ગીતશાસ્ત્ર 29
29
આંધીમાં ઈશ્વરનો અવાજ
દાઉદનું ગીત.
1 #
ગી.શા. ૯૬:૭-૯. હે પરાક્રમી દૂતો,
યહોવાને આપો,
ગૌરવ તથા સામર્થ્ય યહોવાને આપો.
2યહોવાના નામનું ગૌરવ તેમને આપો;
પવિત્રતાની શોભા [ધારણ કરીને]
યહોવાને ભજો.
3યહોવાનો સાદ પાણી પર [ગાજે] છે,
ગૌરવવાન ઈશ્વર ગર્જના કરે છે,
હા, યહોવા ઘણા પાણી પર [ગર્જના
કરે છે].
4યહોવાનો સાદ સમર્થ છે;
યહોવાનો સાદ માહાત્મ્યથી
ભરપૂર છે.
5યહોવાનો સાદ દેવદારોને
ભાંગી નાખે છે;
હા, યહોવા લબાનોનનાં દેવદારોના
ટુકડેટુકડા કરી નાખે છે.
6વળી તે તેઓને વાછરડાની જેમ
કુદાવે છે;
જંગલી ગોધાના બચ્ચાની જેમ
તે લબાનોન તથા સિર્યોનને
[કુદાવે છે].
7યહોવાનો સાદ અગ્નિની
જ્વાળાને ભેદે છે.
8યહોવાનો સાદ અરણ્યને ધ્રુજાવે છે;
યહોવા કાદેશના અરણ્યને ધ્રુજાવે છે.
9યહોવાના સાદથી હરણીઓના
ગર્ભ ગળી જાય છે
અને ઝાડીઓનાં ડાળાંપાંખડાં
તૂટી પડે છે.
અને તેમના મંદિરમાં સર્વ કહે છે,
“પ્રભુને મહિમા હો!”
10યહોવા, જળપ્રલય સમયે
બિરાજ્યા હતા;
વળી યહોવા સર્વકાળ રાજા તરીકે
બિરાજનાર છે.
11યહોવા પોતાના લોકને સામર્થ્ય આપશે;
યહોવા પોતાના લોકને શાંતિનો
આશીર્વાદ આપશે.
Currently Selected:
ગીતશાસ્ત્ર 29: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
