لُکَ 3
3
وَازُ يُحَنَّ بَطٛووٛ بَݠْتِسْمَ
(مَتَّ 3:1-12؛ مَرْکُسْ 1:1-8؛ يُحَنَّ 1:19-28)
1ندٜرْ حِتَاندٜ سَݠّٛ عٜ جٛوَࢡْرٜ حَا لَامُ تِبٜرِيُسْ کَيْسَرَ، لَامِيطٛ رٛمَ، ݠٛنْتِيُسْ ݠِلَاتُ وٛنّٛ نغٛمْنَ دٛوْ لٜسْدِ يَحُدِيَ، حِرُدُسْ لَامَنِ لٜسْدِ غَلِيلِ، دٜىٰرْطُمْ ڢِلِݠْ بٛو لَامَنِ لٜسْدِ عِتُرٜيَ عٜ لٜسْدِ تَرَکٛنِتِسْ، لِسَنِيَ بٛو لَامَنِ لٜسْدِ عَبِلٜنْ، 2عَنَّسْ عٜ کَيَڢَسْ نغٛنّٛ مَوْࢡٜ لِمَنْعٜنْ؞ سَاعِ مَنْ اَللَّه وٛلْوَنِ يُحَنَّ ࢡِي زَکَرِيَا ندٜرْ لَدّٜ؞ 3عٛوَانْشِ لٜسْدِ کٛمْبِ مَايٛ عُرْدُنْ ڢُو، عٛوَازِنِ يِمْࢡٜ ࢡٜتُوبَ، ࢡٜنجَࢡَ بَݠْتِسْمَ نغَمْ يَاڢُيٜ حَکّٜىٰجِ مَࢡّٜ؞ 4طُمْ لَاتِ بَنَ اَلنَّبِي عٜسَايَ وِنْدُنٛ ندٜرْ دٜڢْتٜرٜ مُوطُمْ:
«غٛطّٛ طٛنْ حٛولَ ندٜرْ لَدّٜ:
مٛعِّنَنٜ جَوْمِرَاوٛ لَاوٛلْ،
مبَطَنٜ مٛ بُووِ دَرْنُطِ؞
5وَادِوٛلْ ڢُو ڢٛتِّتَنْ،
حٛوسٜىٰرٜ عٜ تٛوْندِيرٜ ڢُو لٜىٰسْتِنْتٜ،
لَاوٛلْ لٜلِينغٛلْ ڢُو دَرْتٛتٛ،
لَابِ کَلُّطِ ڢُو مبٛوتَنْ؞
6يِمْࢡٜ ڢُو نغِعَنْ کِسْندَمْ اَللَّه#عٜسَايَ 40:3-5؞؞»
7يِمْࢡٜ طُوطْࢡٜ نغَرِ حَا يُحَنَّ نغَمْ عٛوَطَنَ ࢡٜ بَݠْتِسْمَ؞ عٛوِعِ ࢡٜ: «ࢡِࢡّٜ ݠٛوسٛکْجٜ، مٛيْ وِعِ عٛنْ عٛنْ کِسَنْ تِکّٜرٜ اَللَّه وَرَنْدٜ#مَتَّ 12:34؛ 23:33؞؟ 8کُووٜ کُوطٜ طٜ مبَنغِنْتَ عٛنْ تُوبِ! تَا نُمٜ ندٜرْ ࢡٜرْطٜ مٛوطٛنْ، عٛنْ مبِعَ: إِبْرَاهِيمَ وٛنِ کَاکَ عَمِنْ؞ نغَمْ مِطٛنْ وِعَ عٛنْ، اَللَّه وٛودِ بَاوْطٜ وَطَنْغٛ إِبْرَاهِيمَ ࢡِࢡّٜ بٜى کَاعٜ طٜعٜ؞ #يُحَنَّ 8:33؞ 9جٛنْتَ مَ ڢٜعِّرْدٜ طٛنْ تَاسْکِ نغَمْ ڢٜعُّغٛ لٜکِّ دِغَ طَطِ مُمْ: لٜکِّ کِ رِمَتَا ࢡِࢡّٜ بٛوطّٜ ڢُو، کِ ڢٜعّٜ، کِ وُدِنٜ ندٜرْ يِيتٜ#مَتَّ 19؞ !»
