لَاتَانٛوجِ 39
39
يُوسُڢُ عٜ دٜبّٛ ݠٛتِڢَرْ
1ࢡٜنجَحْرِ يُوسُڢُ حَا مِصْرَ؞ ݠٛتِڢَرْ مِصْرَاجٛ، سَرَاکِيجٛ ڢِرْعَوْنَ، مَوْطٛ دٛوغَرِعٜنْ، سٛودِمٛ حَا جُوطٜ ڢِلٛوࢡٜ ࢡٜ عَسْنغٛلْ إِسْمَـٰعِيلَ يَحْرُࢡٜ مٛ تٛنْ#لَاتَانٛوجِ 37:36؞؞ 2جَوْمِرَاوٛ وٛنْدِ بٜى يُوسُڢُ، حٛکِّ طُمْ سَاعَ ندٜرْ کُوطٜ مُمْ ڢُو؞ عٛجٛوطِ ندٜرْ سَارٜ ݠٛتِڢَرْ جَوْمِيکٛ مِصْرَاجٛ#تٛوکْتَاکِ تَوْرٜىٰتَ 2:7؛ کُوطٜ نٜلَاࢡٜ 7:9؞؞ 3جَوْمِيکٛ يِعِ جَوْمِرَاوٛ طٛنْ وٛنْدِ بٜى مَاکٛ، جَوْمِرَاوٛ حٛکِّمٛ سَاعَ ندٜرْ کُوطٜ مَاکٛ ڢُو؞ 4عٛسٜيٛرِمٛ، عٛحٛوسِمٛ نغَمْ حُووَنْغٛ مٛ؞ عٛحَلْڢِنِمٛ عَرْدَانغَلْ سَارٜ عٜ مَرْدِ مَاکٛ ڢُو؞ 5دِغَ عٛحَلْڢِنِ يُوسُڢُ سَارٜ عٜ مَرْدِ مَاکٛ، جَوْمِرَاوٛ بَرْکِطِنِ کٛ عٛمَرِ ڢُو، وَاتٛ کٛ وٛنِ ندٜرْ سَارٜ عٜ کٛ وٛنِ ندٜرْ غٜسٜ نغَمْ دَلِيلَ يُوسُڢُ؞ 6ݠٛتِڢَرْ حَلْڢِنِ يُوسُڢُ کٛ عٛمَرِ ڢُو؞ عٛسُکْلَنَايْ کٛو طُمٜ، سٛنَا ࢩَامْدُ ندُ عٛࢩَامَتَ؞
يُوسُڢُ عٛ بٛوطّٛ، عٛ نغَرْنِيطٛ؞ 7ࢩَلْطٜ سٜطَّ ࢡَاوٛطٛنْ، دٜبّٛ جَوْمِيکٛ ڢُطِّ لَارُغٛ مٛ بٜى سُونٛ؞ عٛوِعِمٛ: «وَالْدُ بٜى عَمْ!» 8عٛسَلِ، عٛوِعِ دٜبّٛ جَوْمِيکٛ: «ندَا، جَوْمَمْ سُکْلَنْتَا کٛو طُمٜ ندٜرْ سَارٜ مُمْ؞ عٛحَلْڢِنِ يَمْ مَرْدِ مَاکٛ ڢُو؞ 9وَلَا ࢡُرْدُطٛ يَمْ مَنغُ ندٜرْ سَارٜ ندٜعٜ؞ عٛحَطَايْ يَمْ کٛو طُمٜ، سٛنَا عَنْ، نغَمْ عَ دٜبّٛ مَاکٛ؞ نٛيْ مِوَطَتَ حَلّٜىٰندٜ مَوْندٜ ندٜعٜ، مِوَطَ حَکّٜ حٜىٰدِ اَللَّه؟» 10ࢩَلَادٜ ڢُو دٜبّٛ عٛو تٛکِّ وٛلْوَنْغٛ يُوسُڢُ، نغَمْ عٛوَالَ کٛمْبِ مَاکٛ، حَا عٛحَوْتَ بٜى مَاکٛ؞ عَمَّا عٛسَلِ وَالْدُغٛ بٜى مَاکٛ؞
