માથ્થી 10

બાર પ્રેરિતોને અધિકાર આપ્યો

(માર્ક ૩:૧૩-૧૯; લૂ. ૬:૧૨-૧૬)

1પછી તેમણે પોતાના બાર શિષ્યોને પાસે તેડીને અશુદ્ધ આત્માઓને કાઢવાનો, તથા દરેક પ્રકારની માંદગી તથા હરેક જાતનો રોગ દૂર કરવાનો અધિકાર તેઓને આપ્યો.

2અને તે બાર પ્રેરિતનાં નામ આ છે: પહેલો, સિમોન, જે પિતર કહેવાય છે તે, ને તેનો ભાઈ આન્દ્રિયા; ઝબદીનો દીકરો યાકૂબ, તથા તેનો ભાઈ યોહાન; 3ફિલિપ તથા બર્થોલ્મી; થોમા તથા માથ્થી દાણી; અલ્ફીનો દીકરો યાકૂબ તથા થાદી; 4સિમોન કનાની, તથા યહૂદા ઈશ્કારિયોત, જે તેને પરસ્વાધીન કરનાર પણ હતો.

બાર પ્રેરિતોને સોંપેલું સેવાકાર્ય

(માર્ક ૬:૭-૧૩; લૂ. ૯:૧-૬)

5ઈસુએ તે બારને મોકલીને એવી આજ્ઞા આપી, “તમે પરદેશીઓના વિસ્તારોમાં ન જાઓ ને સમરૂનીઓના કોઈ નગરમાં ન પેસો. 6પણ તેના કરતાં ઇઝરાયલના ઘરનાં ખોવાયેલાં ઘેટાંની પાસે જાઓ. 7અને તમે જતાં જતાં એમ પ્રસિદ્ધ કરો કે, ‘આકાશનું રાજ્ય પાસે આવ્યું છે.’ 8માંદાંઓને સાજાં કરો, રક્તપિત્તીઓને શુદ્ધ કરો, મૂએલાંઓને ઉઠાડો, અશુદ્ધ આત્માઓને કાઢો:તમે મફત પામ્યા, મફત આપો. 9સોનું કે રૂપું કે તાંબુ તમારા કમરબંધમાં ન રાખો. 10મુસાફરીને માટે ઝોળી અથવા બે પહેરણ અથવા જોડા, અથવા લાકડી પણ ન લો. કેમ કે #૧ કોરીં. ૯:૧૪; ૧ તિમ. ૫:૧૮. મજૂર પોતાના પોષણને યોગ્ય છે. 11અને જે જે નગરમાં કે ગામમાં તમે જાઓ, તેમાં યોગ્ય કોણ છે એની તપાસ કરો, ને ત્યાંથી નીકળતાં સુધી તેને ત્યાં રહો. 12અને ઘરમાં જઈને ઘરનાંને સલામ કહો. 13અને જો તે ઘર યોગ્ય હોય તો તમારી કુશળતા તેના પર આવશે, પણ જો તે યોગ્ય નહિ હોય તો તમારી કુશળતા તમારા પર પાછી આવશે. 14અને #પ્રે.કૃ. ૧૩:૫૧. જો કોઈ તમારો આવકાર ન કરે, ને તમારી વાતો ન સાંભળે તો તે ઘરમાંથી અથવા તે નગરમાંથી નીકળતાં તમે તમારા પગ પરની ધૂળ ખંખેરી નાખો. 15હું તમને ખચીત કહું છું કે, ન્યાયકાળે #ઉત. ૧૯:૨૪-૨૮. સદોમ તથા ગમોરા દેશના #માથ. ૧૧:૨૪. હાલ તે નગરનાં કરતાં સહેલ થશે. #લૂ. ૧૦:૪-૧૨.

આવનાર સતાવણીઓ

(માર્ક ૧૩:૯-૧૩; લૂ. ૨૧:૧૨-૧૭)

16 # લૂ. ૧૦:૩. જુઓ, વરુઓમાં ઘેટાંના જેવા હું તમને મોકલું છું. માટે તમે સાપના જેવા હોશિયાર, તથા કબૂતરના જેવા સાલસ થાઓ. 17અને #માર્ક ૧૩:૯-૧૧; લૂ. ૧૨:૧૧-૧૨; ૨૧:૧૨-૧૫. તમે માણસોથી સાવધાન રહો. કેમ કે તેઓ તમને ન્યાયસભાઓને સોંપશે, ને તેઓનાં સભાસ્થાનોમાં તમને કોરડા મારશે. 18અને તેઓને તથા વિધર્મીઓને માટે સાક્ષીને અર્થે મારે લીધે તમે હાકેમોની તથા રાજાઓની આગળ લઈ જવાશો. 19પણ જ્યારે તેઓ તમને પકડાવે ત્યારે તમે ચિંતા ન કરો કે અમે શી રીતે અથવા શું બોલીએ, કેમ કે શું બોલવું તે તે જ ઘડીએ તમને આપવામાં આવશે. 20કેમ કે જે બોલે છે તે તો તમે નથી, પણ તમારા પિતાનો જે આત્મા તે તમારામાં બોલે છે.

21અને #માર્ક ૧૩:૧૨; લૂ. ૨૧:૧૬. ભાઈ ભાઈને તથા પિતા દીકરાને મારી નંખાવવાને સોંપી દેશે, ને છોકરાં માબાપની સામે ઊઠીને તેઓને મારી નંખાવશે. 22અને #માથ. ૨૪:૯; માર્ક ૧૩:૧૩; લૂ. ૨૧:૧૭. મારા નામને માટે સહુ તમારો દ્વેષ કરશે, તોપણ #માથ. ૨૪:૧૩; માર્ક ૧૩:૧૩. જે કોઈ અંત સુધી ટકશે તે તારણ પામશે. 23અને જ્યારે તેઓ એક નગરમાં તમારી પાછળ પડે ત્યારે તમે બીજે નાસી જાઓ, કેમ કે હું તમને ખચીત કહું છું કે માણસનો દીકરો આવે ત્યાં સુધી ઇઝરાયલના સઘળાં નગરોમાં તમે ફરી વળશો નહિ.

