غُرْتَاکِ 12
12
جُولْدٜ ݠَسْکَ
1جَوْمِرَاوٛ وٛلْوَنِ مُوسَى عٜ هَـٰرُونَ ندٜرْ لٜسْدِ مِصْرَ، عٛوِعِ ࢡٜ: 2«لٜوْرُ ندُعُ لَاتَنٛ عٛنْ حٛورٜ لٜبِّ، ندُ لَاتَنٛ عٛنْ عَرَنْدُ حَا لٜبِّ حِتَاندٜ؞ 3مبٛلْوَنٜ جَمَعَارٜ إِسْرَاءِيلَ ڢُو، مبِعٜ: ࢩَنْدٜ سَݠّٛورٜ لٜوْرُ ندُعُ، کٛو مٛيْ ڢُو حٛوعَ جَوْغٜلْ نغَمْ سَارٜ مُمْ ڢُو؞ 4تٛ سَارٜ غٛطّٛ ڢَمْطِ حَا ࢩَامْدُغٛ نغٜلْ، سٜيْ عٛحَوْتَ بٜى کٜىٰدِّطِّرَاوٛ مَاکٛ ࢡَدِيطٛ سَارٜ مَاکٛ، ڢٛدّٜ لِمْغَلْ يِمْࢡٜ؞ شُࢡٜ جَوْغٜلْ نغٜلْ ࢡٜمبَاوَنْ ࢩَامْدُغٛ نغٜلْ؞ 5جَوْغٜلْ نغٜلْ شُࢡٛتٛنْ لَاتٛ نغٜلْ ندُوࢡُ، نغٜلْ وَلَا بَتّٜ؞ 6عٛنْ شِغَ نغٜلْ حَا ࢩَنْدٜ سَݠّٛ عٜ نَيَࢡْرٜ لٜوْرُ ندُعُ؞ مَنغَرِبَ ࢩَلَادٜ مَنْ، يِمْࢡٜ جَمَعَارٜ إِسْرَاءِيلَ ڢُو کِرْسَ جَوْغٜلْ نغٜلْ کٛو مٛيْ سُࢡِ؞ 7ࢡٜکٛوعَ ࢨِيࢨَمْ مَاغٜلْ، ࢡٜمبَطَ طَمْ حَا دَرْدُطٜ دَمُّغَلْ طِطِ ڢُو، نٛنْ بٛو حَا تِيندٜ مَاغَلْ، حَا سَارٜ ندٜ ࢡٜࢩَامَتَ جَوْغٜلْ مَنْ ڢُو؞ 8جٜمَّارٜ مَنْ ࢡٜࢩَامَ کُسٜلْ جَوْغٜلْ شَعَانغٜلْ غٛ، نٛنْ بٛو تَمْسٜىٰجٜ طٜ عُڢْنَاکَ؞ ࢡٜࢩَامْدَ طُمْ بٜى حَاکٛوجِ کَاطِّ؞ 9تَا ࢩَامٜ نغٜلْ کٜشّٜلْ مَلَّ دٜڢَانغٜلْ بٜى ندِيَمْ، عَمَّا شَعَانغٜلْ، حٛورٜ مَاغٜلْ عٜ کٛلْشٜ مَاغٜلْ عٜ تٜتٜکِ مَاغٜلْ ڢُو؞ 10تَا لُتِّنٜ کٛو طُمٜ حَا ڢَجِرِ، کٛ لُتِّ حَا ڢَجِرِ، نغُلٜ طُمْ بٜى يِيتٜ؞ 11ندَا نِي ࢩَامْرٛتٛنْ نغٜلْ: تَادٜ لِمْشٜ مٛوطٛنْ دٛوْ حَدّٛرْدٜ، ݠَطّٜ ݠَطٜ حَا کٛسْطٜ مٛوطٛنْ عٜ نجٛغٜ شَبِّ ندٜرْ جُوطٜ مٛوطٛنْ؞ ࢩَامٜ نغٜلْ بٜى جَاوَلْ؞ کَنْجُمْ وٛنِ جُولْدٜ ݠَسْکَ نغَمْ عَمْ جَوْمِرَاوٛ؞ 12مِسَالٛتٛ جٜمَّارٜ مَنْ ندٜرْ مِصْرَ؞ مِڢِيَنْ عَڢْࢡٜ ڢُو ندٜرْ لٜسْدِ، دِغَ يِمْࢡٜ حَا دَبَّاجِ؞ مِوَطَنْ کِيتَ دٛوْ لَبِّ مِصْرَ ڢُو، مِنْ وٛنِ جَوْمِرَاوٛ؞ 13ࢨِيࢨَمْ لَاتَنٛ عٛنْ عَلَامَ ڢَدّٛودٜ حَا شُوطِ طِ نغٛنٛتٛنْ؞ سَاعِ مِسَالٛتٛ حَا مٛوطٛنْ مِيِعَنْ طَمْ، مِدِوَنْ شِعٜ مٛوطٛنْ؞ بَنَ نِي عٛنْ کِسَنْ مَسِيبٛووٛلْ نَتِّنَنْنغٛلْ نغٛعٛلْ، يَاکٜ مِسَالٛتٛ ندٜرْ لٜسْدِ مِصْرَ؞#ڢَرِلَّاجِ لٜوِعٜنْ 23:5؛ لِمْلٜ 9:1-5؛ 28:16؛ تٛوکْتَاکِ تَوْرٜىٰتَ 16:1-2؞ 14ࢩَلَادٜ مَنْ لَاتَنٛ عٛنْ نغَمْ شِڢْتٛرْکِ، عٛنْ نغَرْتِرَ ندٜ جُولْدٜ نغَمْ جَوْمِرَاوٛ؞ نجٛغٜ طُمْ نغَمْ کَنْجُمْ وٛنِ ڢَرِلَّ ندُومِيکَ حَا غِدٜ مٛوطٛنْ ڢُو؞
15«ࢩَلْطٜ جٛوٜىٰطِطِ، سٜيْ تَمْسٜىٰجٜ طٜ عُڢْنَاکَ تَنْ ࢩَامٛتٛنْ؞ ࢩَنْدٜ عَرَنْدٜ عِتّٜ عُڢْنِرْطُمْ ڢُو حَا شِعٜ#12:15 شِعٜ مَلَّ شَلَاجٜ؞ مٛوطٛنْ؞ نغَمْ کٛو مٛيْ ࢩَامِ تَمْسٜىٰرٜ بٜى عُڢْنِرْطُمْ دِغَ ࢩَنْدٜ عَرَنْدٜ حَا ࢩَنْدٜ جٛوٜىٰطِطَوْرٜ، عٛ غُرْتِنْتٜىٰطٛ دِغَ عُمَّاتٛورٜ إِسْرَاءِيلَ؞ 16ࢩَنْدٜ عَرَنْدٜ، مبَطٜ مٛوࢡْتٛرْدٜ سٜنَاندٜ، ࢩَنْدٜ جٛوٜىٰطِطَوْرٜ بٛو، مبَطٜ مٛوࢡْتٛرْدٜ سٜنَاندٜ؞ تَا کُووٜ کُوغَلْ کٛو نغَلٜ ندٜرْ ࢩَلْطٜ طٜعٜ؞ سٜيْ کٛ کٛو مٛيْ مٛوطٛنْ ڢُو ࢩَامَتَ، کَنْجُمْ تَنْ ندٜڢٛتٛنْ؞ 17عٛنْ مبَطَنْ جُولْدٜ تَمْسٜىٰجٜ طٜ عُڢْنَاکَ ندٜعٜ، ندٜ سِڢْتِنٛرَ عٛنْ ࢩَلَادٜ ندٜ نغُرْتِنْمِ حٛنٛوࢡٜ مٛوطٛنْ دِغَ لٜسْدِ مِصْرَ؞ نجٛغٜ ࢩَلَادٜ مَاجُمْ بَنَ ڢَرِلَّ ندُومِيکَ حَا غِدٜ مٛوطٛنْ ڢُو؞ 18دِغَ کِيکِيطٜ ࢩَنْدٜ سَݠّٛ عٜ نَيَࢡْرٜ لٜوْرُ عَرَنْدٜىٰرُ، حَا يٛتّٛ کِيکِيطٜ ࢩَلَادٜ نٛوغَسْ عٜ غٛعٛورٜ، عٛنْ ࢩَامَ تَمْسٜىٰجٜ طٜ عُڢْنَاکَ؞ 19تَا عُڢْنِرْطُمْ تَوٜ ندٜرْ شِعٜ مٛوطٛنْ ࢩَلْطٜ جٛوٜىٰطِطِ؞ تٛ کٛطٛ مَلَّ عِسْرَعِيلَاجٛ ࢩَامِ تَمْسٜىٰرٜ عُڢْنَاندٜ، عٛ غُرْتِنْتٜىٰطٛ دِغَ جَمَعَارٜ إِسْرَاءِيلَ؞ 20تَا ࢩَامٜ تَمْسٜىٰجٜ عُڢْنَاطٜ، حَا نجٛوطٛتٛوطٛنْ ڢُو ࢩَامٜ تَمْسٜىٰجٜ طٜ عُڢْنَاکَ#غُرْتَاکِ 23:15؛ 34:18؛ ڢَرِلَّاجِ لٜوِعٜنْ 23:6-8؛ لِمْلٜ 28:17-25؛ تٛوکْتَاکِ تَوْرٜىٰتَ 16:3-8؞؞»
