ማርቆሴ 13

ዬሱሴ ጌኤዦ ማኣሮኮ ሻሂንቲፆ ዛሎ'' ኬኤዜሢ

(ማቲ. 24፥1-2፤ ሉቃ. 21፥5-6)

1ዬሱሴ ጌኤዦ ማኣራፓ ኬስካንቴ ዒዛኮ ጊንፆ ሓንታዞንሢዳፓ ፔቴ''ስኬይ፦ «ዔርዛሢዮ! ሓያ ማኣሮ ማዦሮ ጊኢጊሾና ሹጮና ማዢንቴ ማኣራ ዎዚጉዲ ኮሽካቴያ ሂንዳ ዛጌ!» ጌዔኔ። 2ዬሱሴ ማሓዖ፦ «ሓያ ዼኤፖ ማኣሮ፥ ሹጮና ማዦናሢ ኔኤኒ ዛጋ? ሃይ ማኣራ ዶዓንዳኔ፤ ሹቺ ሹቺዳ ሃኣዒዲ ኬልቂንቲ ፔቴ''ታዖ ዓታዓኬ» ጌዔኔ።

ጎዳ ሙኮኮ ቤርታ ዳውሲሢና ሜቶና ሙካንዳሢ

(ማቲ. 24፥3-14፤ ሉቃ. 21፥7-19)

3ዬሱሴ ጌኤዦ ማኣሮኮ ቤርቶ ዛሎ''ና ሪሚቲ ዹካ ጎዖ ዹኮ''ይዳ ኬስኪ ዴዒ ዓኣንቴ ጴፂሮሴ፥ ያይቆኦቤ፥ ዮሓኒሴንታ ዒንዲራሴንታ ሌሊ ዒዛ ኮራ ሙካዖ፦ 4«ዬይ ኔኤኒ ጌዔ ባካ ማዓንዳሢ ዓይዲዳይ? ዬይ ቢያ ማዓኒ ዑካኣና ዔርታሢ ዓይጎናዳይ? ሂንዳ ኑም ኬኤዜ» ጌዒ ዖኦጬኔ።

5ዬሱሴ ዔያቶም ማሓዖ፦ «ዖኦኒያ ዒንሢ ዻቢሱዋጉዲ ዒንሢና ዔሩዋቴ፤ 6ሚርጌሢ፦ ‹ታኣኒ ሜሲሔኬ› ጌዒ ጌዒ ታ ሱ'ንፆና ሙኪ ሚርጌ ዓሲ ዻቢሳንዳኔ፤ 7ዒንሢኮ ዑኬ ዖልዚ ዔቄቶዋ ሓሣ ሓኬ ቤስካ ዓኣ ዖልዚ ሓይሴ ዋይዛዖ ዲቃቲፖቴ፤ ዬይ ማዑዋዖ ዓታዓኬ፤ ጋዓንቴ ጋፒንፃ ሃጊኬ። 8ፔቴ'' ዜርፃ ሜሌ'' ዜርፆይዳ፥ ካኣታ'' ካኣቶ''ይዳ ዖልዚ ዔቂሳንዳኔ፤ ዱማ ዱማ ቤስካ ሳዓ ዓጊፂሢና ናይዚና ማዓንዳኔ፤ ዬይ ቢያ ሾይቺ ዓርቂሢ ቆፂ'' ሜታሳሢጉዲ ሜቶ''ኮ ቢያ ቤርቶኬ።

9«ዒንሢያ ዒንሢ ዛሎ'' ኮሺ'' ዔሩዋቴ፤ ዓይጎሮ ጌዔቶ ዓሳ ዒንሢ ዎጌም ዓኣሢ ዒንጋንዳኔ፤ ዓይሁዴ ዓሶኮ ቡኪንቶ ቤዞይዳ ጳርቂንቲ ታኣኮ ዒንሢ ማርካ ማዓንዳጉዲ ታ ዛሎ''ና ዎይሣ ዓሶና ካኣቶ''ና ቤርታ ዒንሢ ዎጌም ሺኢካንዳኔ። #ማቲ. 10፥17-20። 10ጋፒንፃ ሙካንዳሢኮ ቤርታ ጋዓንቴ ኮዦ ሓይሳ ዱማ ዱማ ዜርፆም ቢያ ሄላ''ኒ ኮይሳኔ። 11ዓሳ ዒንሢ ዓርቂ ዎጌም ሺኢሻኣና ‹ኑኡኒ ዓይጎ ኬኤዛንዳ ናንዳይ?› ጌዒ ቤርታዺ ሜታዺፖቴ፤ ዒንሢ ሺኢኬ ዎዶ''ና ዒንሢኮ ዒና'' ሙኬሢ ኬኤዙዋቴ፤ ዓይጎሮ ጌዔቶ ዒማ''ና ኬኤዛሢ ዓያና ጌኤሺ ማዓንዳፓ ዓቴም ዒንሢቱዋሴ። 12ጌርሲ ፔኤኮ ጌርሲ፥ ዓዴ ፔኤኮ ናዖ ሓይቢም ዓኣሢ ዒንጋንዳኔ፤ ናኣታ'' ሾዔ ዓሶ ዒፂ ዓኣሢ ዒንጊሢና ዎዺሳንዳኔ። 13ታ ዛሎሮ ዒንሢ ዓሲና ቢያ ዒፂንቴያ ማዓንዳኔ፤ ጋፒንፆ ሄላ''ንዳኣና ጊቢ'' ዶዳሢ ጋዓንቴ ዻቃንዳኔ።» #ማቲ. 10፥22።

