غُرْتَاکِ 19
19
عَلْکَوَلْ اَللَّه بٜى إِسْرَاءِيلَعٜنْ حَا حٛوسٜىٰرٜ سِنَ
1ࢩَنْدٜ غٛعٛورٜ ندٜرْ لٜوْرُ تَتَࢡْرُ ࢡَاوٛ غُرْتَاکِ إِسْرَاءِيلَعٜنْ لٜسْدِ مِصْرَ، ࢩَلَادٜ مَنْ ࢡٜنجٛتِّ لَدّٜ سِنَ؞ 2ࢡٜعُمِّنٛ دِغَ رٜڢِدِمْ، ࢡٜنجٛتِّ لَدّٜ سِنَ، ࢡٜشَنغِنِ تٛنْ کٛمْبِ حٛوسٜىٰرٜ؞ 3مُوسَى وَعِّ حٛوسٜىٰرٜ نغَمْ ڢٛتُّغٛ بٜى اَللَّه؞ حَا يٜىٰرٜىٰرٜ حٛوسٜىٰرٜ تٛنْ، جَوْمِرَاوٛ عٜوْنِ مُوسَى، عٛوِعِمٛ: «ندَا نِي مبِعَتَ إِسْرَاءِيلَعٜنْ، دَࢩْغٛلْ يَعْقُوبُ: 4عٛنْ نغِعِ کٛ مبَطْمِ مِصْرَعٜنْ، نٛ مِرٛوندِرِ عٛنْ بَنَ دُتَلْ رٛونْدٛرْتٛ ࢡِيُمْعٜنْ دٛوْ بِلٜىٰجِ مُمْ، مِوَدِّ عٛنْ حَا طٛ حَا کٛمْبِ عَمْ؞ 5جٛنْتَ، تٛ عٛنْ نَنَنِ يَمْ ڢَکَتْ، تٛ عٛنْ طٛوْتَنَکٜ عَلْکَوَلْ عَمْ، ندٜنْ کَمْ عٛنْ لَاتٛتٛ عُمَّاتٛورٜ عَمْ يِطَاندٜ شَکَ عُمَّاتٛوجٜ ڢُو، کٛو ندٜ دُنِيَارُ ڢُو، مِنْ جٜيِ#تٛوکْتَاکِ تَوْرٜىٰتَ 4:20؛ 7:6؛ 14:2؛ 26:18؛ تِتُسْ 2:14؞؞ 6عٛنٛنْ بٛو، عٛنْ لَاتَنْتٛ يَمْ لَامُ لِمَنْعٜنْ عٜ عُمَّاتٛورٜ سٜنَاندٜ؞ کَنْجُمْ مبِعَتَ إِسْرَاءِيلَعٜنْ#1 ݠِيٜرْ 2:9؛ وَحَيُ يُحَنَّ 1:6؛ 5:10؞؞» 7مُوسَى وَرْتِ حَا سَنغٜىٰرٜ، عٜوْنِ ندٛتِّعٜنْ إِسْرَاءِيلَ، يٜشِّ ࢡٜ کٛ جَوْمِرَاوٛ عُمْرِمٛ ڢُو؞ 8يِمْࢡٜ عُمَّاتٛورٜ ڢُو نجَابِ: «کٛ جَوْمِرَاوٛ وِعِ ڢُو، مِنْ مبَطَنْ طُمْ!» مُوسَى لٛرْنَنِ جَوْمِرَاوٛ جَاوَابُ مَࢡّٜ؞
9ندٜنْ جَوْمِرَاوٛ وِعِ مُوسَى: «مِوَرَنْ حَا مَ ندٜرْ دُولٜ تٜکُّطٜ، نغَمْ حَا إِسْرَاءِيلَعٜنْ نَنَ تٛ مِطٛنْ وٛلِدَ بٜى مَ، ࢡٜکٛولٛ مَ حَا ڢٛرٛيْ؞» مُوسَى لٛرْنَنِ جَوْمِرَاوٛ کٛ عُمَّاتٛورٜ وِعْنٛ؞
10ڢَحِنْ جَوْمِرَاوٛ وِعِ مُوسَى: «لٛرَ حَا يِمْࢡٜ عُمَّاتٛورٜ، عُمْرُ ࢡٜ ࢡٜ شٜنَ کٛعٜ مَࢡّٜ حَنْدٜ عٜ جَنغٛ، ࢡٜلٛوتَ لِمْشٜ مَࢡّٜ بٛو؞ 11ࢡٜتَاسْکَنٛ ڢَࢡِّجَنغٛ، نغَمْ ڢَࢡِّجَنغٛ مِنْ جَوْمِرَاوٛ مِجِݠّٛتٛ غِتٜ عُمَّاتٛورٜ ڢُو دٛوْ حٛوسٜىٰرٜ سِنَ؞ 12وَطْ کٜىٰرٛلْ تَارٛتٛونغٛلْ يِمْࢡٜ عُمَّاتٛورٜ ڢُو، وِعْࢡٜ: کَکِّلٜ، تَا عٛنْ مبَعّٛ دٛوْ حٛوسٜىٰرٜ، تَا عٛنْ مٜىٰمَ لٜسْ مَارٜ بٛو! کٛو مٛيْ مٜىٰمِ حٛوسٜىٰرٜ ڢُو، عٛ مبَرٜتٜىٰطٛ! 13کٛو طُمْ غٛطّٛ مَلَّ ندَبَّاوَ، ࢡٜعَشَّتَا يٜىٰطَ؞ عَمَّا تَا غٛطّٛ مٜىٰمَ طُمْ: ࢡٜݠِطَنْ طُمْ بٜى کَاعٜ مَلَّ بٜى کُرِ؞ سٜيْ تٛ يِمْࢡٜ نَنِ سَوْتُ لُوَلْ، ࢡٜمبَعّٛ دٛوْ حٛوسٜىٰرٜ#عِبْرَنِنغْکٜعٜنْ 12:18-20؞؞» 14مُوسَى جِݠِّ وَرِ حَا عُمَّاتٛورٜ؞ عٛعُمْرِ يِمْࢡٜ شٜنَ کٛعٜ مَࢡّٜ، ࢡٜلٛوتَ لِمْشٜ مَࢡّٜ بٛو؞ 15ندٜنْ عٛوِعِ ࢡٜ: «تَاسْکَنٜ ڢَࢡِّجَنغٛ! تَا ࢡَدِتٜ رٜوْࢡٜ مٛوطٛنْ!»