11ࢩَنْدٜرٜ وٛطْندٜ يُوسُڢُ نَسْتِ سَارٜ حَا حُووَ کُوغَلْ مُمْ؞ حُووٛوࢡٜ ندٜرْ سَارٜ نغَلَا تٛنْ؞ 12دٜبّٛ غٛ نَنغِمٛ نغَݠَلٜىٰوٛلْ، وِعِمٛ: «وَالْدُ بٜى عَمْ!» يُوسُڢُ عَشِّ نغَݠَلٜىٰوٛلْ مُمْ حَا جُنغٛ مَاکٛ، دٛغِّ، وُرْتِ يَاسِ؞ 13ندٜ دٜبّٛ يِعِ يُوسُڢُ عَشِّدِمٛ بٜى نغَݠَلٜىٰوٛلْ مُمْ، دٛغِّ يَاسِ، 14عٛعٜوْنِ حُووٛوࢡٜ ندٜرْ سَارٜ مَاکٛ، عٛوِعِ ࢡٜ: «ندَارٜ! عٛوَدَّنِ عٜنْ عِبْرَنِنغْکٜىٰجٛ نغَمْ ڢِجِرَ عٜنْ؞ عٛوَرِ حَا عَمْ حَا عٛوَالْدَ بٜى عَمْ؞ عَمَّا مِوٛوکِ بٜى سٜمْبٜ؞ 15ندٜ عٛنَنِ مِوٛوکِ، عٛعَشِّ نغَݠَلٜىٰوٛلْ مَاکٛ بَنغٜ عَمْ، عٛدٛغِّ، عٛوُرْتِ يَاسِ؞» 16عٛجٛعِّنِ نغَݠَلٜىٰوٛلْ يُوسُڢُ کٛمْبِ مَاکٛ، حَا ندٜ غٛرِيکٛ وَرْتِ سَارٜ؞ 17ندٜنْ عٛيٜشِّمٛ حَالَ کَعَ بَنَ نٛ عٛوِعْنٛ، عٛوِعِ: «مَشُّطٛ عِبْرَنِنغْکٜىٰجٛ مٛ عَوَدَّنِ مِنْ، وَرِ حَا عَمْ حَا عٛڢِجِرَمِّ؞ 18ندٜ مِوٛوکِ، مِعٜوْنِ غٛ، عٛعَشِّ نغَݠَلٜىٰوٛلْ مَاکٛ بَنغٜ عَمْ، عٛدٛغِّ يَاسِ؞» 19ندٜ جَاغٛرْطٛ نَنِ کٛ دٜبّٛ مَاکٛ وِعِمٛ: «بَنَ نِي مَشُّطٛ مَ وَارِ بٜى عَمْ»؞ – تِکّٜرٜ مَاکٛ سَاتِ؞ 20عٛنَنغِ يُوسُڢُ، عٛنَسْتِنِمٛ ندٜرْ ڢُرْسِنَ#39:20 ڢُرْسِنَ مَلَّ يَنغَدَ؞ حَا نٛکُّورٜ ندٜ ࢡٜمَࢡَّتَ حَࢡَّاࢡٜ لَامِيطٛ؞ يُوسُڢُ جٛوطِ تٛنْ#کُوطٜ نٜلَاࢡٜ 7:9؞؞
يُوسُڢُ ندٜرْ ڢُرْسِنَ
21عَمَّا جَوْمِرَاوٛ طٛنْ وٛنْدِ بٜى يُوسُڢُ، عٛوَنغِنَنِمٛ مبٛوطٜىٰنغَ مَاکٛ، حٜࢡْنِ مٛعّٜرٜ حَا مَوْطٛ ڢُرْسِنَ#جَبُورَ 106:46؛ عٜسِرَ 7:28؛ 9:9؛ عَسْتَ 2:9،17؞ ؞ 22عٛحَلْڢِنِ حَࢡَّاࢡٜ ندٜرْ سُودُ ڢُو حَا جُنغٛ يُوسُڢُ؞ کُوغَلْ کُووٜتٜىٰنغَلْ تٛنْ ڢُو، کَنغْکٛ عَرْدَنِ طُمْ؞ 23مَوْطٛ ڢُرْسِنَ حَکِّلَنَايْ کٛو طُمٜ کٛ وٛنِ حَا جُنغٛ يُوسُڢُ، نغَمْ جَوْمِرَاوٛ طٛنْ وٛنْدِ بٜى مَاکٛ؞ کٛ عٛوَطِ ڢُو، جَوْمِرَاوٛ حُمْتَنِمٛ طُمْ؞
Currently Selected:
لَاتَانٛوجِ 39: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
