لُکَ 4

جَرِّبٜىٰکِ عِيسَى

(مَتَّ 4‏:1‏-11؛ مَرْکُسْ 1‏:12‏-13)

1عِيسَى لٛرٛيِ دِغَ عُرْدُنْ، عٛ کٜىٰوْطٛ رُوحُ شٜنِيطٛ عٜ رُوحُ مَنْ يَحْرِمٛ لَدّٜ؞ 2عِبْلِسَ جَرِّبِمٛ تٛنْ ࢩَلْطٜ شَݠَّنْطٜ نَيِ؞ عٛࢩَامَايْ سَمْ ࢩَلْطٜ مَنْ عٜ ندٜ ࢩَلْطٜ طٜعٜ شَالِ، عٛمَاتِ دٛلٛ؞ 3عِبْلِسَ وِعِمٛ‏: «تٛ عَ ࢡِطّٛ اَللَّه کَمْ، عُمْرُ حَيْرٜ ندٜعٜ، ندٜ لَاتٛ ࢩَامْدُ؞» 4عِيسَى جَابِمٛ‏: «دٜڢْتٜرٜ وِعِ‏: نٜطّٛ يٜىٰطِرْتَا ࢩَامْدُ تَنْ#تٛوکْتَاکِ تَوْرٜىٰتَ 8‏:3؞؞»

5عِبْلِسَ يَحْرِمٛ حَا دٛوْ، ندٜرْ مَعَّنْدٜ نٛنْ عٛسَݠِّنِمٛ لَامُوجِ دُنِيَارُ ڢُو، 6عٛوِعِمٛ‏: «مِحٛکّٜتٜ بَاوْطٜ عٜ رِسْکُ لَامُوجِ طِعِ ڢُو، نغَمْ طُمْ حٛکَّامَ يَمْ، مِنْ بٛو مِحٛکَّنْ طُمْ مٛ نغِطْمِ ڢُو؞ 7طُمْ ڢُو مِحٛکّٜتٜ تٛ عَسُجِدَنِ يَمْ؞» 8عِيسَى جَابِمٛ‏: «دٜڢْتٜرٜ وِعِ‏: سُجِدَنْ اَللَّه جَوْمِرَاوٛ مَاطَ تَنْ، کَنغْکٛ ڢٜىٰرٜ مَاکٛ عَرٜوَتَ#تٛوکْتَاکِ تَوْرٜىٰتَ 6‏:13؞؞»

9ڢَحِنْ، عِبْلِسَ يَحْرِمٛ حَا عُرُسَلِيمَ، جٛعِّنِمٛ دٛوْ يٜىٰرٜىٰرٜ حَيْکَلِيرُ، وِعِمٛ‏: «تٛ عَ ࢡِطّٛ اَللَّه کَمْ، دِوْ دِغَ طٛ حَا لٜسْدِ، 10نغَمْ دٜڢْتٜرٜ وِعِ‏: اَللَّه عُمْرَنْ مَلَاعِکَعٜنْ مُوطُمْ نغَمْ عَيْنُغٛ مَ#جَبُورَ 91‏:11؞؞ 11ڢَحِنْ بٛو‏: ࢡٜتَࢡّٛتٛ مَ بٜى جُوطٜ مَࢡّٜ، نغَمْ تَا کٛسْنغَلْ مَ ڢٜرْغٛ دٛوْ حَيْرٜ#جَبُورَ 91‏:12؞؞» 12عِيسَى جَابِمٛ‏: «دٜڢْتٜرٜ وِعِ‏: تَا جَرِّبَ اَللَّه جَوْمِرَاوٛ مَاطَ#تٛوکْتَاکِ تَوْرٜىٰتَ 6‏:16؞؞» 13ندٜ عِبْلِسَ تِمِّنِ جَرِّبَاغٛ عِيسَى بٜى دَبَرٜ مُمْ ڢُو، عٛدِلِّ، عٛعَشِّمٛ، سٜيْ سَاعِ ڢٜىٰرٜ ڢَحِنْ؞

عِيسَى ڢُطِّ کُوغَلْ مُوطُمْ ندٜرْ لٜسْدِ غَلِيلِ

(مَتَّ 4‏:12‏-17؛ مَرْکُسْ 1‏:14‏-15)