ዬሩሳላሜ ዓጮ''ይዳ ሄላ''ኒ ዓኣ ፑርቶ ሜታሢ ዛሎ''

(ማቲ. 24፥15-28፤ ሉቃ. 21፥20-24)

14ሓሣ ዓሲ ዒኢሳ ፑርታ ባኣዚ''ና ሻኣካ'' ባኣዚ'' ጴዻኒ ኮይሱዋ ቤስካ ማዺንታንቴ ዒንሢ ዛጋንዳኔ፤ ዬያ ናባባሢ ዒና ዔኮንጎ፤ ዬኖ ዎዶ''ና ዪሁዳ ዓጮ''ይዳ ዓኣ ዓሳ ቢያ ዹኮ'' ባንሢ ቤቶንጎ።#13፥14 ዳኣኔ. 9፥27 ጊዳ'' ዓኣሢ ዛጌ። #ዳኣኔ. 9፥27፤ 11፥31፤ 12፥11። 15ሹጮና ማዦና ማኣሮኮ ዑፆይዳ ዓኣ ዓሲ ኬኤፃፓ ኬዲ'' ፔቴ'' ባኣዚ'' ዔካንዳኔ ጌዒ ኔጎፓ፤ #ሉቃ. 17፥31። 16ጎሺዳ ዓኣዺ ዓኣ ዓሲ ዓፒሎ ፔኤኮ ዔካኒ ጊንሣ ማዖፓ፤ 17ዬኖ ዎዶ''ና ጎጶይንዳሢና ናኣቶ'' ዓኣሎ'' ዒንዶንሢናም ባዴዔ፤ 18ዬይ ቢያ ባርጊ ዎዴና ማዑዋጉዲ ሺኢቁዋቴ። 19ዬኖ ዎዶ''ና ፆኦሲ ሳዖ ማዤማፓ ዓርቃዖ ሙኪ ዬኖ ኬሎ'' ሄላ''ንዳኣና ዛጊቤቂቦ ሜቶና ዋኣዮና ማዓንዳኔ፤ ሴካ ቤርቲም ማዔቶዋ ዬያጉዴ ሜቶና ዋኣዮና ማሊ ሄላ''ዓኬ። #ዳኣኔ. 12፥1፤ ዮሓ. ፆፔዻ 7፥14። 20ፆኦሲ ዬያ ኬሎ''ኮ ፓይዶ'' ዻኪሲባኣያታቴ ዻቃኒ ዖኦኒያ ዳንዳዒንዱዋንቴኬ፤ ጋዓንቴ ዶኦሪንቴዞንሢሮ ጌዒ ዬይ ኬላ'' ቢያ ቃሚቃንዳኔ።

21«ዬያሮ ዖና ማዔቶዋ ‹ሜሲሔ ሓይሾ ሓካኬ›፤ ‹ዬይሾ ያሶኬ› ጌዔቶ ጉሙርቂፖቴ። 22ዎይቴይ ጌዔቶ ሉኡዚ ሜሲሔንሢና ሉኡዚ ፆኦሲ ማሊሢ ኬኤዛያ ማላ ዓሲ ሙካንዳኔ፤ ዔያቶም ዳንዳዒንቴቶ ፆኦሲኮ ዔርቲ ጉሙርቂንታ ዓሶታዖ ዻቢሳኒ ዓኪ ዲቃሣ ባኣዚ''ና ማላታና ዔያታ ማዻንዳኔ። 23ዒንሢና ኮሺ'' ዔሩዋቴ! ሃያ ባኮ ቢያ ዬይ ዎዳ'' ሄላ''ንዳሢኮ ቤርታሲ ታ ዒንሢም ኬኤዛኔ።»

ዓሲ ናዓሢኮ ሙኮ

(ማቲ. 24፥29-31፤ ሉቃ. 21፥25-28)