10يِمْࢡٜ ࢨَمِمٛ: «طُمٜ حَانِ مِنْ مبَطَ کَدِ؟» 11عٛجَابِ ࢡٜ: «مٛ مَرِ تٛغّٛوجٜ طِطِ، سٜيْ عٛسٜنْدَ طٜ بٜى مٛ وَلَا سَمْ؞ مَرْطٛ ࢩَامْدُ بٛو، سٜيْ وَطَ بَنَ نٛنْ؞» 12جٛمْنٛوࢡٜ بٛو نغَرِ حَا يُحَنَّ نغَمْ ࢡٜنجَࢡَ بَݠْتِسْمَ، ࢡٜࢨَمِمٛ: «مٛودِبّٛ، طُمٜ حَانِ مِنْ مبَطَ#لُکَ 7:29؞؟» 13عٛجَابِ ࢡٜ: «تَا عٛنْ نجٛمْنَ يِمْࢡٜ ࢡُرَ کٛ ࢡٜعُمْرِ عٛنْ جَࢡُغٛ حَا مَࢡّٜ؞» 14سٛوجٜعٜنْ بٛو نغَرِ، ࢨَمِمٛ بَنَ نٛنْ، ࢡٜمبِعِ: «مِنِنْ بٛو، کٛ حَانِ مِنْ مبَطَ؟» عٛجَابِ ࢡٜ: «تَا عٛنْ نجَࢡْتَ جَوْدِ کٛو مٛيْ مَلَّ عٛنْ کٛوشَ ندِ دٛوْ سٜىٰدَمْکُ ڢٜوْرٜ؞ عَمَّا شٜيٛرٜ نغٜىٰنَارِ مٛوطٛنْ تَنْ؞»
15يِمْࢡٜ طٛنّٛ ندٜىٰنَ بٜى تَمُّندٜ، کٛو مٛيْ طٛنّٛ نُمَ: «تٜىٰمَ يُحَنَّ عٛو وٛنِ اَلْمَسِيحُ؞» 16يُحَنَّ وِعِ ࢡٜ ڢُو مَࢡّٜ: «مِنْ مِطٛنْ وَطَنَ عٛنْ بَݠْتِسْمَ بٜى ندِيَمْ، عَمَّا غٛطّٛ ࢡُرْطٛ يَمْ بَاوْطٜ تَمِّ وَرْغٛ؞ کٛو ڢِيسْتُغٛ ࢡٛغِّ ݠَطٜ مَاکٛ مَا، مِ حٜعَايْ؞ عٛوَطَنَنْ عٛنْ بَݠْتِسْمَ بٜى رُوحُ شٜنِيطٛ عٜ بٜى يِيتٜ؞ 17عٛوٛودِ جَارْتِرْطُمْ حَا جُنغٛ مَاکٛ، نغَمْ سٜنْدِرْغٛ عَلْکَمَارِ بٜى ࢩَاندٜ؞ عٛمٛوࢡْتَنْ عَلْکَمَارِ حَا بٜىٰمبَلْ مَاکٛ، عَمَّا عٛوُلَنْ ࢩَاندٜ بٜى يِيتٜ نغٜ ࢩِڢَتَا سَمْ؞»
18بٜى وَسُيٜىٰجِ طُوطِّ، يُحَنَّ حٜࢡِ وَازِنغٛ عُمَّاتٛورٜ کُبَرُوٛلْ بٜلْنغٛلْ؞ 19يُحَنَّ ڢٜلِ حِرُدُسْ نغَمْ عٛتٜعِ حِرُدِيَ، دٜبّٛ دٜىٰرْطِيکٛ عٜ نغَمْ کُوطٜ کَلُّطٜ ڢٜىٰرٜ ڢٜىٰرٜىٰجٜ طٜ عٛحُووِ؞ 20ندٜنْ حِرُدُسْ وَطِ کٛ ࢡُرِ حَلُّغٛ ڢَحِنْ: عٛنَسْتِنِ يُحَنَّ ڢُرْسِنَ#مَتَّ 14:3-4؛ مَرْکُسْ 6:17-18؞#3:20 ڢُرْسِنَ مَلَّ يَنغَدَ؞؞
عِيسَى جَࢡِ بَݠْتِسْمَ
(مَتَّ 3:13-17؛ مَرْکُسْ 1:9-11)
