ગીતશાસ્ત્ર 8
8
પ્રભુમહિમા અને માનવગૌરવ
મુખ્ય ગવૈયાને માટે; રાગ ગિત્તીથ. દાઉદનું ગીત.
1હે યહોવા, અમારા પ્રભુ,
આખી પૃથ્વીમાં
તમારું નામ કેવું ઉત્તમ છે!
તમે આકાશમાં પોતાનો
મહિમા મૂક્યો છે.
2તમારા શત્રુઓને કારણે
તમે #માથ. ૨૧:૧૬. બાળકોને તથા ધાવણાંઓને મુખે
તમારું બળ પ્રગટ કર્યું છે કે,
શત્રુને તથા વૈરીને તમે શાંત પાડો.
3આકાશો, જે તમારા હાથનાં કૃત્યો છે,
અને ચંદ્ર તથા તારાઓ,
જેઓને તમે ઠરાવ્યા છે,
તેઓ વિષે હું વિચાર કરું છું,
4 #
અયૂ. ૭:૧૭-૧૮; ગી.શા. ૧૪૪:૩; હિબ. ૨:૬-૮. ત્યારે [હું કહું છું કે,]
માણસ તે કોણ છે કે,
તમે તેનું સ્મરણ કરો છો?
અને મનુષ્યપુત્ર કોણ કે,
તમે તેની મુલાકાત લો છો?
5કેમ કે તમે તેને ઈશ્વર કરતાં થોડો જ
ઊતરતો સૃજ્યો છે,
અને તમે તેના પર ગૌરવ તથા
માનનો મુગટ મૂકો છો.
6તમારા હાથનાં કામ પર તમે તેને
અધિકાર આપ્યો છે;
#
૧ કોરીં. ૧૫:૨૭; એફે. ૧:૨૨; હિબ. ૨:૮. તેના પગ તળે તમે બધું મૂક્યું છે:
7એટલે સર્વ મેંઢાં તથા ઢોર,
હા, રાની પશુઓ પણ.
8આકાશનાં પક્ષીઓ, સમુદ્રનાં માછલાં,
હા, સમુદ્રમાં જે કંઈ ચાલે છે તે [બધું
તમે તેની સત્તા નીચે મૂક્યું છે].
9હે યહોવા, અમારા ઈશ્વર,
આખી પૃથ્વીમાં
તમારું નામ કેવું ઉત્તમ છે!
Currently Selected:
ગીતશાસ્ત્ર 8: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
