غُرْتَاکِ 17
17
ندِيَمْ نغُرْتِيطَمْ تَݠَارٜ
1يِمْࢡٜ جَمَعَارٜ إِسْرَاءِيلَ ڢُو عُمِّ لَدّٜ سِينْ، تٛکِّ لَاوٛلْ دِغَ سَنغٜىٰرٜ ندٜعٜ حَا سَنغٜىٰرٜ ندٜيَ، بَنَ جَوْمِرَاوٛ عُمْرِ ࢡٜ؞ ࢡٜشَنغِنِ حَا رٜڢِدِمْ؞ ندِيَمْ وَلَا تٛنْ حَا يِمْࢡٜ نجَرَ؞ 2ࢡٜتٜڢِ جٛکِّرْغٛلْ بٜى مُوسَى، ࢡٜمبِعِ: «حٛکُّ مِنْ ندِيَمْ، مِنْ نجَرَ!» مُوسَى ࢨَمِ ࢡٜ: «کٛنِ نجٛکِّرْتٛنْ بٜى عَمْ؟ کٛنِ ݠٛونْدٛتٛنْ جَوْمِرَاوٛ؟» 3يِمْࢡٜ طٛمْطِ تٛنْ، نغِطِ ندِيَمْ؞ ࢡٜنغُرْنغُرْتِ دٛوْ مُوسَى، ࢡٜمبِعِ: «کَدِ، نغَمْ طُمٜ نغُرْتِنْطَا مِنْ مِصْرَ حَا مبَرَ مِنْ عٜ ࢡِکّٛيْ عَمِنْ عٜ دَبَّاجِ عَمِنْ بٜى طٛمْکَ؟» 4مُوسَى وٛوکَنِ جَوْمِرَاوٛ، ࢨَمِمٛ: «طُمٜ مبَطَنْمِ نغَمْ يِمْࢡٜ عُمَّاتٛورٜ ندٜعٜ؟ لُتِّ سٜطَّ ࢡٜݠِطَمِّ بٜى کَاعٜ!» 5جَوْمِرَاوٛ جَابِ مُوسَى: «سَالَ يٜىٰسٛ عُمَّاتٛورٜ، حٛوعُ بٜى مَاطَ ندٛتِّعٜنْ إِسْرَاءِيلَ؞ سَوْرُ مَاطَ ندُ ݠِيْرُطَ مَايٛ نِيلْ بٜى مُوطُمْ، حٛوعُ ندُ حَا جُنغٛ مَ، يَحْ! 6مِدَرٛتٛ يٜىٰسٛ مَ تٛنْ دٛوْ تَݠَارٜ حَا حٛوسٜىٰرٜ حٛرٜبْ؞ عَڢِيَ تَݠَارٜ ندٜعٜ، ندِيَمْ وُرْتٛتٛ عٜ مَارٜ حَا عُمَّاتٛورٜ يَرَ؞» مُوسَى وَطِ بَنَ نٛنْ يٜىٰسٛ ندٛتِّعٜنْ إِسْرَاءِيلَ؞ 7عٛعِنْدِ نٛکُّورٜ مَنْ مَسَّ عٜ مٜرِبَ#17:7 کَلِمَاجِ مَسَّ عٜ مٜرِبَ نغِطِ وِعْغٛ جَرَّبَ عٜ جٛکِّرْغٛلْ؞، نغَمْ دَلِيلَ جٛکِّرْغٛلْ إِسْرَاءِيلَعٜنْ، نغَمْ ࢡٜنجَرِّبِ جَوْمِرَاوٛ، ࢡٜمبِعِ: «جَوْمِرَاوٛ طٛنْ وٛنْدِ بٜى مٜىٰطٜنْ نَا مَلَّ وٛنْدَايْ؟#لِمْلٜ 20:2-13؞»
حَࢡْرٜ بٜى عَمَلٜکِعٜنْ
8عَمَلٜکِعٜنْ نغَرِ حَࢡُغٛ بٜى إِسْرَاءِيلَعٜنْ حَا رٜڢِدِمْ؞ 9مُوسَى وِعِ يٛسُوَ: «سُࢡَنْ عٜنْ وٛرْࢡٜ حَا ࢡٜنجَحَ ࢡٜکَࢡَ بٜى عَمَلٜکِعٜنْ؞ جَنغٛ مِدَرٛتٛ حَا يٜىٰرٜىٰرٜ تٛوْندِيرٜ بٜى سَوْرُ اَللَّه ندٜرْ جُنغٛ عَمْ؞» 10يٛسُوَ يٜحِ حَࢡِ بٜى عَمَلٜکِعٜنْ بَنَ مُوسَى وِعِمٛ؞ مُوسَى عٜ هَـٰرُونَ عٜ حُورُ بٛو مبَعِّ حَا يٜىٰرٜىٰرٜ تٛوْندِيرٜ؞ 11سَاعِ مُوسَى ࢡَنغْتِ جُنغٛ مُمْ، إِسْرَاءِيلَعٜنْ طٛنْ نجَالٛ؞ عَمَّا سَاعِ نغٛ لٜىٰسْتِ، عَمَلٜکِعٜنْ طٛنْ نجَالٛ؞ 12ندٜ جُوطٜ مُوسَى ݠُطِّ سٛمُغٛ، هَـٰرُونَ بٜى حُورُ کٛوعِ حَيْرٜ، ࢡٜمبَلِّنِ ندٜ کٛمْبِ مَاکٛ، عٛجٛوطِ دٛوْ مَارٜ؞ هَـٰرُونَ بٜى حُورُ ࢡَنغْتِ جُوطٜ مَاکٛ، عٛو غَلْ وَکٜىٰرٜ ندٜعٜ، عٛيَ بٛو غَلْ وَکٜىٰرٜ ندٜيَ، بَنَ نٛنْ جُوطٜ مَاکٛ طٛنْ ࢡَنغْتِ حَا نَانغٜ مُتِ؞ 13يٛسُوَ حٜࢡِ جَالٛرْغَلْ مَنغَلْ دٛوْ حٛنٛوࢡٜ عَمَلٜکْ بٜى کَاڢَحِ؞
14جَوْمِرَاوٛ وِعِ مُوسَى: «وِنْدُ طُمْ ڢُو ندٜرْ دٜڢْتٜرٜ نغَمْ سِڢْتٛرْغٛ طُمْ؞ يٜشُّ يٛسُوَ مِتِمِّنَنْ عَمَلٜکِعٜنْ ڢُو، وَلَا مٛ سِڢْتٛرْتَ ࢡٜ دٛوْ لٜسْدِ»#1 سَمُيِلَ 15:2-9؞؞ 15ندٜنْ مُوسَى مَحِ حِرْسِرْدٜ، عِنْدِ ندٜ جَوْمِرَاوٛ-وٛنِ-تُوتَوَلْ-عَمْ؞ 16عٛوِعِ: «ندٜ نِي عَمَلٜکِعٜنْ ࢡَنغْتِ جُوطٜ نغَمْ حٛنُغٛ لَامُ جَوْمِرَاوٛ، جَوْمِرَاوٛ حٛنَنْ ࢡٜ دِغَ يِدٜرٜ حَا يِدٜرٜ؞»
Currently Selected:
غُرْتَاکِ 17: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