21ࢡَاوٛ يِمْࢡٜ ڢُو نجَࢡِ بَݠْتِسْمَ، عِيسَى بٛو جَࢡِ کَ؞ ندٜ عٛطٛنْ وَطَ دٛعَ، عَسَمَ مَࢡِّتِ، 22رُوحُ اَللَّه جِݠِّ دٛوْ مَاکٛ بَنَ ݠٛولَ؞ سَوْتُ بٛو عِوِ حَا عَسَمَ، وِعِ: «عَنْ وٛنِ ࢡِطّٛ عَمْ غِطَاطٛ، مِطٛنْ سٜيٛرٛ مَ مَسِنْ#لَاتَانٛوجِ 22:2؛ جَبُورَ 2:7؛ عٜسَايَ 42:1؛ مَتَّ 3:17؛ مَرْکُسْ 1:11؛ لُکَ 9:35؞؞»
لٜنْشِتٛرْدٜ عِيسَى
(مَتَّ 1:1-17)
23عِيسَى وَطِ بَاکِنْ دُوࢡِ شَݠَّنْطٜ تَتِ ندٜ عٛڢُطِّ کُوغَلْ مَاکٛ؞ ڢٛدّٜ کٛ يِمْࢡٜ نُمِ، کَنغْکٛ عٛ ࢡِي يُوسُڢُ، يُوسُڢُ بٛو عٛ ࢡِي حٜلِ؞ 24حٜلِ ࢡِي مَتَّتْ، مَتَّتْ ࢡِي لٜوِ، لٜوِ ࢡِي مٜلْکِ، مٜلْکِ ࢡِي يَنَّيْ، يَنَّيْ ࢡِي يُوسُڢُ، 25ࢡِي مَتَّتِيَ، ࢡِي عَمٛسْ، ࢡِي نَحُمْ، ࢡِي حٜسْلِ، ࢡِي نَغَّيْ، 26ࢡِي مَاتَ، ࢡِي مَتَّتِيَ، ࢡِي سٜمٜعِنْ، ࢡِي يٛسٜکْ، ࢡِي يٛدَ، 27ࢡِي يٛوَنَنْ، ࢡِي رٜسَ، ࢡِي زٛرٛبَابِلَ، ࢡِي سَلَتِيٜلْ، ࢡِي نٜرِ، 28ࢡِي مٜلْکِ، ࢡِي عَدِّ، ࢡِي کٛوسَمْ، ࢡِي عٜلْمَدَمْ، ࢡِي عٜرِ، 29ࢡِي يٛسُوَ، ࢡِي عٜلِعٜزٜرْ، ࢡِي يٛرِمْ، ࢡِي مَتَّتْ، ࢡِي لٜوِ، 30ࢡِي سِمٜيٛنْ، ࢡِي يَحُودَ، ࢡِي يُوسُڢُ، ࢡِي يٛنَمْ، ࢡِي عٜلِيَکِمْ، 31ࢡِي مٜلٜيَ، ࢡِي مٜنَّ، ࢡِي مَتَّتَ، ࢡِي نَتَنْ، ࢡِي دَاوُدَ، 32ࢡِي يٜسَّ، ࢡِي عٛبٜتْ، ࢡِي بٛعٜسْ، ࢡِي سَلْمُونَ، ࢡِي نَحَسُنُ، 33ࢡِي عَمِّنَدَبُ، ࢡِي عَدْمِنْ، ࢡِي عَرْنِ، ࢡِي حٜسْرُونُ، ࢡِي ݠٜرٜسْ، ࢡِي يَحُودَ، 34ࢡِي يَعْقُوبُ، ࢡِي إِسْحَاقَ، ࢡِي إِبْرَاهِيمَ، ࢡِي تَرَ، ࢡِي نَحٛرْ، 35ࢡِي سَرُکُ، ࢡِي رٜعُ، ࢡِي ڢَلٜکْ، ࢡِي عٜبٜرْ، ࢡِي سَلَ، 36ࢡِي کَيْنَمْ، ࢡِي عَرْڢَسَدَ، ࢡِي سٜمْ، ࢡِي نُوحُ، ࢡِي لَمٜکْ، 37ࢡِي مَتُسَلَ، ࢡِي عَنُحُ، ࢡِي يَرٜتْ، ࢡِي مَلٜلِيٜلْ، ࢡِي کَيْنَمْ، 38ࢡِي عٜنٛسْ، ࢡِي سٜتُ، ࢡِي ءَادَمُ، ࢡِي اَللَّه؞
Currently Selected:
لُکَ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