14عِيسَى لٛرِ حَا لٜسْدِ غَلِيلِ، عٛ کٜبِّنَاطٛ بَاوْطٜ رُوحُ شٜنِيطٛ؞ حَبَرُ مَاکٛ سَنغْکِتِ ندٜرْ لٜسْدِ مَنْ ڢُو؞ 15عٛعٜکِّتِنِ يِمْࢡٜ ندٜرْ شُوطِ دٜوَلْ يَحُودُعٜنْ، يِمْࢡٜ ڢُو تٜدِّنِمٛ؞

يِمْࢡٜ نَسَرَتُ شَلِ عِيسَى

(مَتَّ 13‏:53‏-58؛ مَرْکُسْ 6‏:1‏-6)

16عِيسَى يٜحِ نَسَرَتُ، وُرٛ نغٛ عٛمَوْنِنٛ حَا مُوطُمْ؞ ࢩَنْدٜ سِوْتٛرْدٜ عٛنَسْتِ سُودُ دٜوَلْ يَحُودُعٜنْ بَنَ عٛوٛووِ وَطُغٛ؞ عٛعُمِّ نغَمْ عٛجَنغَ دٜڢْتٜرٜ، 17ࢡٜندٛکِّمٛ دٜڢْتٜرٜ اَلنَّبِي عٜسَايَ تَغَّاندٜ، عٛتَغِّتِ ندٜ، عٛتَوِ عَايَاجٜ بِنْدَاطٜ بَنَ نِعِ‏:

18«رُوحُ جَوْمِرَاوٛ طٛنْ دٛوْ عَمْ،

عٛمٛويْتِ يَمْ نغَمْ حَا مِوَازِنَ لَاڢُࢡٜ حَبَرُ سٜيٛ؞

عٛنٜلِ يَمْ حَا مِوٛويْنَنَ حَࢡَّاࢡٜ ندِمُ مُوطُمْعٜنْ،

نغَمْ وُمْتِنْغٛ وُمْࢡٜ،

نغَمْ جٛوڢْتُکِ تٛرَّاࢡٜ،

19نغَمْ يٜىٰيْنُغٛ حِتَاندٜ بَنغُکِ مٛعّٜرٜ جَوْمِرَاوٛ#عٜسَايَ 61‏:1‏-2؞؞»

20ندٜنْ عٛتَغِّ دٜڢْتٜرٜ غٛ، عٛحٛکِّتِ ندٜ بَلّٛووٛ ندٜرْ سُودُ دٜوَلْ يَحُودُعٜنْ، عٛجٛوطِ؞ يِمْࢡٜ وٛنْࢡٜ تٛنْ ڢُو تٛکِّ لَارُغٛ مٛ؞ 21ندٜنْ عٛڢُطِّ وٛلْوَنْغٛ ࢡٜ‏: «عَايَاجٜ بِنْدَاطٜ طٜعٜ، طٜ نغٛونغْطِ حَا مٛوطٛنْ وَکَّتِ عٛنْ نَنِ طٜ نجَنغَامَ جٛنْتَ؞» 22ࢡٜ ڢُو ࢡٜنغٜرْدِ حَالَ مَاکٛ، ࢡٜکَيْطِنِ نغَمْ بٛلّٜ بٜلْطٜ غُرْتِيطٜ دِغَ حُنْدُکٛ مَاکٛ؞ ࢡٜمبِعِ‏: «نَا عٛ ࢡِي يُوسُڢُ نَ؟» 23عِيسَى وِعِ ࢡٜ‏: «ڢَکَتْ، عٛنْ نغٜشَّتَمْ غٜشَّوٛلْ نغٛعٛلْ‏: کُرْغٛووٛ، حُرْغُ حٛورٜ مَاطَ‏! عٛنْ مبِعَتَمْ بٛو‏: مِنْ نَنِ کٛ مبَطَّ حَا کَڢَرْنَحُمْ ڢُو، وَطْ طُمْ ندٜرْ وُرٛ مَاطَ بٛو‏!» 24ڢَحِنْ عٛوِعِ‏: «غٛونغَ مبِعَنْمِ عٛنْ، وَلَا اَلنَّبِيجٛ کٛو غٛوتٛ مٛ ࢡٜنجَࢡَّتَ ندٜرْ وُرٛ مُوطُمْ#يُحَنَّ 4‏:44؞؞ 25مِطٛنْ وِعَ عٛنْ، ڢَکَتْ، رٜوْࢡٜ يُرُمْࢡٜ طُوطْࢡٜ طٛنّٛ ندٜرْ إِسْرَاءِيلَ زَمَنُ اَلنَّبِي إِلْيَاسُ، سَاعِ عِيٜىٰندٜ تٛࢡَايْنٛ بَاکِنْ دُوࢡِ تَتِ عٜ لٜبِّ جٛوٜىٰغٛ، وٜىٰلٛ سَاتُنغٛ وَطِ ندٜرْ لٜسْدِ ڢُو#1 لَامِيࢡٜ 17‏:1؞؞ 26عَمَّا اَللَّه نٜلَايْ إِلْيَاسُ حَا جُرُمْطٛ کٛو غٛوتٛ مَࢡّٜ، سٜيْ حَا مٛ وُرٛ سَرٜݠْتَ، ندٜرْ لٜسْدِ سِدٛنْ#1 لَامِيࢡٜ 17‏:8‏-16؞؞ 27کُتُرُعٜنْ طُوطْࢡٜ طٛنّٛ بٛو ندٜرْ لٜسْدِ إِسْرَاءِيلَ زَمَنُ اَلنَّبِي أَلْيَسَعَ؞ عَمَّا کٛو غٛوتٛ مَࢡّٜ يَمْطِتَايْ، سٜيْ نَعَمَنْ مٛ لٜسْدِ سِرِيَ تَنْ#2 لَامِيࢡٜ 5‏:1‏-14؞؞»