21مُوسَى عٜوْنِ ندٛتِّعٜنْ إِسْرَاءِيلَ ڢُو، عٛوِعِ ࢡٜ: «نجٜحٜ، کٛوعٜ نجَوْکٛيْ نغَمْ شِعٜ مٛوطٛنْ، کِرْسٜ کٛيْ نغَمْ جُولْدٜ ݠَسْکَ؞ 22کٛوعٜ بٛو تَمْندَنْدٜ حَاکٛ عِسٛݠْ، شُووٜ کٛ ندٜرْ ࢨِيࢨَمْ جَوْغٜلْ نغٛنْطَمْ ندٜرْ دَارٛ؞ نغُجٜ طَمْ حَا تِيندٜ دَمُّغَلْ عٜ دَرْدُطٜ طِطِ ڢُو؞ عَمَّا عٛنٛنْ، تَا غٛوتٛ مٛوطٛنْ وُرْتٛ سُودُ مُوطُمْ حَا وٜىٰتَ؞ 23جَوْمِرَاوٛ سَالٛتٛ لٜسْدِ نغَمْ ڢِيُغٛ مِصْرَعٜنْ؞ تٛ عٛيِعِ ࢨِيࢨَمْ حَا تِيندٜ دَمُّغَلْ عٜ حَا دَرْدُطٜ طِطِ ڢُو، عٛدِوَنْ سَارٜ مَنْ، عٛعَشَّتَا کَلْکٛووٛ نَسْتَ ندٜ نغَمْ مبَرُغٛ عَڢْࢡٜ عٜ عَڢِ دَبَّاجِ#عِبْرَنِنغْکٜعٜنْ 11:28؞؞ 24سٜيْ عٛنْ نجٛغٛ طُمْ بَنَ ڢَرِلَّ دٛوْ مٛوطٛنْ عٜ ࢡِࢡّٜ مٛوطٛنْ حَا ڢٛرٛيْ؞ 25تٛ عٛنْ نَسْتِ لٜسْدِ ندِ جَوْمِرَاوٛ عِينَنِ عٛنْ، کٜبِّتِنٜ جُولْدٜ ندٜعٜ؞ 26تٛ ࢡِࢡّٜ مٛوطٛنْ ࢨَمِ عٛنْ کٛ طُمْ يِطِ وِعْغٛ، 27مبِعٜ ࢡٜ: طُمْ کِرْسَنَاطُمْ جَوْمِرَاوٛ نغَمْ ݠَسْکَ؞ يَاکٜ إِسْرَاءِيلَعٜنْ طٛنّٛ ندٜرْ لٜسْدِ مِصْرَ، جَوْمِرَاوٛ مبَرِ مِصْرَعٜنْ، عَمَّا عٛدِوِ شِعٜ مٜىٰطٜنْ، بَنَ نِي عٛحِسْنِ يِمْࢡٜ شِعٜ مٜىٰطٜنْ؞» يِمْࢡٜ إِسْرَاءِيلَ تُرِ، شُجِدِ؞ 28ندٜنْ ࢡٜنجٜحِ، ࢡٜمبَطِ بَنَ جَوْمِرَاوٛ عُمْرُنٛ مُوسَى عٜ هَـٰرُونَ؞
مَايْدٜ عَڢْࢡٜ
