لَاتَانٛوجِ 50

1يُوسُڢُ دٛعِّ دٛوْ بَابَ مُمْ، وٛيِ دٛوْ يٜىٰسٛ مَاکٛ، حٜبِّ طُمْ؞ 2ندٜنْ عٛعُمْرِ حُرْغٛوࢡٜ حُووَنٛوࢡٜ مٛ، ࢡٜنغُجَ ࢡَنْدُ بَابَ مَاکٛ بٜى عُورْلٜ؞ حُرْغٛوࢡٜ نغُجِ ࢡَنْدُ إِسْرَاءِيلَ؞ 3ࢡٜکُووِ ࢩَلْطٜ شَݠَّنْطٜ نَيِ (40)، کَنْجُمْ وٛنِ سَاعِيرٜ غُجٛلْ؞ مِصْرَعٜنْ مبٛيِمٛ ࢩَلْطٜ شَݠَّنْطٜ جٛوٜىٰطِطِ (70)؞

4ندٜ ࢩَلْطٜ بٛيْکِ تِمِّ، يُوسُڢُ وٛلْوَنِ سَرَاکِعٜنْ ڢِرْعَوْنَ، وِعِ‏: «تٛ عٛنْ نغٜرْدَکٜ يَمْ، عُسٜنِ مبِعٜ ڢِرْعَوْنَ نِعِ‏: 5ندٜ بَابَ عَمْ ࢡَدِنٛ مَايُغٛ، عٛحُنِّ يَمْ بٜى وِعْغٛ‏: ندَا، مِمَايَنْ‏! ندٜرْ يٜنَاندٜ ندٜ مِوَسِ حَا لٜسْدِ کَنَانَ تٛنْ عُوَتَ يَمْ»؞ جٛنْتَ مِيِطِ مِيَحَ عُوٛيْغٛ بَابَ عَمْ ندٜنْ مِلٛرٛ#لَاتَانٛوجِ 47‏:29‏-31؞؞ 6ڢِرْعَوْنَ وِعِ‏: «يَحْ، عُوْ بَابَ مَ بَنَ نٛ عٛحُنِّرِ مَ؞» 7يُوسُڢُ يٜحِ عُوُغٛ بَابَ مُوطُمْ؞ سَرَاکِعٜنْ ڢِرْعَوْنَ ڢُو عٜ ندٛتِّعٜنْ سَارٜ مَاکٛ عٜ ندٛتِّعٜنْ لٜسْدِ مِصْرَ ڢُو نجَحْدِ بٜى مَاکٛ؞ 8نٛنْ بٛو سَارٜ يُوسُڢُ ڢُو عٜ دٜىٰرْطِرَاࢡٜ مَاکٛ عٜ سَارٜ بَابَ مَاکٛ؞ سٜيْ ࢡِکّٛيْ مَࢡّٜ عٜ دَمّٛوجِ مَࢡّٜ عٜ نَعِ مَࢡّٜ تَنْ ࢡٜعَشِّ ندٜرْ لٜسْدِ غٛوسَنْ؞ 9مٛوتَاجِ ݠُشِّ عٜ وَعِّيࢡٜ ݠُشِّ نجَحْدِ بٜى مَاکٛ، طُمْ وَطِ مٛوࢡْرٜ طُوطْندٜ مَسِنْ؞

10ندٜ ࢡٜنجٛتِّ لَارّٜ عَتَادَ حَا غَطَ مَايٛ عُرْدُنْ، ࢡٜمبٛيِ تٛنْ بٛجِّ طُوطِّ شَاتُطِ مَسِنْ؞ يُوسُڢُ وٛيِ بَابَ مُوطُمْ ࢩَلْطٜ جٛوٜىٰطِطِ؞ 11کَنَانِعٜنْ جٛوطِيࢡٜ ندٜرْ لٜسْدِ نغِعِ بٛجِّ مَࢡّٜ حَا لَارّٜ عَتَادَ، ࢡٜمبِعِ‏: «مِصْرَعٜنْ شُنَّکٜ مَسِنْ؞» نغَمْ مَاجُمْ ࢡٜعِنْدِ نٛکُّورٜ ندٜعٜ عَبٜلْ-مِسْرَيِمْ#50‏:11 عَبٜلْ-مِسْرَيِمْ يِطِ وِعْغٛ بٛجِّ مِصْرَعٜنْ؞، حَا غَطَ عُرْدُنْ؞

12ࢡِࢡّٜ يَعْقُوبُ مبَطِ بَنَ عٛعُمْرُنٛ ࢡٜ؞ 13ࢡٜنجَحْرِ ࢡَنْدُ مَاکٛ ندٜرْ لٜسْدِ کَنَانَ، ࢡٜعُوِمٛ ندٜرْ لٛوٛلْ حَا نغٜسَ مَکْݠٜلَ، کٛمْبِ مَمْرٜ؞ طُمْ نغٜسَ کَ إِبْرَاهِيمَ سٛودُنٛ حَا عٜڢْرُونَ حٜتِيجٛ، نغَمْ لَاتَنٛ مٛ ݠٜلّٜلْ غٜنَالٜ#50‏:13 کُوطٜ نٜلَاࢡٜ 7‏:16؞؞ 14ࢡَاوٛ عٛعُوِ بَابَ مَاکٛ، يُوسُڢُ لٛرْتِ حَا مِصْرَ حَوْتَادٜ بٜى دٜىٰرْطِيکٛعٜنْ عٜ يَحْدُࢡٜ بٜى مَاکٛ ڢُو نغَمْ عُوُغٛ بَابَ مَاکٛ؞

