PANURIRANG JESAYA Bindu 31
Bindu 31
Udutna: Ndada sian jolma, Debata sambing do haroroan ni pangurupion 1-9.
1Marjea ma angka * na tuat tu Misir mangido pangurupion jala + mangasahon angka hoda, jala marpos ni roha di angka hureta, ala toropna dohot tu angka jolma parsihundul, ala marhuaso situtu nasida; alai ndang manaili nasida anggo tu na badia ni Israel, jala ndang dilului nasida Jahowa. #* Jes 30:1-2; + Ps 20:8 2Alai ibana pe na pistar do jala * diparo hinamago, jala ndang + diuba hatana, sai hehe do ibana mangalo pinompar ni halak parjahat dohot mangalo panumpahion ni halak sibahen hajahaton. #* Am 3:6; + 4Mus 23:19 3Ai jolma do nang halak Misir ndada Debata, hodanasida i pe * sibuk do, ndada tondi; jadi patoltolon ni Jahowa ma tanganna, gabe tarsulandit panolongi jala tinggang na tinolongan, jadi rap siap ma nasida sude. #* Jer 17:5; Sak 4:6 4Ai songon on do hata ni Jahowa tu ahu: Songon sada singa manang anak ni singa na patungoromon mida soroanna nang pe pinaimpi dompak ibana sasude angka parmahan ndang olo tarsonggot maradophon soaranasida i, jala ndang olo tunduk maradophon hagunturonnasida i, suang songon i do hatutuat ni Jahowa Zebaot laho marmusu humongkop dohot Sion dohot robeanna i. 5Songon pidong na mangkurmuk anakna, suang songon i do pangondingi ni Jahowa Zebaot di Jerusalem, ondinganna jala paluaonna, olananna jala pangoluonna. #5Mus 32:11; Mat 23:37 6Mulak ma hamu, ale anak ni Israel, tu ibana na tinundalanmuna situtu na sai laon. 7Ai di ari na sasada i ambolongkonon ni * ganup jolma ma ajiajianna angka na sian perak dohot sere, angka na binahen ni tanganmuna di hamu mambahen mardosa. #* 1Mus 35:2; Jes 2:20 8Jadi marragean ma Assur marhitehite podang, ndada * podang ni baoa manang podang ni jolma manganhon ibana; gabe maporus ibana maradophon podang jala gabe hatoban angka dolidolina i. #* Jes 37:36 9Jadi salpuanna ma * partanobatoanna i sian biar ni rohana, jala raion angka ulubalangna so mardongan tonggol, ninna Jahowa nampuna api di Sion jala nampuna pamurunan di Jerusalem. #* 5Mus 32:31
Currently Selected:
PANURIRANG JESAYA Bindu 31: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.