PANURIRANG JESAYA Bindu 34
Bindu 34
Lumbalumba ni uhum tu sandok angka bangso 1-4.
Lumbalumba ni uhum dompak Edom 5-17.
I. 1Jumonok ma hamu angka parbegu mananginangi dohot hamu angka bangso patinggil hamu pinggolmuna! Mananginangi ma ho ale tano on ro di isina, ho ale portibi on ro di nasa na tubu disi. 2Ai marsigorgor do rimas ni Jahowa mangonai tu sude angka parbegu, jala marpiarpiar murukna dompak sude parangannasida. Nunga tung ditorui ibana nasida, nunga dipasahat nasida tu pamotongan. 3Jadi marragean ma angka na mate tongtang sian nasida jala manongap tu ginjang bau ni bangkenasida i, pola malala angka dolok dibahen mudarnasida. #Jes 14:19 4Malala ma dohot saluhut parangan ni langit, jala * balunonna ma angka langit i songon pustaha, jala saluhut parangannasida malos, marurus songon bulung ni hau anggur jala songon harururus ni parbue ni antajau. #* Mat 24:29; 2Ptr 3:10; Pgk 6:13-14
II. 5Ala naung mabuk podangku di banuaginjang, ida ma, tuat ma i tu * Edom dohot tu bangso naung hupadiri tu uhum: #* Jer 49:7-22 6Gok mudar do podang ni Jahowa, marlinolino sian tabotabo, sian mudar ni angka anak ni birubiru dohot hambing tunggal, sian sigumangi piapia ni angka birubiru tunggal; ai masa do pelean sipotongon di Jahowa di Bosra, jala pamotongan godang di tano Edom. #Jes 63:1 7Jadi marunggal ma angka horbo rap dohot nasida ro di lombu dohot jonggi gabe mabuk ma luatnasida i sian mudar jala marmiak orbuknasida i sian tabotabo. 8Ai masa ma * ari partubolan di Jahowa, taon pamalosan laho martubolhon Sion. #* Jes 13:6, 9, 63:4 9Jadi muba ma angka sungenasida gabe puli, jala orbuknasida gabe barerang, gari tanona i gabe damar na marsigorgor. #1Mus 19:24 10Borngin dohot arian ndang mintop, ro di salelenglelengna do martimpul timusna i; sian * sundut tu sundut tarulang, ndang adong be jolma pamolus disi salelenglelengna. #* Pgk 14:11, 19:3 11Jadi soluhon ni siboru tasik dohot sulandak ma i, maringan ma disi sipauk dohot sigak jala sintahan ni Debata ma tusi pamalok hasiapon dohot batu hatarulangon. #Sep 2:14; Pgk 18:2 12Ndang adong be disi angka jolma na sangap i, angka na tau mamegang harajaon, jala saluhut pangarajaina pesan do. 13Jadi tubuan tadatada ma angka bagasna na bolon, latong dohot siarum horsik di bagasan hutana angka na gonting, gabe * inganan ni angka naga, jala panjampalan ni angka pidong unto naposo. #* Jes 13:21-22 14Jadi pajumpang ma disi angka binatang adaran dohot biang jalang, jala marsijouan angka begu nurnur naeng mangulon disi nang begu borngin, hape ndang jumpangsa pangulonanna. #Jes 13:21; Pgk 18:2 15Marasar do disi ulok dari, jala ia dung marpira diporpori do, jala dipapungu angka anakna tu parlinggomanna, marpungu do huhut disi lali sombop mardapotdapot. 16Diori hamu ma buku ni Jahowa jala jaha hamu! Nanggo sada sian angka i ndang tartading, ndang adong hurang sada manang dua. Ai apala pamanganku do mandokkon jala apala Tondina papungupunguhon. #Mat 24:35; Joh 5:39 17Jala apala ibana sandiri mandabu partalian tu nasida, jala tanganna marbagi di nasida marhitehite hotang pamalok; ro di salelenglelengna nasida tumeansa, sian sundut tu sundut nasida maringan disi.
Currently Selected:
PANURIRANG JESAYA Bindu 34: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.