غُرْتَاکِ 13
13
شٜنْکِ عَڢْࢡٜ ندٜرْ إِسْرَاءِيلَ
1جَوْمِرَاوٛ وِعِ مُوسَى: 2«سٜنَنَمْ عَڢْࢡٜ عٜ عَڢِ دَبَّاجِ ڢُو ندٜرْ إِسْرَاءِيلَ ڢُو، نغَمْ مٛ عَارْتِ دَࢩٜىٰغٛ ڢُو عٜ کٛ عَارْتِ رِمٜىٰغٛ ڢُو ندٜرْ إِسْرَاءِيلَ، مِنْ جٜيِ؞#لِمْلٜ 3:13؛ لُکَ 2:23؞»
جُولْدٜ تَمْسٜىٰجٜ طٜ عُڢْنَاکَ
3مُوسَى وِعِ يِمْࢡٜ عُمَّاتٛورٜ: «شِڢْتٛرٜ ࢩَلَادٜ ندٜ نغُرْتِيطٛنْ نجٜيَانغُ حَا مِصْرَ، جَوْمِرَاوٛ وُرْتِنِ عٛنْ بٜى جُنغٛ سٜمْبِطْنغٛ؞ تٛ عٛنْ طٛنْ مبَطَ جُولْدٜ ندٜعٜ، تَا عٛنْ ࢩَامَ تَمْسٜىٰجٜ عُڢْنَاطٜ؞ 4حَنْدٜ ندٜرْ لٜوْرُ وِعٜتٜىٰندُ عَبِيبَ، عٛنْ نغُرْتٛتٛ؞ 5عٛنْ شِڢْتٛرَنْ طُمْ کٛ لَاتِ ندٜرْ لٜوْرُ ندُعُ، حِتَاندٜ ڢُو، تٛ جَوْمِرَاوٛ نَسْتِنِ عٛنْ ندٜرْ لٜسْدِ کَنَانِعٜنْ عٜ حٜتِعٜنْ عٜ عَمٛورِعٜنْ عٜ حٜوِعٜنْ عٜ يٜبُسِعٜنْ؞ طُمْ لٜسْدِ ندِ عٛحُنَنِ کَاکِرَاࢡٜ مٛوطٛنْ، عٛحٛکَّنْ ࢡٜ ندِ؞ طُمْ لٜسْدِ کٜىٰوْندِ کٛسَمْ عٜ نجُمْرِ؞ 6عٛنْ ࢩَامَ تَمْسٜىٰجٜ طٜ عُڢْنَاکَ ࢩَلْطٜ جٛوٜىٰطِطِ؞ ࢩَنْدٜ جٛوٜىٰطِطَوْرٜ مَاجُمْ، عٛنْ مبَطَنَ جَوْمِرَاوٛ جُولْدٜ؞ 7ࢩَامٜ تَمْسٜىٰجٜ طٜ عُڢْنَاکَ ندٜرْ ࢩَلْطٜ جٛوٜىٰطِطِ طٜعٜ، تَا تَمْسٜىٰجٜ عُڢْنَاطٜ عٜ عُڢْنِرْطُمْ تَوٜ ندٜرْ لٜسْدِ مٛوطٛنْ ڢُو؞ 8ندٜرْ وَکَّتِ جُولْدٜ ندٜعٜ، عٛنْ ݠَامْتِنَ طُمْ ࢡِکّٛيْ مٛوطٛنْ؞ عٛنْ مبِعَ کٛيْ: مِنْ مبَطَنْ جُولْدٜ ندٜعٜ نغَمْ دَلِيلَ طُمْ کٛ جَوْمِرَاوٛ وَطَنِ مِنْ يَاکٜ مِنْ نغُرْتِ لٜسْدِ مِصْرَ؞ 9طُمْ لَاتَنٛ عٛنْ بَنَ عَلَامَ شِڢْتِنٛرْطُمْ حَا جُوطٜ مَلَّ حَا تِيطٜ مٛوطٛنْ؞ نغَمْ حَا عٛنْ شِڢْتٛرَ ڢَرِلَّ جَوْمِرَاوٛ، عٛنْ نغٛويْنَ کَ، نغَمْ کَنغْکٛ وُرْتِنِ عٛنْ لٜسْدِ مِصْرَ بٜى جُنغٛ مُمْ سٜمْبِطْنغٛ؞ 10طٛوْتَنٜ ڢَرِلَّ کَعَ ندٜرْ وَکَّتِ مَاکَ دِغَ حِتَاندٜ حَا حِتَاندٜ؞
