યશાયા 46
46
1બેલ નમી જાય છે, નબો વાંકો
વળે છે; તેમની મૂર્તિઓ
જાનવરો પર તથા ઢોર પર
[લાદવામાં આવે] છે;
જે વસ્તુઓ તમે ઉઠાવી લેતા હતા
તે તેઓ પર લાદેલી છે,
તેઓ થાકેલાને ભારરૂપ થઈ છે.
2તેઓ બધા વાકાં વળે છે,
તેઓ નમી જાય છે;
તેઓ ભારને બચાવી શકતા નથી,
વળી તેઓ પોતે બંદીવાન થયા છે.
3હે યાકૂબનાં સંતાનો તથા ઇઝરાયલનાં
સંતાનોના અવશેષ, તમે સર્વ મારું
સાંભળો, ગર્ભવાસથી માંડીને
મેં તમને ઉપાડી લીધા છે, વળી
ગર્ભસ્થાનથી માંડીને [મેં તમને]
ઊંચકીને ફેરવ્યા છે;
4તમારા ઘડપણ સુધી હું તે જ છું,
પળિયાં આવતાં સુધી હું [તમને]
ઉપાડી લઈશ; મેં ઉત્પન્ન કર્યું છે
ને હું [તમને] ઊંચકી રાખીશ; હા,
હું [તમને] ઉપાડી લઈશ,
ને [તમને] બચાવીશ.
5તમે કોની સાથે મને સરખાવશો,
ને કોનો બરાબરિયો મને કરશો?
કોની સાથે મારો મુકાબલો કરીને
મને સરખાવશો?
6જેઓ થેલીમાંથી સોનું ઠાલવે છે,
ને કાંટાએ રૂપું જોખે છે,
તેઓ સોનીને રાખે છે,
ને તે એનો દેવ બનાવે છે;
તેઓ તેને પગે લાગે છે,
અને પ્રણામ કરે છે.
7તેઓ તેને ખભા પર ઊંચકે છે,
તેને ઉપાડી લઈને
તેના પોતાના સ્થાનમાં મૂકે છે,
તે ઊભો રહે છે;
પોતાના સ્થાનમાંથી તે ખસતો નથી.
વળી કોઈ તેને હાંક મારે, પણ
તે ઉત્તર આપી શકતો નથી; કે એના
સંકટમાંથી તે એને તારી શકતો નથી.
8હે બંડખોર લોકો, આનું સ્મરણ કરો,
અને લજવાઓ;
તમે એ ફરી ધ્યાનમાં લાવો.
9પુરાતન કાળની બિનાઓનું સ્મરણ
કરો; કેમ કે હું ઈશ્વર છું,
ને બીજો કોઈ નથી; હું ઈશ્વર છું, ને
મારા જેવો કોઈ નથી,
10આરંભથી પરિણામ જાહેર કરનાર, તથા
જે થયું નથી તેની પુરાતન કાળથી
ખબર આપનાર હું છું.
મારો સંકલ્પ દઢ રહેશે, ને મારા સર્વ
ઈરાદા હું પૂરા કરીશ.
11પૂર્વથી ગીધ પક્ષીને, એટલે દૂર દેશથી
મારા સંકલ્પને સિદ્ધ કરનાર પુરુષને,
હું બોલાવનાર છું; હું બોલ્યો છું,
અને તે પાર પણ પાડીશ;
મેં ધારણા કરી છે, તે હું પૂરી કરીશ.
12હે હ્રદયના હઠીલા, તથા ન્યાયથી વેગળા
[રહેનાર] , તમે સાંભળો,
13હું મારો ન્યાય પાસે લાવું છું,
તે છેટે રહેનાર નથી,
મારા તારણને વાર લાગવાની નથી;
હું સિયોનમાં મારું તારણ [મૂકીશ] ,
ને ઇઝરાયલને મારું ગૌરવ આપીશ.”
Currently Selected:
યશાયા 46: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
