PANURIRANG JESAYA Bindu 30
Bindu 30
Torutoru tu bangso mangalului panumpahion sian Misir 1-7.
Panundalionnasida sian Debata manogihon nasida tu hamagoan 8-14.
Alai marpangulahi ma muse roha ni Debata mida nasida molo dipauba nasida rohanasida 15-26.
Bagabaga taringot tu haluaon sian Assur 27-33.
I. 1Marjea ma * anak angka na marbalik ninna Jahowa, angka na mambahen tahi so marhite sian ahu, jala mambahen janji so marhite sian tondingku, asa pagukguk dosa tu dosa. #* Jes 1:2 2Angka na laho tuat tu Misir, hape ndang jolo marpanungkun tu pamanganku, naeng marhara tu hagogoon ni Firaun, jala marhaporusan tu linggom ni Misir. #Jer 37:7; Hes 17:15 3Hape ingkon gabe haurahonmuna do hagogoon ni Firaun jala gabe haelesonmuna do haporusan tu linggom ni Misir. 4Ai sahat tu * Zoan angka rajanasida, jala tolhas ro di Hanes angka suruannasida. #* Jes 19:11 5Saluhut do nasida tarurak ala ni bangso na so marguna di nasida, na so marpanumpahion manang marguna, ai gabe haurahon do i dohot haeleson. #Jer 2:36 6Uhum madabu tu angka pinahan ni tano pardangsina: Di tano hagogotan dohot hasosahan, haroroan ni singa boruboru dohot jantan, haroroan ni libe dohot naga na habang ditaruhon nasida di atas tanggurung ni halode artanasida, jala di atas tanggurung na bungkuk ni unto sinamotnasida tu sada bangso na so marguna. 7Ai alogo sambing do panumpahion ni Misir, dibahen i hugoar do i: * Rahab, hape sai so do nasida. #* Ps 87:4, 89:11; Jes 51:9
II. 8Antong ro ma ho, uhirhon ma i tu sada batu di jolonasida jala surathon ma i tu bagasan sada buku, asa tongtong dipeop tu ari sogot ro di salelenglelengna. #5Mus 31:19 9Ai bangso na tangkang do nasida, angka anak pargabus, angka anak na so olo manangihon patik ni Jahowa. 10Angka na mandok tu halak paralatan: Unang hamu maralatan! Dohot tu angka panurirang: Unang surirangkon hamu tu hami hasintongan! Lomo ni rohanami ma tagonan paboa hamu, jala angka sipaotooto surirangkon hamu. 11Manginsurut ma hamu sian dalan i, manimbil ma hamu sian dalan na bolon, padao hamu ma sian jolonami ibana na badia ni Israel. 12Dibahen i songon on do hata ni na badia ni Israel: Ala dibolongkon hata on, jala marhaposan hamu tu pangarupaon dohot tu panimbilon jala marpangunsandean tusi. 13Dibahen i hajahaton on gabe doshon rigatrigat na gistang di hamu, nunga pola duruk di dorpi na timbo, ganup tongkin do ibana panagamnagamon di hatotompasna. 14Jala taporanna nasida, songon hatatapor ni hudon tano, na tinaporan so maralangalang, ndang adong jumpang sian taportaporna i tau ngarngar pangalapan gara ni api sian tataring, manang manahui aek sian sumur.
