ગીતશાસ્ત્ર 98
98
ઈશ્વર:સૃષ્ટિના રાજા
ગીત
1યહોવાની આગળ
નવું ગીત ગાઓ,
કેમ કે તેમણે આશ્ચર્યકારક કૃત્યો
કર્યાં છે;
તેમના જમણા હાથે તથા
તેમના પવિત્ર બાહુએ
પોતાને માટે વિજય મેળવ્યો છે.
2યહોવાએ પોતાનું તારણ જણાવ્યું;
તેમણે પોતાનું ન્યાયીપણું
વિદેશીઓની દષ્ટિમાં પ્રગટ કર્યું છે.
3તેમણે પોતાની કૃપા તથા વિશ્વાસુપણું
ઇઝરાયલના લોકોને માટે
સંભાર્યાં છે;
પૃથ્વીની સર્વ સીમાઓએ આપણા
ઈશ્વરનું તારણ જોયું છે.
4હે પૃથ્વીના સર્વ [લોકો] ,
યહોવાની આગળ હર્ષનાદ કરો;
ઉત્સાહથી હર્ષનાં ગીત ગાઓ,
હા, સ્તોત્રો ગાઓ.
5વીણાસહિત, વીણા તથા ગાયનસહિત
યહોવાનાં સ્તોત્રો ગાઓ.
6તૂરી તથા રણશિંગડાના નાદથી
યહોવા રાજાની આગળ હર્ષનાદ કરો.
7સમુદ્ર તથા તેનું સર્વસ્વ,
જગત તથા તેમાંના
રહેવાસીઓ, ગાજો.
8પ્રવાહો, તાળી પાડો;
પર્વતો, યહોવાની સમક્ષ એકત્ર
હર્ષનાદ કરો.
9તે પૃથ્વીનો ન્યાય કરવાને આવે છે;
તે ન્યાયીપણાએ જગતનો,
અને યથાર્થપણાએ લોકોનો,
ન્યાય કરશે.
Currently Selected:
ગીતશાસ્ત્ર 98: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