28يِمْࢡٜ وٛنْࢡٜ ندٜرْ سُودُ دٜوَلْ مَنْ ڢُو کٜىٰوِ تِکّٜرٜ، ندٜ ࢡٜنَنِ بٛلّٜ طٜعٜ؞ 29ࢡٜعُمِّ، ࢡٜنغٜرْࢡِمٛ حَا يَاسِ وُرٛ مَࢡّٜ، ࢡٜنجَحْرِمٛ دٛوْ تٛوْندِيرٜ ندٜ بٜرْنِوٛلْ مَࢡّٜ نَسَرَتُ مَحَنٛ دٛوْ مَارٜ، نغَمْ ࢡٜشَکِّنَ مٛ حَا لٜسْ؞ 30عَمَّا عٛوُرْتِ شَکَ مَࢡّٜ، عٛتٛکِّتِنِ لَاوٛلْ مَاکٛ؞

غٛطّٛ مٛ غِنَّوٛلْ تٛرِّ طُمْ

(مَرْکُسْ 1‏:21‏-28)

31عِيسَى يٜحِ کَڢَرْنَحُمْ، بٜرْنِوٛلْ ندٜرْ لٜسْدِ غَلِيلِ، عٛعٜکِّتِنِ يِمْࢡٜ تٛنْ ࢩَنْدٜ سِوْتٛرْدٜ؞ 32ࢡٜکَيْطِنِ دٛوْ نٛ عٛعٜکِّتِنِرْتَ، نغَمْ عٛطٛنْ وٛلْوَ بٜى بَاوْطٜ#مَتَّ 7‏:28‏-29؞؞ 33وٛودِنٛ غٛطّٛ ڢٜىٰرٜ ندٜرْ سُودُ دٜوَلْ مَنْ، عٛوٛودِ رُوحُوٛلْ شٛࢡْنغٛلْ، عٛڢُطِّ وٛوکُغٛ بٜى سَوْتُ، عٛوِعِ‏: 34«حٜيْ، عَنْ عِيسَى مٛ نَسَرَتُ، کٛ نغِطَّ بٜى عَمِنْ؟ عَوَرِ نغَمْ حَلْکُغٛ مِنْ نَ؟ مِعَنْدِ مَ‏: عَ شٜنِيطٛ، نٜلَاطٛ اَللَّه؞» 35عِيسَى رُغِّ رُوحُوٛلْ شٛࢡْنغٛلْ غٛ، وِعِ‏: «جٜىٰطَ، وُرْتَ غٛرْکٛ عٛو؞» نغٛلْ دٛعِّ غٛرْکٛ غٛ يٜىٰسٛ يِمْࢡٜ ڢُو، ندٜنْ نغٛلْ وُرْتِ، نغٛلْ عَشِّمٛ، بِلَا نَاوْنٜرٜ سَمْ؞ 36يِمْࢡٜ ڢُو کَيْطِنِ، ࢡٜمبٛلْوِ حَکُّندٜ مَࢡّٜ‏: «حَالَ عِرِنْ کَيٜ کَ بٛو؟ عٛطٛنْ عُمْرَ رُوحُوجِ شٛࢡْطِ بٜى بَاوْطٜ، طِ نغُرْتٛ غٛطّٛ‏!» 37ࢡٜمبٛلْوِ حَالَ عِيسَى حَا لٜسْدِ مَاجُمْ ڢُو؞

