لَاتَانٛوجِ 38
38
يَحُودَ عٜ تَمَرْ
1سَاعِ مَاجُمْ يَحُودَ عَشِّ دٜىٰرْطِرَاࢡٜ مُوطُمْ، عٛيٜحِ حَا عَدُلَّمْ، حَا بِعٜتٜىٰطٛ حِرَ؞ 2يَحُودَ يِعِ تٛنْ ࢡِطّٛ دٜبّٛ مٛ ࢡِي سُعَ، غٛطّٛ کَنَانِيجٛ؞ عٛتٜعِمٛ، عٛحَوْتِ بٜى مَاکٛ؞ 3عٛرٜىٰدِ، عٛدَࢩِ ࢡِطّٛ غٛرْکٛ، يَحُودَ عِنْدِمٛ عٜىٰرْ؞ 4عٛرٜىٰدِ کَدِبٛو، عٛدَࢩِ ࢡِطّٛ غٛرْکٛ، عٛعِنْدِمٛ عٛونَنْ؞ 5کَدِبٛو عٛدَࢩِ ࢡِطّٛ غٛرْکٛ، عٛعِنْدِمٛ سٜلَ؞ يَحُودَ طٛنّٛ حَا کٜجِبْ، يَاکٜ دٜبّٛ دَࢩَ سٜلَ؞
6يَحُودَ تٜعَنِ عٜىٰرْ، عَڢٛ مُمْ، دٜبّٛ بِعٜتٜىٰطٛ تَمَرْ؞ 7عَمَّا عٜىٰرْ، عَڢٛ يَحُودَ، عٛ کَلُّطٛ يٜىٰسٛ جَوْمِرَاوٛ، جَوْمِرَاوٛ مبَرِمٛ؞ 8يَحُودَ وِعِ عٛونَنْ: «نَسْتُ حَا دٜبّٛ دٜىٰرْطِرَاوٛ مَ، حَࢡُّ تٜىٰغَلْ عٜىٰکِرَاغُ بٜى مَاکٛ، نغَمْ عَدَرْنَنَ دٜىٰرْطَ دَࢩْغٛلْ؞» 9عَمَّا عٛونَنْ عَنْدِ طُمْ لَاتَتَاکٛ دَࢩْغٛلْ مَاکٛ، نغَمْ مَاجُمْ ندٜ عٛنَسْتَتَ حَا دٜبّٛ عٛو ڢُو، عٛطٛنْ عَشَّ مَنِ مَاکٛ رُڢَ حَا لٜسْدِ؞ نغَمْ عٛيِطَا وَطَنَنغٛ دٜىٰرْطِيکٛ دَࢩْغٛلْ؞ 10کٛ عٛوَطِ، طُمْ ڢٛتَّنَايْ جَوْمِرَاوٛ، جَوْمِرَاوٛ مبَرِمٛ؞ 11يَحُودَ وِعِ عٜسُمْ تَمَرْ: «لٛرْتَ حَا سَارٜ بَابَ مَ يَاکٜ سُدَّارٜ مَ، حَا تٛ ࢡِيَمْ سٜلَ مَوْنِ؞» عٛنُمِ بٛو: «تَا عٛمَايَ بٛو بَنَ دٜىٰرْطِرَاࢡٜ مَاکٛ؞» تَمَرْ دِلِّ، جٛوطِ ندٜرْ سَارٜ بَابَ مُوطُمْ؞
12ࢡَاوٛ ࢩَلْطٜ طُوطّٜ، ࢡِي سُعَ، دٜبّٛ يَحُودَ مَايِ؞ ندٜ يَحُودَ دٜعِّتِ، عٛيٜحِ حَا تِمْنَ، حَا تَعٛوࢡٜ غَاسَ بَالِ مَاکٛ، کَنغْکٛ عٜ سٛوبَاجٛ مَاکٛ حِرَ عَدُلَّمْجٛ؞ 13تَمَرْ عَنْدِنَامَ: «ندَا، عٜسِرَاوٛ مَ طٛنْ يَحَ حَا تِمْنَ نغَمْ تَعُغٛ غَاسَ بَالِ مَاکٛ؞» 14ندٜنْ تَمَرْ ࢡٛرْتِ لِمْشٜ سُدَّارٜ غٛ، عٛسُدِّرِ بٜى سُدَّارٜ وٛطْندٜ، عٛوِيرْنِ، عٛجٛوطِ حَا نَسْتِرْدٜ وُرٛ عٜنَيِمْ، حَا لَاوٛلْ تِمْنَ؞ نغَمْ عٛيِعِ سٜلَ مَوْنِ، عَمَّا عٛلَاتَاکِ دٜبّٛ مَاکٛ؞ 15يَحُودَ يِعِمٛ، عٛحٛوشِرِمٛ بَنَ دٜبّٛ دَاکَارٜىٰجٛ، نغَمْ عٛسُدِّ يٜىٰسٛ مَاکٛ؞ 16عٛسٜلِ لَاوٛلْ غَلْ مَاکٛ، عٛوِعِ: «عَشُّ مِنَسْتَ حَا مَ؞» نغَمْ عٛعَنْدَا طُمْ عٜسِيکٛ؞ تَمَرْ ࢨَمِ: «طُمٜ ندٛکَّتَ يَمْ نغَمْ عَنَسْتَ حَا عَمْ؟» 17عٛجَابِ: «مِنٜلْدَنْتٜ جَوْغٜلْ مبٜىٰوَ عٜ تٛکّٜرٜ عَمْ؞» تَمَرْ وِعِ: «سٜيْ تٛ عَحٛکِّ يَمْ جٜنغِنَ#38:17 جٜنغِنَ مَلَّ رَنْ؞ حِدّٜکٛ عَنٜلْدَ؞» 18يَحُودَ ࢨَمِ: «جٜنغِنَ طُمٜ نغِطَّا مِحٛکّٜ؟» عٛجَابِ: «حَاتُمّٜىٰرٜ مَ عٜ ࢡٛغّٛلْ مَ عٜ سَوْرُ حَا جُنغٛ مَ؞» عٛحٛکِّمٛ طُمْ، عٛوَالْدِ بٜى مَاکٛ؞ عٛرٜىٰدِ نغَمْ دَلِيلَ مَاکٛ؞ 19تَمَرْ عُمِّ، دِلِّ، عٛعِتِّ سُدَّارٜ غٛ، عٛࢡٛرْنِ لِمْشٜ سُدَّارٜ؞