29شَکَ جٜمَّ جَوْمِرَاوٛ مبَرِ عَڢْࢡٜ مِصْرَعٜنْ ڢُو، دِغَ عَڢٛ ڢِرْعَوْنَ، مٛ تَمِّ رٛنُغٛ لٜىٰسٛ لَامُ مَاکٛ، حَا عَڢٛ کَࢡَّاطٛ غٛنْطٛ ندٜرْ ڢُرْسِنَ#12:29 ڢُرْسِنَ مَلَّ بٛو سُودُ يَنغَدَ؞، نٛنْ بٛو عَڢِ دَبَّاجِ ڢُو؞ 30ڢِرْعَوْنَ عُمِّ جٜمَّ، کَنغْکٛ عٜ سَرَاکِعٜنْ مَاکٛ عٜ مِصْرَعٜنْ ڢُو؞ بٛجِّ شَاتُطِ عُمِّ ندٜرْ مِصْرَ، نغَمْ وَلَا سَارٜ ندٜ مَايْطٛ وَلَا؞ 31ڢِرْعَوْنَ عٜوْنِ مُوسَى عٜ هَـٰرُونَ جٜمَّ، وِعِ ࢡٜ: «عُمّٜ، نغُرْتٜ، عَشّٜ عُمَّاتٛورٜ عَمْ، عٛنٛنْ عٜ يِمْࢡٜ إِسْرَاءِيلَ ڢُو! ندِلّٜ، نجَغَّنٜ جَوْمِرَاوٛ، بَنَ مبِعْطٛنْ! 32کٛوعٜ بٛو دَمّٛوجِ مٛوطٛنْ عٜ نَعِ مٛوطٛنْ، بَنَ مبِعْطٛنْ! ندِلّٜ، تٛرٜ اَللَّه مٛوطٛنْ عٛمبَرْکِطِنَ يَمْ!» 33مِصْرَعٜنْ نُمِ ࢡٜمَايَنْ ڢُو، نغَمْ مَاجُمْ ࢡٜنجَاوِ وُرْتِنْغٛ إِسْرَاءِيلَعٜنْ دِغَ لٜسْدِ مَࢡّٜ؞ 34نغَمْ دَلِيلَ مَنْ إِسْرَاءِيلَعٜنْ عَدِ کُرٛورِ مَࢡّٜ جِيࢡَاندِ دِغَ ندِ عُڢْنَاکَ، ࢡٜمبَکِّ جِيࢡْرُطٜ کُرٛورِ شَاوَاطٜ ندٜرْ لِمْشٜ مَࢡّٜ؞ 35إِسْرَاءِيلَعٜنْ مبَطِ بَنَ مُوسَى وِعْنٛ ࢡٜ، ࢡٜࢨَمِ حَا مِصْرَعٜنْ ندٛکَّ ࢡٜ کُوجٜ شَرْدِ عٜ کُوجٜ کَنغّٜىٰرِ عٜ لِمْشٜ؞ 36جَوْمِرَاوٛ وَطِ حَا يِمْࢡٜ مَاکٛ کٜࢡِ مٛعّٜرٜ يٜىٰسٛ مِصْرَعٜنْ، حَا ࢡٜندٛکِّ ࢡٜ کٛ ࢡٜࢨَمِ؞ بَنَ نٛنْ ࢡٜࢡٛرْتِرِ مِصْرَعٜنْ#غُرْتَاکِ 3:21-22؞؞
إِسْرَاءِيلَعٜنْ نغُرْتِ مِصْرَ
37ࢡَاوٛ مَنْ إِسْرَاءِيلَعٜنْ عُمِّ رَعْمٜسٜسْ، ندِلِّ سُکّٛتْ، وٛرْࢡٜ عُجِنٜ تٜىٰمٜطّٜ نجٛوٜىٰغٛ (600,000) يَحٛوࢡٜ، رٜوْࢡٜ عٜ ࢡِکّٛيْ لِمَاکَ؞ 38يِمْࢡٜ طُوطْࢡٜ ڢٜىٰرٜ ڢٜىٰرٜ ندِلِّدِ بٜى مَࢡّٜ؞ ࢡٜنجَحْرِ بٛو دَمّٛوجِ عٜ نَعِ، دَبَّاجِ طُوطِّ مَسِنْ؞ 39ࢡٜتَمْسِ کُرٛورِ جِيࢡَاندِ ندِ ࢡٜنغُرْتِدِنٛ مِصْرَ غٛ، ࢡٜمبَطِ تَمْسٜىٰجٜ بِلَا عُڢْنِرْطُمْ ندٜرْ مَاجٜ، نغَمْ ࢡٜندِيوِ ࢡٜ دِغَ مِصْرَ، ࢡٜمبَاوَايْ رٜىٰنُغٛ کٛو سٜطَّ عٜ ࢡٜمبَاوَايْ بٛو تَاسْکَنَاغٛ کٛعٜ مَࢡّٜ نجٛوࢡَارِ؞
