غُرْتَاکِ نَسْتُکِ
نَسْتُکِ
«مِنْ وٛنِ جَوْمِرَاوٛ اَللَّه مَاطَ، غُرْتِنْطٛ مَ نجٜيَانغُ حَا لٜسْدِ مِصْرَ» (20:2)؞ کَلِمَاجِ طِعِ طٛنْ مبَنغِنَ مَانَ وٛلْدٜ دٜڢْتٜرٜ غُرْتَاکِ؞ اَللَّه وٛنِ دِمْطِنٛووٛ عُمَّاتٛورٜ مُمْ؞ عَايَارٜ ندٜعٜ وٛنِ شَࢡَّوَلْ عُمْرٛوجٜ سَݠّٛ؞ اَللَّه يِطِ إِسْرَاءِيلَعٜنْ، عٛرِمْطِنِ ࢡٜ؞ عٛحَࢡِّ عَلْکَوَلْ بٜى مَࢡّٜ، ࢡٜلَاتِ عُمَّاتٛورٜ مَاکٛ؞ عٛيِطِ ندٜ طٛوْتَنٛ عُمْرٛوجٜ مَاکٛ؞
ندٜ إِسْرَاءِيلَعٜنْ کٜࢡِ حِسْرُدٜ مُوطُمْعٜنْ حَا لٜسْدِ مِصْرَ (لَاتَانٛوجِ 45:17-28)، ࢡٜندَࢩْندَࢩْتِرِ، ࢡٜلَاتِ طُوطْࢡٜ؞ عَمَّا ࢡَاوٛ مَاجُمْ لَامِيطٛ مِصْرَ کٜسٛ تَمْݠِنِ ࢡٜ بٜى لَاتِنغٛ ࢡٜ مَشُّࢡٜ؞ اَللَّه عَشَّايْ إِسْرَاءِيلَعٜنْ ندٜرْ بٛنٜىٰجِ، عٛسُࢡِ مُوسَى غٛوتٛ شَکَ مَࢡّٜ، عٛلَاتِنِمٛ طٛوٛووٛ مَࢡّٜ؞ عٛحٛکِّمٛ بَاوْطٜ وَطُغٛ کَايٜىٰڢِيجِ ڢٜىٰرٜ ڢٜىٰرٜ، حَا طِ ندٛولِ مِصْرَعٜنْ رِمْطِنْغٛ عُمَّاتٛورٜ حَا ندٜ وُرْتٛ دِلَّ دِغَ لٜسْدِ مَࢡّٜ؞ ࢡَاوٛطٛنْ اَللَّه طٛوِ ࢡٜ عٜ عٛعٜىٰرْتِنِ ࢡٜمَايٛ مَالِيَ بٜى بَاوْطٜ مَاکٛ؞ عٛحَࢡِّ عَلْکَوَلْ بٜى مَࢡّٜ حَا حٛوسٜىٰرٜ سِنَ، عٛحٛکِّ ࢡٜ عُمْرٛوجٜ مَاکٛ سَݠّٛ؞ ندٜ مُوسَى وَعِّتِ دٛوْ حٛوسٜىٰرٜ نغَمْ عٛجَࢡَ عُمْرٛوجٜ دِغَ اَللَّه نغَمْ وَطُغٛ لَيْمَارُ ڢٛتِّرْدٜ، لَوْ إِسْرَاءِيلَعٜنْ نغٜجِّتِ عُمْرٛوجٜ جَوْمِرَاوٛ اَللَّه مَࢡّٜ غُرْتِنْطٛ ࢡٜ دِغَ لٜسْدِ مِصْرَ، ࢡٜمبَطِ غَغّٜلْ کَنغّٜىٰرِ نغَمْ ࢡٜشُجِدَنَ نغٜلْ؞ ندٜنْ تِکّٜرٜ جَوْمِرَاوٛ سَاتِ دٛوْ مَࢡّٜ؞ مُوسَى تٛرِ جَوْمِرَاوٛ اَللَّه، حَا عٛسٛتِّنِ تِکّٜرٜ مَاکٛ دٛوْ عُمَّاتٛورٜ مَاکٛ؞ ندٜنْ عٛوَنغَنِ مُوسَى (34:6-7)، عٛحٜسْطِتِنِ بٛو عَلْکَوَلْ مَاکٛ بٜى إِسْرَاءِيلَعٜنْ؞
دٜڢْتٜرٜ ندٜعٜ طٛنْ تِمَّ بٜى حَبَرُ دَرْنُکِ لَيْمَارُ ڢٛتِّرْدٜ نغَمْ کَوْتَلْ إِسْرَاءِيلَعٜنْ بٜى جَوْمِرَاوٛ اَللَّه؞
غُرْتَاکِ إِسْرَاءِيلَعٜنْ دِغَ لٜسْدِ مِصْرَ، طُمْ عَلَامَ دِمْطِنٜىٰکِ نٜطّٛ دِغَ حَکّٜىٰجِ مُوطُمْ بٜى عِيسَى اَلْمَسِيحُ؞ لَيْمَارُ ڢٛتِّرْدٜ بٛو، طُمْ عَلَامَ غٛنْدَلْ اَللَّه دُومِينغَلْ بٜى يِمْࢡٜ مُمْ ندٜرْ عَلْکَوَلْ کٜسَلْ؞
تٛکِّنْدِرْکِ حَالَاجِ:
دِمْطِنْکِ يِمْࢡٜ إِسْرَاءِيلَ حَا لٜسْدِ مِصْرَ 1:1–15:21
مَشُّࢡٜ ندٜرْ مِصْرَ 1
دَࢩٜىٰکِ مُوسَى عٜ مَوْنُکِ عٜ عٜوْنَاندُ مُمْ 2–4
جٛکِّرْغٛلْ مُوسَى عٜ هَـٰرُونَ بٜى لَامِيطٛ مِصْرَ 5–11
جُولْدٜ ݠَسْکَ عٜ غُرْتَاکِ دِغَ مِصْرَ 12:1–15:21
دِغَ مَايٛ مَالِيَ حَا حٛوسٜىٰرٜ سِنَ 15:22–18:27
عُمْرٛوجٜ عٜ عَلْکَوَلْ 19–24
عُمْرٛوجٜ دٛوْ وَطُغٛ لَيْمَارُ ڢٛتِّرْدٜ 25–31
تُورْتٛلْ إِسْرَاءِيلَعٜنْ عٜ کٜسْطِتِنْکِ عَلْکَوَلْ 32–34
دَرْنُکِ لَيْمَارُ ڢٛتِّرْدٜ 35–40
Currently Selected:
غُرْتَاکِ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.