ગીતશાસ્ત્ર 5
5
રક્ષણ માટેની પ્રાર્થના
મુખ્ય ગવૈયાને માટે; નહીલોથ સાથે ગાવાને. દાઉદનું ગીત.
1હે યહોવા, મારા બોલવા પર
કાન ધરો,
મારા ચિંતન પર લક્ષ લગાડો.
2હે મારા રાજા અને મારા ઈશ્વર,
મારી અરજ સાંભળો!
કેમ કે હું તમારી પ્રાર્થના કરું છું.
3હે યહોવા, સવારમાં
તમે મારી પ્રાર્થના સાંભળશો;
સવારમાં તે સિદ્ધ કરીને
[ઉત્તરને માટે] હું તાકી રહીશ.
4કેમ કે દુષ્ટતાથી ખુશી થાય એવા
ઈશ્વર તમે નથી;
ભૂંડાઈ તમારી પાસે રહી શકતી નથી.
5તમારી હજૂરમાં ગર્વિષ્ઠો ઊભા રહી
શક્તા નથી;
કેમ કે તમે સર્વ દુષ્કર્મીઓનો
દ્વેષ કરો છો.
6જૂઠું બોલનારાઓનો નાશ તમે કરશો;
ખૂની તથા કપટી માણસોથી
યહોવા કંટાળે છે.
7પણ હું તો તમારી પુષ્કળ કૃપાથી તમારા
મંદિરમાં આવીશ;
હું તમારી બીક રાખીને
તમારા પવિત્ર મંદિર તરફ [ફરીને]
ભજન કરીશ.
8હે યહોવા, મારા શત્રુઓના કારણથી
તમે તમારા ન્યાયીપણામાં
મને ચલાવો.
મારી આગળ તમારો માર્ગ
પાધરો કરો.
9કેમ કે તેમના બોલવામાં કંઈ
સત્યતા નથી.
તેઓનાં અંત:કરણોમાં નરી
દુષ્ટતા છે;
#
રોમ. ૩:૧૩. તેમનું ગળું ઉઘાડી કબર છે.
તેઓ પોતાની જીભે ખુશામત કરે છે.
10હે ઈશ્વર, તમે તેઓને અપરાધી ગણો.
તેઓ પોતાની જ યુક્તિઓમાં
પોતે ફસાઈ પડે.
તેમના પુષ્કળ અપરાધોને લીધે
તેઓને હડસેલી કાઢો;
કેમ કે તેઓએ તમારી વિરુદ્ધ
બંડ મચાવ્યું છે.
11પણ તમારા પર ભરોસો રાખનારા
બધા આનંદ કરશે;
તમે તેમનું રક્ષણ કરો છો માટે
તેઓ સદા હર્ષનાદ કરશે.
વળી તમારા નામ પર પ્રેમ કરનારા
તમારામાં હર્ષ પામશે.
12કેમ કે તમે ન્યાયીને આશીર્વાદ આપશો.
હે યહોવા, જાણે ઢાલથી તેમ
મહેરબાનીથી તમે તેને ઘેરી લેશો.
Currently Selected:
ગીતશાસ્ત્ર 5: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