III. 15Ai songon on do hata ni Tuhan Jahowa, na badia ni Israel! Marhitehite hamulakon dohot * hahohomon jumpangan hatuaon hamu; marhitehite hasabamon dohot marhitehite nalom ni roha maruli hagogoon hamu. Alai ndang olo hamu. #* 2Mus 14:14; Ps 37:7, 62:2 16Lam didok hamu do: Ndangana, tagonan hami mangkunduli hoda laho maporus, dibahen i ingkon maporus hamu tutu; tagonan hami marsihundul tu na doras mardalan, dibahen i lam marenjak ma halak na mangalele hamu. #2Raj 25:4 17* Saribu halak sian hamu maporus maradophon ogaoga ni sada halak, maradophon ogaoga ni na lima halak maporus do hamu sude paima pasipasimuna, songon hau na rimpur di punsu ni dolok, jala songon tonggol di robean. #* 3Mus 26:36; 5Mus 32:30 18Dibahen i sai maimaima Jahowa, naeng marpangulahi rohana tu hamu; laos alani borhat ibana asa asianna hamu, ai Jahowa do Debata ni uhum. * Martua ma sude na mangkaposi ibana. #* Ps 2:12; Poda 16:20; Jer 17:7 19Ho ale bangso na maringan di Sion, di Jerusalem, na so tupa be tama tangis hamu! Asi ma rohana di ho, disi * begeonna soara ni angguhanggukmu, alusanna ma ho. #* Jes 65:24 20Jala nang dilehon Tuhan i tu hamu roti hagogotan dohot aek pangarupaon, alai ndang be martabuni anggo angka gurum, idaon ni matam ma tongtong angka gurami. #1Raj 22:27; Ps 80:6; Jer 37:15 21Jala apala pinggolmu umbege hata ni na mandok sian pudim: On do dalan i, i ma dalan i! * Unang manimbil hamu tu siamun manang tu hambirang! #* 5Mus 5:29, 28:14 22Jadi * ramunanmuna ma disi ganaganaanmu angka na nilampis dohot perak, ro di ulos angka na marhadohoan, gombaranmu na tinompa sian sere pe, sirsirhononmu ma angka i songon napu, misir ma ho, i ma dohononmu tu ibana. #* 1Mus 35:2, 4; 2Kron 29:5; Jes 2:20, 27:9 23Jadi ibana ma mangalehon udan tu bonim naung sinaburhonmu tu haumam, dohot roti gogo ni hauma i, togong ma i huhut marmiak bahenonna, manjampal ma ia pinahanmu di ari na sasada i di panjampalan na bidang. #Jes 32:15-20 24Tole angka jonggi dohot halode, angka na maninggalai tano i, panganonna ma gagaton na togong saor sira, naung sinege marhitehite durungdurung dohot anduri. 25Jadi adong ma di atas ni saluhut dolok angka na timbo dohot rahisrahis na hinsat, angka sunge angka halian aek di ari tongtangan godang, molo marumpak angka palaspalas. #Jes 34:1-4; Joel 4:18; Am 9:13 26Jadi * tiur ni bulan ma disi songon tiur ni mata ni ari, jala silompit pitu hali ganda tiur ni mata ni ari i, doshon hatiuron ni pitu ari tahe, di ari uju liliton ni Jahowa bugang ni bangsona, jala + pamalumonna holiholi na magas binahen ni paminsangna? #* Jes 60:19; + Jes 61:1
IV. 27Ida ma, ro ma goar ni Jahowa sian na dao, marsigorgor ia rimasna, martimpul ma timus i, ia bibir ni pamanganna gok rimas na marpiarpiar, jala dilanai doshon api na mandilatdilati do. 28Jala hosana doshon aek magodang * tolhas ro di rungkung, mamiari angka bangso parbegu marhitehite anduri hasiapon, jala + kokang haliluon ampe tu osangosang ni angka bangso. #* Jes 8:8; + 2Tes 2:11 29Alai anggo di hamu masa ende pujipujian songon uju di borngin parhontasan tu pesta dohot halalas ni roha songon halak na martulila laho manopot dolok ni Jahowa, tu dolok batu ni Israel. #5Mus 16:16 30Alai patubegehonon ni Jahowa ma soarana na marmulia i jala pataridahononna tanganna na mangondam marhitehite parpiar ni muruk dohot * jilam ni api na maniaphon marhitehite aek na sumar, udan tipotipo dohot batu ambolas. #* Ps 50:3; Jes 29:6 31Ai tarsonggot ma Assur maradophon soara ni Jahowa, na mangalipat ibana marhitehite tungkot. 32Jala nasa pamolusan ni tungkot paminsangon i sipasonggopon ni Jahowa tu ibana, masa do i marhitehite pamaluon hasarhasar dohot hasapi dohot marhitehite angka hamusuon na sobu aloonna ibana. #2Mus 15:20 33Ai nunga tibu hian * diparade pamurunan i di nasida dohot di rajai dipadiri, bagas jala lambas do i dibahen; godang situtu do api dohot hau di pamurunanna i, na pinagalak ni hosa ni Jahowa, doshon sunge barerang do godangna. #* 2Raj 23:10; Mat 25:41; Pgk 19:20
Currently Selected:
PANURIRANG JESAYA Bindu 30: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.