Salmow 53
53
Gwesper 10
SALM 53.
Dixit insipiens.
1An den anfur re leveris yn y golonn : ‘Nyns eus Duw.’
2Legrys yns, hag i re wrug sherewneth kasadow : nyns eus denvyth a wrello dader.
3Duw a viras war-woeles dhiworth nev war vebyon den : dhe weles mars esa denvyth fur, ow hwilas Duw.
4Pubonan anedha re gildennas, legrys yns i oll war-barth : nyns eus denvyth a wrello dader, nyns eus nagonan.
5A ny gonvedh an dhrogoberoryon : ow tybri ow fobel kepar dell dhebrons bara? Ny alwsons war Dhuw.
6Ena yth esens i yn own bras yn tyller ma nag esa own : rag Duw re skattras eskern an den a gampyas a-dro dhis; ty re wrug mewl dhedha, rag Duw dh'aga dispresya.
7A teffa selwyans Ysrael yn-mes a Sion! Pan dreyl Duw kethneth y bobel ev : Yakob a vydh lowen, ha heudhik vydh Ysrael.
Currently Selected:
Salmow 53: ASK
Highlight
Share
Copy
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019
