Salmow 46
46
SALM 46.
Deus noster refugium.
1Duw yw agan skovva ha'gan nerth : gweres yn anken na fyll nevra.
2Rakhenna ny berthyn own, kyn fo an nor chanjys : ha kyn krenno an menydhyow yn kres an mor;
3Kyn tarenno y dhowrow hag ewyni : ha kyn krenno an menydhyow gans y hwythfians.
4Yma avon, ha'y goverow a lowenha sita Duw : an tyller sans, trigva an Ughella.
5Yma Duw a-bervedh ynni, ytho ny wra hi krena : Duw a weres dhedhi orth tardh an jydh.
6An kenedhlow a dervas, an gwlaskordhow a grenas : ev a ros y lev, an nor a deudhis.
7Yma Arloedh an luyow genen ni : Duw Yakob yw agan skovva.
8Dewgh, mirewgh orth obereth an Arloedh : pana derroes re wrug ev war an nor.
9Ev a wra dhe vreselyow hedhi bys yn pennow an nor : ev a derr an warak, ha treghi an guw, ha leski an charettow y'n tan.
10Bedhewgh kosel, ha godhvydhewgh my dhe vos Duw : my a vydh ughelhes yn mysk an kenedhlow, my a vydh ughelhes y'n nor.
11Yma Arloedh an luyow genen ni : Duw Yakob yw agan skovva.
Currently Selected:
Salmow 46: ASK
Highlight
Share
Copy
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019