16ࢩَنْدٜ تَتَࢡْرٜ ندٜ وٜىٰتِ، ݠٜلْمَالِ عٜ مَعّٜ عٜ رُولْدٜ تٜکُّندٜ نغَطِ دٛوْ حٛوسٜىٰرٜ عٜ حٛولٛ لُوَلْ سٜمْبِطْنغٛ مَسِنْ؞ يِمْࢡٜ عُمَّاتٛورٜ وٛطْࢡٜ ندٜرْ سَنغٜىٰرٜ ڢُو ندِوْنِ#وَحَيُ يُحَنَّ 4:5؞؞ 17مُوسَى وُرْتِنِ ࢡٜسَنغٜىٰرٜ نغَمْ ࢡٜࢡَدِتٛ اَللَّه؞ ࢡٜندَرِ لٜسْ حٛوسٜىٰرٜ؞ 18حٛوسٜىٰرٜ سِنَ ڢُو سُورِ شُورْطٜ، نغَمْ جَوْمِرَاوٛ جِݠِّ دٛوْ مَارٜ ندٜرْ يِيتٜ؞ شُورْطٜ مَنْ عٜىٰنغِ دٛوْ بَنَ شُورْطٜ ࢡٛلِنِرْدٜ؞ حٛوسٜىٰرٜ ڢُو دِمْبِ مَسِنْ#تٛوکْتَاکِ تَوْرٜىٰتَ 4:11-12؞؞ 19حٛولٛ لُوَلْ طٛنْ ࢡٜسْدَ سَاتُغٛ؞ تٛ مُوسَى وٛلْوِ، جَوْمِرَاوٛ طٛنْ جَابٛ مٛ ندٜرْ ڢٜلْمَانغٛ؞ 20جَوْمِرَاوٛ جِݠِّ حَا يٜىٰرٜىٰرٜ حٛوسٜىٰرٜ سِنَ، تٛنْ عٛعٜوْنِ مُوسَى، مُوسَى وَعِّتِ حَا يٜىٰرٜىٰرٜ حٛوسٜىٰرٜ؞ 21جَوْمِرَاوٛ وِعِمٛ: «جِݠَّ، رٜىٰنْتِنْ#19:21 رٜىٰنْتِنْ مَلَّ بٛو بَرَّ؞ يِمْࢡٜ تَا ࢡٜشَالٛ کٜىٰرٛلْ نغَمْ لَارُغٛ يَمْ، نغَمْ تَا طُوطْࢡٜ مَࢡّٜ مَايَ! 22کٛو لِمَنْعٜنْ ࢡَدِتٛتٛوࢡٜ يَمْ بٛو، سٜيْ ࢡٜشٜنٛ نغَمْ تَا تِکّٜرٜ عَمْ عُکَّنٛ ࢡٜ؞» 23مُوسَى وِعِ جَوْمِرَاوٛ: «ڢَکَتْ، يِمْࢡٜ مبَعَّتَاکٛ حٛوسٜىٰرٜ سِنَ، نغَمْ عَرٜىٰنْتِنِ مِنْ، عَوِعِ: وَطْ کٜىٰرٛلْ کٛمْبِ حٛوسٜىٰرٜ، سٜنْ ندٜ؞» 24جَوْمِرَاوٛ وِعِمٛ: «لٛرْتَ حَا سَنغٜىٰرٜ، ندٜنْ عَوَعِّتَ، عَنْ بٜى هَـٰرُونَ؞ عَمَّا لِمَنْعٜنْ عٜ يِمْࢡٜ، تَا ࢡٜشَالٛ کٜىٰرٛلْ نغَمْ وَرْغٛ حَا عَمْ، نغَمْ تَا تِکّٜرٜ عَمْ عُکَّنٛ ࢡٜ؞» 25مُوسَى جِݠِّ، وَرِ حَا عُمَّاتٛورٜ، يٜشِّ ندٜ طُمْ؞
Currently Selected:
غُرْتَاکِ 19: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.