ગીતશાસ્ત્ર 27
27
સ્તુતિગાન
દાઉદનું [ગીત].
1યહોવા મારું અજવાળું તથા
મારું તારણ છે;
હું કોનાથી બીઉં? યહોવા મારા
જીવનનું સામર્થ્ય છે;
મને કોનું ભય લાગે?
2જ્યારે કુકર્મીઓ,
એટલે મારા વેરીઓ તથા શત્રુઓ,
મને ઠાર કરવાને ચઢી આવ્યા,
ત્યારે તેઓ ઠેસ
ખાઈને પડી ગયા.
3જો કે સૈન્ય મારી વિરુદ્ધ છાવણી નાખે,
તોપણ હું મનમાં ડરીશ નહિ.
જો કે મારી વિરુદ્ધ યુદ્ધ ઊઠે,
તો પણ હું [ઈશ્વર પર]
ભરોસો રાખીશ.
4યહોવા પાસે મેં એક વરદાન માગ્યું છે,
કે યહોવાનું મંદિર મારી જિંદગીના
સર્વ દિવસો પર્યંત મારું
નિવાસસ્થાન થાય,
જેથી તેમના સૌંદર્યનું અવલોકન
કર્યા કરું,
અને તેમના પવિત્રસ્થાનમાં
તેમનું ધ્યાન ધરું.
5કેમ કે સંકટને સમયે તે પોતાના
માંડવામાં મને ગુપ્ત રાખશે;
પોતાના મંડપને આશ્રયે
તે મને સંતાડશે;
તે મને ખડક ઉપર ચઢાવશે.
6હવે મારી આસપાસના શત્રુઓ ઉપર
મારું માથું ઊંચું કરવામાં આવશે.
અને હું તેમના મંડપમાં હર્ષનાદનાં
અપર્ણ ચઢાવીશ;
હું ગાઈશ, હા,
હું યહોવાનાં સ્તોત્ર ગાઈશ.
7હે યહોવા, હું મારી વાણીથી
વિનંતી કરું છું ત્યારે તે સાંભળો;
વળી મારા પર દયા કરીને
મને ઉત્તર આપો.
8“મારું મુખ શોધ”
[એમ તમે મને કહ્યું, ત્યારે]
મારા હ્રદયે તમને કહ્યું કે,
હે યહોવા, હું તમારું મુખ શોધીશ.
9મારાથી તમારું મુખ ન ફેરવો.
કોપ કરીને તમારા સેવકને
કાઢી ન મૂકો.
તમે મારા સહાય [કારી] થયા છો;
હે મારા તારણના ઈશ્વર,
મને દૂર ન કરો, અને મને તજી ન દો.
10મારા પિતાએ તથા મારી માએ
મને તજી દીધો છે,
પણ યહોવા મને સંભાળશે.
11હે યહોવા, તમારો માર્ગ મને શીખવો;
અને મારા શત્રુઓને લીધે
મને સરળ માર્ગમાં દોરી જાઓ.
12મને મારા વેરીઓની ઇચ્છાને
સ્વાધીન ન કરો,
કેમ કે જૂઠા સાક્ષીઓ તથા જુલમના
ફૂંફાડા મારનારા મારી વિરુદ્ધ
ઊઠયા છે.
13આ જીવનમાં હું યહોવાની દયાનો
અનુભવ કરીશ,
એવો જો મેં વિશ્વાસ ન કર્યો હોત
તો [હું નિર્ગત થઈ જાત].
14યહોવાની રાહ જો;
બળવાન થા, અને હિમ્મત રાખ;
હા, યહોવાની રાહ જો.
Currently Selected:
ગીતશાસ્ત્ર 27: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
