ગીતશાસ્ત્ર 96
96
ઈશ્વર:સર્વોચ્ચ રાજા
(૧ કાળ. ૧૬:૨૩-૩૩)
1યહોવાની આગળ
નવું ગીત ગાઓ;
આખી પૃથ્વી, યહોવાની આગળ ગાઓ.
2યહોવાની આગળ ગાઓ,
તેમના નામને સ્તુત્ય માનો;
દિનપ્રતિદિન તેમનું
તારણ પ્રગટ કરો.
3વિદેશીઓમાં તેમનો મહિમા,
અને સર્વ લોકોમાં
તેમના ચમત્કાર, જાહેર કરો.
4કેમ કે યહોવા મોટા અને
બહુ સ્તુત્ય છે.
સર્વ દેવો કરતાં તે ભયાવહ છે.
5લોકોના સર્વ દેવો મૂર્તિઓ જ છે;
પણ યહોવાએ આકાશોને
ઉત્પન્ન કર્યાં.
6સન્માન તથા મહિમા
તેમની સમક્ષ છે;
સામર્થ્ય તથા શોભા
તેમના પવિત્રસ્થાનમાં છે.
7લોકોનાં કુળો, #ગી.શા. ૨૯:૧-૨. યહોવાની સ્તુતિ કરો,
ગૌરવ તથા સામર્થ્ય યહોવાને આપો.
8યહોવાના નામને શોભતું ગૌરવ
તેમને આપો.
અર્પણ લઈને તેમનાં
આંગણામાં આવો.
9પવિત્રતાની સુંદરતાએ
યહોવાને ભજો;
આખી પૃથ્વી, તેમની આગળ કંપો.
10વિદેશીઓમાં કહો,
“યહોવા રાજ કરે છે;
જગત પણ એવી રીતે સ્થાપન કરવામાં
આવેલું છે તે ખસેડી શકાય નહિ;
તે યથાર્થપણે લોકોનો ન્યાય કરશે.”
11આકાશો આનંદ કરો,
અને પૃથ્વી હરખાઓ;
સમુદ્ર તથા તેનું ભરપૂરપણું ગાજો;
12ખેતર તથા તેમાં જે કંઈ છે
તે સર્વ ઉત્સાહ કરો;
ત્યારે વનનાં સર્વ વૃક્ષો યહોવાની
આગળ હર્ષનાદ કરશે,
13કેમ કે તે આવે છે;
તે પૃથ્વીનો ન્યાય કરવા આવે છે;
તે યથાર્થપણે જગતનો, અને
તેમની સત્યતાએ લોકોનો ન્યાય કરશે.
Currently Selected:
ગીતશાસ્ત્ર 96: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
