યશાયા 35
35
પવિત્રતાનો માર્ગ
1અરણ્ય તથા સૂકી ભૂમિ
હરખાશે; વન આનંદ કરશે
ને ગુલાબની જેમ ખીલશે.
2તે પુષ્કળ ખીલશે, વળી આનંદ તથા
હર્ષનાદ કરીને તે હરખાશે;
તેને લબાનોનનું ગૌરવ, કાર્મેલ તથા
શારોનનો વૈભવ આપવામાં આવશે;
તેઓ યહોવાનું ગૌરવ,
આપણા ઈશ્વરનો વૈભવ જોશે.
3 #
હિબ. ૧૨:૧૨. ઢીલા હાથોને દઢ કરો, અને લથડતાં
ઘૂંટણોને સ્થિર કરો.
4જેઓ સ્વભાવે ઉતાવળા છે,
તેઓને કહો, દઢ થાઓ, બીશો નહિ;
જુઓ, તમારા ઈશ્વર!
વૈર લેવાશે, ઈશ્વર તેમને યોગ્ય
બદલો આપશે;
તે પોતે આવીને તમને તારશે.
5ત્યારે #માથ. ૧૧:૫; લૂ. ૭:૨૨. આંધળાઓની આંખો
ઉઘાડવામાં આવશે,
ને બહેરાઓના કાન પણ
ઉઘાડવામાં આવશે.
6લંગડો હરણની જેમ કૂદશે,
જે મૂંગાની જીભ ગાયન કરશે;
કારણ કે અરણ્યમાં પાણી,
અને વનમાં નાળાં ફૂટી નીકળશે.
7મૃગજળ તે તલાવડી, ને તરસી ભૂમિ
તે પાણીના ઝરા થઈ જશે;
શિયાળોના રહેઠાણમાં
[તેમને સૂવાને સ્થાને] ,
ઘાસની સાથે બરુ તથા સરકટ ઊગશે.
8ત્યાં રાજમાર્ગ થશે, અને તે પવિત્રતાનો
માર્ગ કહેવાશે.
તેમાં થઈને [કોઈ પણ]
અશુદ્ધ જશે નહિ.
તે માર્ગ પ્રભુના લોકોને માટે થશે;
અને મૂર્ખો પણ [તેમાં] ભૂલા
પડશે નહિ.
9ત્યાં સિંહ દેખાશે નહિ, ને કોઈ પણ
હિંસક પ્રાણી ત્યાં આવી ચઢશે નહિ,
ત્યાં તેઓ જોવામાં આવશે નહિ;
પણ ઉદ્ધાર પામેલાઓ ત્યાં ચાલશે.
10યહોવાના છોડાયેલા પાછા આવીને
હર્ષનાદ કરતા કરતા
સિયોન પહોંચશે;
અને તેઓને માથે
હમેશા આનંદ રહેશે;
તેઓને હર્ષ તથા આનંદ પ્રાપ્ત થશે,
ને તેમના શોક તથા
નિશ્વાસ જતા રહેશે.
Currently Selected:
યશાયા 35: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