يُوسُڢُ دٜعِّتِنِ دٜىٰرْطِرَاࢡٜ مُوطُمْ

15ࢡَاوٛ مَايْدٜ بَابَ مَࢡّٜ، دٜىٰرْطِرَاࢡٜ يُوسُڢُ مبِعْمبِعْتِرِ‏: «نٛيْ تٛ يُوسُڢُ وَࢩِ عٜنْ، تٛ عٛيِطِ وَاتَاغٛ کَلُّطُمْ ڢُو کٛ عٜنْ مبَطْنٛ مٛ؟» 16نغَمْ مَاجُمْ ࢡٜنٜلِ حَا يُوسُڢُ، ࢡٜمبِعَ مٛ‏: «بَابَ مَ حِدّٜکٛ مَايَ، عٛعُمْرِ مِنْ، عٛوِعِ‏: 17ندَا نِي مبٛلْوَنْتٛنْ يُوسُڢُ‏: عُسٜنِ، يَاڢَ زُنُوبَ دٜىٰرْطِرَاࢡٜ مَاطَ عٜ حَکّٜ مَࢡّٜ، نغَمْ ࢡٜمبَطِ مَ کَلُّطُمْ؞ مِنْ طٛنْ تٛرٛ مَ جٛنْتَ، يَاڢَ زُنُوبَ جَغَّنِيࢡٜ اَللَّه بَابَ مَاطَ#غُرْتَاکِ 10‏:17؛ لُکَ 17‏:3‏-4؞؞» ندٜ ࢡٜمبٛلْوَنِمٛ بَنَ نٛنْ، يُوسُڢُ وٛيِ؞ 18دٜىٰرْطِرَاࢡٜ مَاکٛ بٛو نجٜحِ حَا مَاکٛ؞ ࢡٜشُجِدِ يٜىٰسٛ مَاکٛ، ࢡٜمبِعِ‏: «ندَا، مِنْ طٛنْ بَنَ مَشُّࢡٜ مَاطَ؞» 19يُوسُڢُ وِعِ ࢡٜ‏: «تَا کُلٜ‏! مِنْ مِ اَللَّه نَ؟ 20حَلّٜىٰندٜ ندٜ عٛنْ نُڢَنِنٛ يَمْ اَللَّه وَرْتِرِ طُمْ حَيْرُ نغَمْ حِسْنُغٛ عُمَّاتٛورٜ طُوطْندٜ بَنَ کٛ لَاتِ حَنْدٜ؞ 21جٛنْتَ کَمْ تَا کُلٜ؞ مِحٛکَّنْ عٛنْ، عٛنٛنْ عٜ ࢡِکّٛيْ مٛوطٛنْ نغُورٜ؞» بَنَ نٛنْ عٛدٜعِّتِنِرِ ࢡٜ، عٛوٜلْنِ ࢡٜرْطٜ مَࢡّٜ؞

22يُوسُڢُ جٛوطِ ندٜرْ مِصْرَ، کَنغْکٛ عٜ سَارٜ بَابَ مَاکٛ ڢُو؞ عٛوَطِ دُوࢡِ تٜىٰمٜرّٜ عٜ سَݠّٛ (110)؞ 23عٛيِعِ ࢡِࢡّٜ عٜڢْرَيِمْ حَا يِدٜرٜ تَتَࢡْرٜ؞ ࢡِࢡّٜ مَکِرْ ࢡِي مَنَسَّ، کَمْࢡٜ بٛو ࢡٜندَࢩَامَ دٛوْ کٛݠِّ يُوسُڢُ؞ 24يُوسُڢُ وِعِ دٜىٰرْطُمْعٜنْ‏: «مِمَايَنْ، عَمَّا ڢَکَتْ، اَللَّه عَشَّتَا عٛنْ، عٛوُرْتِنَنْ عٛنْ دِغَ مِصْرَ، عٛيَحْرَنْ عٛنْ لٜسْدِ ندِ عٛحُنَنِ إِبْرَاهِيمَ عٜ إِسْحَاقَ عٜ يَعْقُوبُ؞» 25يُوسُڢُ حُنِّ ࢡِࢡّٜ إِسْرَاءِيلَ، وِعِ‏: «ڢَکَتْ اَللَّه وٛونَنَنْ عٛنْ؞ نجَحْرِدٜ عِعٜ عَمْ بٜى مٛوطٛنْ#غُرْتَاکِ 13‏:19؛ يٛسُوَ 24‏:32؛ عِبْرَنِنغْکٜعٜنْ 11‏:22؞؞» 26يُوسُڢُ مَايِ يَاکٜ عٛمَرِ دُوࢡِ تٜىٰمٜرّٜ عٜ سَݠّٛ؞ ࢡٜنغُجِ ࢡَنْدُ مَاکٛ بٜى عُورْلٜ، ࢡٜمبَلِّنِ ندُ ندٜرْ کٜسْ حَا مِصْرَ؞

Currently Selected:

لَاتَانٛوجِ 50: داَ

Highlight

Copy