20يَحُودَ نٜلْدِرِ جَوْغٜلْ مبٜىٰوَ بٜى سٛوبَاجٛ مُمْ عَدُلَمْجٛ، نغَمْ عٛحٛوشِتَنَ مٛ جٜنغِنَ مَاکٛ حَا جُنغٛ دٜبّٛ غٛ؞ عَمَّا عٛتَوَايْ مٛ؞ 21عٛࢨَمِ يِمْࢡٜ حَا وُرٛ: «تٛيْ دٜبّٛ دَاکَارٜىٰجٛ مٛ جٛوطِنٛ حَا عٜنَيِمْ کٛمْبِ لَاوٛلْ؟» ࢡٜنجَابِ: «وَلَا دَاکَارٜىٰجٛ مٜىٰطِ تَوٜىٰغٛ حَا طٛ#تٛوکْتَاکِ تَوْرٜىٰتَ 23:18؛ 1 لَامِيࢡٜ 14:24؞؞» 22عٛلٛرِ حَا يَحُودَ، عٛوِعِ: «مِتَوَايْ مٛ؞ يِمْࢡٜ وُرٛ بٛو مبِعِ: وَلَا دَاکَارٜىٰجٛ مٜىٰطِ تَوٜىٰغٛ حَا تٛنْ؞» 23يَحُودَ وِعِ: «عٛجٛغٛ کٛ وٛنِ حَا مَاکٛ؞ تَا عٜنْ تٛسْکِنَ کٛعٜ مٜنْ؞ نغَمْ مِنٜلِ مَ بٜى جَوْغٜلْ نغٜعٜلْ، عَمَّا عَتَوَايْ مٛ؞»
24ࢡَاوٛ لٜبِّ تَتِ ࢡٜعَنْدِنِ يَحُودَ: «عٜسِرَاوٛ مَ تَمَرْ لَاتَکٜ دَاکَارٜىٰجٛ؞ جٛنْتَ عٛطٛنْ بٜى رٜىٰدُ؞» يَحُودَ وِعِ: «نغُرْتِنٜ مٛ يَاسِ، نغُلٜ مٛ؞» 25ندٜ ࢡٜنغُرْتِنِمٛ يَاسِ، عٛنٜلِ حَا عٜسِيکٛ ࢡٜمبِعَ مٛ: «غٛرْکٛ مَرْطٛ کُوجٜ طٜعٜ رٜىٰدْنِ يَمْ؞» عٛوِعِ بٛو: «حٜࢡْتُ مٛيْ مَرِ حَاتُمّٜىٰرٜ ندٜعٜ عٜ ࢡٛغّٛلْ نغٛعٛلْ عٜ سَوْرُ ندُعُ؟» 26يَحُودَ عَنْدِتِ طُمْ، عٛوِعِ: «عَدِلَاکُ مَاکٛ ࢡُرِ نغُ عَمْ، نغَمْ مِحٛکَّايْ مٛ ࢡِيَمْ سٜلَ؞» عٛمٜىٰتَايْ وَالْدُغٛ بٜى مَاکٛ ڢَحِنْ؞ 27سَاعِ ࢡٜسْنُکِ تَمَرْ، ࢡٜݠَامِ طُمْ سِوْتُࢡٜ نغٛنِ ندٜرْ رٜىٰدُ مَاکٛ؞ 28ندٜ عٛطٛنْ دَࢩَ، غٛوتٛ وُرْتِنِ جُنغٛ؞ ࢡٜسْنِنٛووٛ نَنغِ نغٛ، حَࢡِّ غَارَوٛلْ بٛطٜىٰوٛلْ حَا جُنغٛ مَاغٜلْ؞ عٛوِعِ: «کَنغْکٛ عَارْتِ وُرْتَاغٛ؞» 29عَمَّا عٛلٛرْنِتِ جُنغٛ مَاکٛ، دٜىٰرْطِيکٛ وُرْتِ؞ ࢡٜسْنِنٛووٛ وِعِ: «کَيْ، عَنْ سٜىٰکِ لَاوٛلْ!» ࢡٜعِنْدِمٛ ݠٜرٜسْ#38:29 ݠٜرٜسْ يِطِ وِعْغٛ شٜىٰکْغٛلْ؞؞ 30ࢡَاوٛ مَاجُمْ دٜىٰرْطِيکٛ مَرْطٛ غَارَوٛلْ بٛطٜىٰوٛلْ حَا جُنغٛ مُمْ وُرْتِ؞ ࢡٜعِنْدِمٛ زٜرَحَ#38:30 زٜرَحَ يِطِ وِعْغٛ ݠُطْکِ نَانغٜ مَلَّ طٜلْکٛ مَلَّ بٛطٜىٰجُمْ؞؞
Currently Selected:
لَاتَانٛوجِ 38: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
