Popular Bible Verses from Salmow 46

Share

Bedhewgh kosel, ha godhvydhewgh my dhe vos Duw : my a vydh ughelhes yn mysk an kenedhlow, my a vydh ughelhes y'n nor.

Duw yw agan skovva ha'gan nerth : gweres yn anken na fyll nevra. Rakhenna ny berthyn own, kyn fo an nor chanjys : ha kyn krenno an menydhyow yn kres an mor

Yma avon, ha'y goverow a lowenha sita Duw : an tyller sans, trigva an Ughella. Yma Duw a-bervedh ynni, ytho ny wra hi krena : Duw a weres dhedhi orth tardh an jydh.

Ev a wra dhe vreselyow hedhi bys yn pennow an nor : ev a derr an warak, ha treghi an guw, ha leski an charettow y'n tan.