40وَکَّتِ عُمَّاتٛورٜ إِسْرَاءِيلَ نجٛوطِ حَا لٜسْدِ مِصْرَ، وَطِ دُوࢡِ تٜىٰمٜطّٜ نَيِ عٜ شَݠَّنْطٜ تَتِ (430)؞#لَاتَانٛوجِ 15:13؛ غَلَاتِيَعٜنْ 3:17؞ 41ندٜ دُوࢡِ تٜىٰمٜطّٜ نَيِ عٜ شَݠَّنْطٜ تَتِ مَنْ تِمِّ، ندٜرْ ࢩَلَادٜ ندٜعٜ، حٛنٛوࢡٜ جَوْمِرَاوٛ، وَاتٛ عُمَّاتٛورٜ إِسْرَاءِيلَعٜنْ ڢُو نغُرْتِ لٜسْدِ مِصْرَ؞ 42بَنَ جَوْمِرَاوٛ حَکِّلَنِرِ جٜمَّارٜ مَنْ نغَمْ وُرْتِنْغٛ عُمَّاتٛورٜ مَاکٛ دِغَ لٜسْدِ مِصْرَ، نٛنْ بٛو سٜيْ إِسْرَاءِيلَعٜنْ ڢُو کَکِّلَنَ جٜمَّارٜ مَنْ دَلِيلَ جَوْمِرَاوٛ حَا غِدٜ مُوطُمْعٜنْ ڢُو؞
43ڢَحِنْ جَوْمِرَاوٛ وِعِ مُوسَى عٜ هَـٰرُونَ: «ندَا ڢَرِلَّ دٛوْ جُولْدٜ ݠَسْکَ: تَا جَنَنّٛ ࢩَامَ ࢩَامْدُ مَاکَ؞ 44عَمَّا تٛ غٛطّٛ وٛودِ مَشُّطٛ شٛودَاطٛ بٜى شٜىٰدٜ، سٜيْ عٛجُولْنَ مٛ حِدّٜکٛ عٛࢩَامَ ࢩَامْدُ مَاکَ؞ 45کٛطٛ عٜ کُووٛووٛ نغَمْ نغٜىٰنَارِ ࢩَامَتَا ࢩَامْدُ مَاکَ؞
46عٛنْ ࢩَامَ کُسٜلْ نغٜعٜلْ ندٜرْ سُودُ وٛورُ؞ تَا نغُرْتِنٜ نغٜلْ يَاسِ؞
تَا نغٜوٜ کٛو غٛوتَلْ ندٜرْ عِعٜ مَاغٜلْ#لِمْلٜ 9:12؛ جَبُورَ 34:21؛ يُحَنَّ 19:36؞؞ 47جَمَعَارٜ إِسْرَاءِيلَ ڢُو وَطَ جُولْدٜ ندٜعٜ؞ 48تٛ کٛطٛ طٛنْ حَا مٛوطٛنْ يِطِ وَطُغٛ جُولْدٜ ݠَسْکَ نغَمْ جَوْمِرَاوٛ، سٜيْ يِمْࢡٜ مَاکٛ وٛرْࢡٜ ڢُو نجُولْنٛ؞ ندٜنْ عٛࢡَدِتٛ وَطُغٛ جُولْدٜ، عٛلَاتٛ بَنَ ࢡِي لٜسْدِ؞ عَمَّا سَادٛونِيجٛ ࢩَامَتَا ࢩَامْدُ مَاکَ؞ 49طُمْ عُمْرٛورٜ وٛورٜ دٛوْ إِسْرَاءِيلَعٜنْ عٜ دٛوْ کٛطٛ جٛوطِيطٛ ندٜرْ لٜسْدِ مٛوطٛنْ؞» 50إِسْرَاءِيلَعٜنْ ڢُو مبَطِ بَنَ جَوْمِرَاوٛ عُمْرُنٛ مُوسَى عٜ هَـٰرُونَ؞ 51ࢩَلَادٜ مَنْ ندٜنْ جَوْمِرَاوٛ وُرْتِنِ حٛنٛوࢡٜ مُمْ، وَاتٛ عُمَّاتٛورٜ مُمْ إِسْرَاءِيلَعٜنْ لٜسْدِ مِصْرَ ڢٛدّٜ مٛوࢡٜ مُوطُمْعٜنْ؞
Currently Selected:
غُرْتَاکِ 12: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