عِيسَى يَمْطِتِنِ ࢩَوْࢡٜ طُوطْࢡٜ

(مَتَّ 8‏:14‏-17؛ مَرْکُسْ 1‏:29‏-34)

38عِيسَى وُرْتِ سُودُ دٜوَلْ يَحُودُعٜنْ، عٛيٜحِ سَارٜ سِمٛنْ؞ عٜسِرَاوٛ سِمٛنْ دٜبّٛ طٛنْ وَالِ ࢩَوُ يٛنْتٜرٜ نَاوْندٜ، ࢡٜتٛرِ عِيسَى عٛيَمْطِتِنَ مٛ؞ 39عٛتُرِ دٛوْ ࢩَوْطٛ غٛ، عٛتٜلْࢡَنِ يٛنْتٜرٜ مَنْ، ندٜ عَشِّ دٜبّٛ غٛ، ندٜنْ عٛعُمِّ لَوْ، عٛوٜىٰرْنِ ࢡٜ؞

40حَا مُتْکِ نَانغٜ، ࢡٜنْ ࢡٜمَرِ ࢩَوْࢡٜ عٜ تٛرَّاࢡٜ ࢩَوُجِ ڢٜىٰرٜ ڢٜىٰرٜىٰجِ نغَدِّ ࢡٜ حَا عِيسَى؞ عٛيٛوِ جُوطٜ مَاکٛ دٛوْ غٛوتٛ غٛوتٛ مَࢡّٜ، عٛيَمْطِتِنِ ࢡٜ؞ 41غِنَّاجِ نغُرْتِ يِمْࢡٜ طُوطْࢡٜ، طِ طٛنْ نغٛوکَ بَنَ نِعِ‏: «عَنْ وٛنِ ࢡِطّٛ اَللَّه‏!»

عَمَّا عِيسَى رُغِّ طِ بٜى شَاتَلْ، عٛحَطِ طِ وٛلْوُغٛ بٛو، نغَمْ کَنْجِ طِ عَنْدِ کَنغْکٛ وٛنِ اَلْمَسِيحُ؞

عِيسَى وَازِ ندٜرْ لٜسْدِ يَحُدِيَ

(مَرْکُسْ 1‏:35‏-39)

42ندٜ وٜىٰتِ، عٛوُرْتِ عٛدِلِّ حَا نٛکُّورٜ ڢٜرٜوْندٜ؞ يِمْࢡٜ ݠُطِّ تٜڢُغٛ مٛ؞ ندٜ ࢡٜتَوِمٛ، ࢡٜنغِطِ حَطُغٛ مٛ دِلُّغٛ نغَمْ تَا عٛعَشَّ ࢡٜ؞ 43عَمَّا عِيسَى وِعِ ࢡٜ‏: «حَانِ مِوَازِنَ کُبَرُوٛلْ بٜلْنغٛلْ نغٛلْ لَامُ اَللَّه حَا غُرٜ غٛطّٜ بٛو، نغَمْ مَنْ اَللَّه نٜلِ يَمْ؞» 44عٛدِلِّ، عٛوَازِ ندٜرْ شُوطِ دٜوَلْ يَحُودُعٜنْ ندٜرْ لٜسْدِ يَحُدِيَ؞

Currently Selected:

لُکَ 4: داَ

Highlight

Copy