، ࢡٜࢡٜرْنَنِ يَاکُبَ عٜ يُحَنَّ؞ 42ندٜنْ عِيسَى عٜوْنِ ࢡٜ ڢُو، وِعِ ࢡٜ: «عٛنْ عَنْدِ، يِمْࢡٜ ࢡٜ عٛنْ ندَارَتَ بَنَ عَرْدِيࢡٜ عُمَّاتٛوجٜ، ࢡٜطٛنْ ندٛولَ يِمْࢡٜ مَࢡّٜ، مَوْࢡٜ بٛو طٛنْ کٛلَّ ࢡٜ بَاوْطٜ؞ 43عَمَّا تَا طُمْ وٛنَ نٛنْ شَکَ مٛوطٛنْ؞ تٛ غٛوتٛ مٛوطٛنْ يِطِ لَاتَاغٛ مَوْطٛ، سٜيْ عٛلَاتٛ جَغِّيطٛ مٛوطٛنْ#لُکَ 22:25-26؞؞ 44مٛ يِطِ عَرْدَاغٛ شَکَ مٛوطٛنْ، سٜيْ عٛوٛنَ مَشُّطٛ يِمْࢡٜ ڢُو#مَتَّ 23:11؛ مَرْکُسْ 9:35؛ لُکَ 22:26؞؞ 45نغَمْ ࢡِي-نٜطّٛ بٛو وَرَايْ نغَمْ يِمْࢡٜ کُووَنَ مٛ، عَمَّا نغَمْ عٛحُووَنَ يِمْࢡٜ، عٛحٛکَّ يٛنغْکِ مَاکٛ نغَمْ سٛوتُّغٛ طُوطْࢡٜ؞»
عِيسَى وُمْتِنِ بَرْتِمٜ بُمْطٛ
(مَتَّ 20:29-34؛ لُکَ 18:35-43)
46ࢡٜنجٛتِّ يٜرِکٛ؞ ندٜ عِيسَى وُرْتِ وُرٛ مَاجُمْ بٜى ݠُکَرَعٜنْ مُوطُمْ عٜ مٛوࢡْرٜ طُوطْندٜ، بُمْطٛ بِعٜتٜىٰطٛ بَرْتِمٜ ࢡِي تِمٜ طٛنّٛ جٛوطِ سٜرَ لَاوٛلْ، عٛطٛنّٛ رٛوکٛ؞ 47ندٜ عٛنَنِ عِيسَى نَسَرَتُوجٛ طٛنْ سَالٛ، عٛڢُطِّ حٛولُغٛ: «عِيسَى ࢡِي دَاوُدَ، عٜنْطَمْ!» 48طُوطْࢡٜ تٜلْࢡَنِمٛ، مبِعِمٛ عٛجٜىٰطٛ، عَمَّا عٛࢡُرْتِ حٛولُغٛ: «ࢡِي دَاوُدَ، عٜنْطَمْ!» 49عِيسَى دَرِ، وِعِ: «عٜوْنٜ مٛ؞» ࢡٜعٜوْنِ بُمْطٛ غٛ، ࢡٜمبِعِمٛ: «تِطِّنْ ࢡٜرْندٜ مَ، عُمَّ، عٛطٛنْ عٜوْنٜ؞» 50ندٜنْ عٛوُدِنِ عَلْکِبَّارٜ مَاکٛ، عٛعُمِّ، عٛوَرِ حَا عِيسَى؞ 51عِيسَى ࢨَمِمٛ: «طُمٜ نغِطَّ مِوَطَنٜ؟» بُمْطٛ جَابِ: «مٛودِبّٛ، وُمْتِنَمْ حَا مِيِعَ ڢَحِنْ؞» 52عِيسَى وِعِمٛ: «يَحْ، نُطِّنْکِ مَ حِسْنِ مَ؞» لَوْ عٛوُمْتِ عٛطٛنْ يِعَ، ندٜنْ عٛتٛکِّ عِيسَى؞
Currently Selected:
مَرْکُسْ 10: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
