Salmow 52
52
SALM 52.
Quid gloriaris?
1Prag y fostydh yn drogober, ty vreselyas : tregeredh Duw a dhur oll an jydh.
2Dha daves a breder terroes : yth yw avel altenn lymm, ow kul falsuri.
3Ty a gar drog moy ages da : ha gowleverel moy ages kewsel gwiryonedh.
4Ty a gar oll geryow fell : ty fals taves.
5Duw ynwedh a'th tistru bynitha : ev a'th kemmer dhe-ves, ha'th tenna yn-mes a'th tylda, ha kemmeres dha wreydhenn mes a dir an re vew.
6An re wiryon a wel, ha perthi own : ha hwerthyn orto;
7Ottomma an gour na wrug Duw y skovva : mes ev a drestyas yn y rychys meur, ha hwilas skovva yn y sherewneth.
8Mes my yw avel olewbrenn glas yn chi Duw : my a drest yn tregeredh Duw bys vykken ha bynnari.
9My a'th wormel bynitha, rag ty dhe wul hemma : ha fydhya a wrav y'th Hanow, rag da yw, a-wel dhe'th syns.
Currently Selected:
Salmow 52: ASK
Highlight
Share
Copy
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019