11«مُوسَى تٛکِّ وِعُغٛ: تٛ جَوْمِرَاوٛ نَسْتِنِ عٛنْ ندٜرْ لٜسْدِ کَنَانِعٜنْ ندِ عٛعِينَنِ عٛنْ عٜ کَاکِرَاࢡٜ مٛوطٛنْ، تٛ عٛحٛکِّ عٛنْ ندِ، 12عٛنْ لِيعَنَ مٛ عَڢٛ غٛرْکٛ ڢُو، عَڢِ غٛرْطِ حَا دَبَّاجِ مٛوطٛنْ ڢُو، جَوْمِرَاوٛ جٜيِ؞#لُکَ 2:23؞ 13شٛوتّٜ عَڢْرٜ وَمْندٜ بٜى جَوْغٜلْ؞ تٛ عٛنْ شٛوتَّايْ ندٜ، سٜيْ عٛنْ نغٜوَ دَاندٜ مَارٜ؞ شٛوتّٜ بٛو عَڢْࢡٜ مٛنْ وٛرْࢡٜ ندٜرْ شِعٜ مٛوطٛنْ؞ 14تٛ ࢡِࢡّٜ مٛوطٛنْ ندٜرْ غَرَنْطُمْ ࢨَمِ عٛنْ: نغَمْ طُمٜ مبَطٛتٛنْ طُمْ؟ عٛنْ نجَابَ ࢡٜ: بٜى جُنغٛ سٜمْبِطْنغٛ جَوْمِرَاوٛ وُرْتِنِرِ عٜنْ نجٜيَانغُ حَا مِصْرَ حَا عٜنْ نغٛنّٛ ندٜرْ مَشُّنغَاکُ؞ 15ندٜ ڢِرْعَوْنَ سَاتِنِ حٛورٜ مُمْ، سَلِ عَشُّغٛ عٜنْ، ندٜنْ جَوْمِرَاوٛ مبَرِ عَڢْࢡٜ ندٜرْ لٜسْدِ مِصْرَ ڢُو، دِغَ عَڢْࢡٜ يِمْࢡٜ حَا عَڢِ دَبَّاجِ؞ نغَمْ مَنْ مِنْ لِيعَنْتٛ جَوْمِرَاوٛ عَڢِ غٛرْطِ حَا دَبَّاجِ ڢُو، مِنْ شٛوتَّنْ عَڢْࢡٜ عَمِنْ وٛرْࢡٜ بٛو؞ 16طُمْ لَاتَنٛ عٛنْ بَنَ عَلَامَ حَا جُوطٜ مٛنْ عٜ شِڢْتِنٛرْطُمْ حَا تِيطٜ مٛنْ؞ نغَمْ جَوْمِرَاوٛ وُرْتِنِ عٜنْ مِصْرَ بٜى جُنغٛ مُمْ سٜمْبِطْنغٛ؞»
اَللَّه طٛوِ عُمَّاتٛورٜ مُمْ بٜى رُولْدٜ
17ندٜ ڢِرْعَوْنَ عَشِّ إِسْرَاءِيلَعٜنْ ندِلِّ، جَوْمِرَاوٛ تٛکِّنَايْ ࢡٜ لَاوٛلْ لٜسْدِ ڢِلِسْتِعٜنْ، کٛو ندٜ نغٛلْ ࢡَدِينغٛلْ؞ نغَمْ اَللَّه وِعِ: «تَا يِمْࢡٜ مِمْسِتٛ تٛ ࢡٜنغِعِ حَࢡْرٜ، ندٜنْ ࢡٜلٛرٛ حَا مِصْرَ؞» 18نغَمْ مَنْ عٛيَحْرِ يِمْࢡٜ دٛوْ لَاوٛلْ تَارٛتٛونغٛلْ ندٜرْ لَدّٜ کٛمْبِ مَايٛ مَالِيَ؞ إِسْرَاءِيلَعٜنْ نغُرْتِ مِصْرَ ࢡٜ تَاسْکَنِيࢡٜ کٛنُ؞ 19مُوسَى حٛوشِ عِعٜ يُوسُڢُ؞ نغَمْ کَنغْکٛ عٛحُنِّنٛ ࢡِࢡّٜ إِسْرَاءِيلَ حُنَيٜىٰرٜ، عٛوِعْنٛ ࢡٜ: «اَللَّه وَلَّنْ عٛنْ ڢَکَتْ، ندٜنْ کٛوشٜ عِعٜ عَمْ؞#لَاتَانٛوجِ 50:25؛ يٛسُوَ 24:32؞» 20إِسْرَاءِيلَعٜنْ عُمِّ سُکّٛتْ، ࢡٜنجٜحِ ࢡٜشَنغِنِ حَا عٜتَمْ، حَا سٜرَ لَدّٜ؞ 21جَوْمِرَاوٛ عَرْدِ ࢡٜ، ࢩَلَوْمَ ندٜرْ رُولْدٜ نَنْدُندٜ بٜى دَنغْرَنغَلْ نغَمْ طٛوُغٛ ࢡٜ دٛوْ لَاوٛلْ، جٜمَّ بٛو ندٜرْ يِيتٜ نَنْدُنغٜ بٜى دَنغْرَنغَلْ نغَمْ يَيْنَنْغٛ ࢡٜ، حَا ࢡٜتٛکّٛ لَاوٛلْ ࢩَلَوْمَ عٜ جٜمَّ؞ 22ࢩَلَوْمَ رُولْدٜ مَنْ سٜىٰدَايْ بٜى يِمْࢡٜ، جٜمَّ بٛو يِيتٜ مَنْ طٛنْ يٜىٰسٛ مَࢡّٜ؞
Currently Selected:
غُرْتَاکِ 13: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.