24ዬኖ ዎዶ''ና ዬያ ሜቶ''ኮ ቢያ ጊንፃ ዓባ'' ዹማንዳኔ፥ ዓጊናኣ ፖዒንዱዋሴ፤ #ዒሲ. 13፥10፤ ሂዚ. 32፥7፤ ዒዩ. 2፥10፤ 3፥15፤ ዮሓ. ፆፔዻ 6፥12። 25ዦኦጋሢያ ጫሪንጫፓ ኬዳ''ዛ ጫሪንጮይዳ ዎልቄና ዓኣ ባካ ቢያ ዓጊፃንዳኔ። #ዒሲ. 34፥4፤ ዒዩ. 2፥10፤ ዮሓ. ፆፔዻ 6፥13። 26ዬካፓ ዓሲኮ ናዓሢ ዼኤፒ ዎልቄና ቦንቺንቲ ሻኣሬና ሙኪ ጴዻንዳኔ፤ #ዳኣኔ. 7፥13፤ ዮሓ. ፆፔዻ 1፥7። 27ፔኤኮ ኪኢታንቾ ዒዚ ዳካዛ ዔያታ ዖይዶ ዛሎ'' ቢያ ዴንዲ ዓጮ''ኮ ጋፓፓ ጫሪንጮ ጋፖ ሄላ''ንዳኣና ዓኣ ዒዛኮ ዶኦሪንቴዞንሢ ቡኩሳንዳኔ።

ዎዶ''ኮ ጋፒንፆ ዔርዛ ቤሌሶ ሚፄሎ

(ማቲ. 24፥32-35፤ ሉቃ. 21፥29-33)

28ዬሱሴ ኬኤዛዖ፦ «ቤሌሶ ሚፄሎኮ ኮኦኪንሣ ዒንሢም ዔርዛያ ማዓንዳጉዲ፤ ዒዞኮ ካኣፓ ፂሊ፥ ዒላሺ ኬሳ'' ዎዶ''ና ዖጎሢ#13፥28 ዖጎሢ፦ ዒስራዔኤሌ ዓጪና ዒኢካ ዓኣ ሚፃ ፂሊ ዒላሺ ኬሳ'' ዎዴኬ። ዑኬሢ ዒንሢ ዔራኔ። 29ዬያጉዲ ዒንሢያ ዬይ ባካ ቢያ ማዓዛ ዛጋዖ ዓሲኮ ናዓሢ ሙካ ዎዳ'' ዑኬሢና ሙኪ ካራ'' ዓኣሢ ዔሩዋቴ፤ 30ጎኔ ታኣኒ ዒንሢም ጋዓኔ፤ ሓይ ሾይንታ ዓኣዻንዳሢኮ ቤርታ ዬይ ቢያ ማዓንዳኔ። 31ጫሪንጮና ሳዖና ዓኣዻንዳኔ፤ ታኣኮ ቃኣላ'' ጋዓንቴ ናንጊና ዶዲ ናንጋንዳኔ» ጌዔኔ።

ጋፒንፆ ኬሌሎና ዎዶ''ና ዖኦኒያ ዔሩዋያ ማዒፆ

(ማቲ. 24፥36-44)

32ዬሱሴ ሃሣ፦ «ጋዓንቴ ዬኖ ኬሌሎና ዎዴሎና ዛላ ዓዳሢፓ ዓቴም ዖኦኒያ ዔራያ ባኣሴ፤ ጫሪንጮይዳ ዓኣ ኪኢታንቾታቶዋ ሓሣ ናዓሢያ ዔሩዋሴ። #ማቲ. 24፥36። 33ዬና ዎዳ'' ዓይዲ ሙካንዳቴያ ዒንሢ ዔሩዋኣሢሮ ኮሺ'' ዶዱዋቴ። 34ዬና ዎዳ'' ማኣሮ ፔኤኮ ሃሺ'' ሓኬ ዓጪ ዓኣዼ ዓሲስኬያ ማላኔ፤ ዒዚ ፔቴ'' ፔቴ'' ዒዛም ማዻ ዓሶም ዱማ ዱማ ማዾ ዒንጋዖ ካፓ ዓሢም ኮሺ'' ዶዲ ካፓንዳጉዲ ዓይሤኔ። #ሉቃ. 12፥36-38። 35ዬያሮ ማኣሮኮ ዓዳሢ ሙካንዳ ዎዶ'' ዒንሢ ዔሩዋያታሢሮ ዒንሢና ኮሺ'' ዔሩዋቴ፤ ጎዖንቴ ዒዚ ሴካ ዒባኒ፥ ዓቴቶ ሳዖኮ ጊዲሚሺ፥ ማዒባኣቶ ኮይዳ ቂኢቃኣና፥ ዔይዔ ጌዔቶ ጉቴ'' ዹቡርታ ሙካንዳኣናንዳኔ፤ 36ዔሩዋዖ ዒንሢ ጊንዒ ዓኣንቴ ዒዚ ሙኪ ዒንሢ ዴንቁዋጉዲ ዶዱዋቴ፤

37«ዒንሢም ታኣኒ ኬኤዛሢጉዲ ሓንጎ ዓሶማኣ ዶዱዋቴ ታ ጋዓኔ» ጌዔኔ።

Currently Selected:

ማርቆሴ 13: MNT

Highlight

Copy