24 # લૂ. ૬:૪૦. ચેલો ગુરુ કરતાં મોટો નથી, ને #યોહ. ૧૩:૧૬; ૧૫:૨૦. દાસ પોતાના શેઠ કરતાં મોટો નથી. 25ચેલો પોતાના ગુરુ સરખો હોય, ને દાસ પોતાના શેઠ સરખો હોય તો તે જ ઘણું છે. જો #માથ. ૯:૩૪; ૧૨:૨૪; માર્ક ૩:૨૨; લૂ. ૧૧:૧૫. ઘરના ઘણીને તેઓએ બાલઝબૂલ કહ્યો છે, તો તેના ઘરના લોકોને કેટલું વિશેષે કરીને તેઓ એમ જ કહેશે?

કોની બીક રાખવી?

(લૂ. ૧૨:૨-૭)

26તે માટે તેઓથી તમે બીહો નહિ, કેમ કે #માર્ક ૪:૨૨; લૂ. ૮:૧૭. ઉઘાડું નહિ કરાશે એવું કંઈ ઢાંકેલું નથી, ને પ્રગટ નહિ થશે એવું કંઈ ગુપ્ત નથી. 27હું તમને અંધારામાં જે કહું છું તે તમે અજવાળામાં કહો, ને તમે કાને જે સાંભળો છો તે ધાબાંઓ પરથી પ્રગટ કરો. 28અને શરીરને જેઓ મારી નાખે છે, પણ આત્માને મારી નાખી શકતા નથી, તેઓથી બીહો નહિ; પણ એના કરતાં આત્મા તથા શરીર એ બન્‍નેનો નાશ નરકમાં જે કરી શકે છે તેનાથી બીહો. 29પૈસાની બે ચકલી વેચાતી નથી શું? તોપણ તમારા પિતા [ની ઇચ્છા] વગર તેમાંથી એકેય ભોંય પર પડનાર નથી. 30અને તમારા માથાના વાળ પણ બધા ગણેલા છે. 31એટલે બીહો નહિ, ઘણી‍ ચકલીઓ કરતાં તમે મૂલ્યવાન છો.

ખ્રિસ્તનો સ્વીકાર અને નકાર

(લૂ. ૧૨:૮-૯)

32માટે માણસોની આગળ જે કોઈ મને કબૂલ કરશે, તેને હું પણ મારા આકાશમાંના પિતાની આગળ કબૂલ કરીશ. 33પણ #૨ તિમ. ૨:૧૨. માણસોની આગળ જે કોઈ મારો નકાર કરશે, તેનો નકાર હું પણ મારા આકાશમાંના પિતાની આગળ કરીશ.

શાંતિ નહિ, સંઘર્ષ લાવું છું

(લૂ. ૧૨:૫૧-૫૩; ૧૪:૨૬-૨૭)

34‘પૃથ્વી પર શાંતિ કરાવવાને હું આવ્યો છું, એમ ન ધારો; શાંતિ તો નહિ, પણ તરવાર ચલાવવાને હું આવ્યો છું. 35કેમ કે #મી. ૭:૬. માણસને તેના બાપને ઊલટો, તથા દીકરીને તેની માને ઊલટી, તથા વહુને તેની સાસુને ઊલટી કરવાને હું આવ્યો છું. 36અને માણસના વૈરી તેના ઘરમાંનાં જ થશે. 37મારા કરતાં જે પિતા અથવા મા પર વત્તો પ્રેમ કરે છે તે મારે યોગ્ય નથી. અને દીકરા કે દીકરી પર જે મારાં કરતાં વત્તો પ્રેમ કરે છે, તે મારે યોગ્ય નથી. 38અને #માથ. ૧૬:૨૪; માર્ક ૮:૩૪; લૂ. ૯:૨૩. પોતાનો વધસ્તંભ ઊંચકીને મારી પાછળ જે આવતો નથી તે મારે યોગ્ય નથી. 39#માથ. ૧૬:૨૫; માર્ક ૮:૩૫; લૂ. ૯:૨૪; ૧૭:૩૩; યોહ. ૧૨:૨૫. જે પોતાનો જીવ બચાવે છે તે તેને ખોશે, ને મારે લીધે જે પોતાનો જીવ ખુએ છે તે તેને બચાવશે.

બદલો

(માર્ક ૯:૪૧)

40 # લૂ. ૧૦:૧૬; યોહ. ૧૩:૨૦. ‘જે તમારો આવકાર કરે છે તે મારો પણ આવકાર કરે છે, ને #માર્ક ૯:૩૭; લૂ. ૯:૪૮. જે મારો આવકાર કરે છે તે મારા મોકલનારનો પણ આવકાર કરે છે. 41પ્રબોધકનો પ્રબોધક તરીકે જે આવકાર કરે છે, તે પ્રબોધકનું ફળ પામશે; અને ન્યાયીનો ન્યાયી તરીકે જે આવકાર કરે છે તે ન્યાયીનું ફળ પામશે. 42અને હું તમને ખચીત કહું છું કે શિષ્ય તરીકે જે કોઈ આ નાનામાંના એકને માત્ર ઠંડા પાણીનું પ્યાલું પીવાને આપે, તે તેનું ફળ પામ્યા વિના રહેશે જ નહિ.”

Currently Selected:

માથ્થી 10: GUJOVBSI

Highlight

Copy