1 Pedro 3

Nkexrín chrókꞌuejó ti sin tsíkóte̱he

1 # Ef. 5:22; Col. 3:18. *Jahara chojnichjin ó tsíkóte̱he, chrókuitekákohénra ti xìára kixin ti nkojín sin na̱xa̱ titekakonhña sin Díos la chrókuitekaon sin kixin jína tjáko̱xinra la ticháxi̱nhña tsochenkara nkexrín chrókuitekaon sin, 2kixin ó tsꞌikon sin kixin jína tjejora la ko chontehera sin kjuasàya. 3#1Ti. 2:9.*Máhña chrókóxakohanra ti nkehe náxrjón tjásimá a̱sánra la chrókjui̱nchenkexinra la ko jehya ihnke chrókjuendoára ti ikjára chróchónta nkehe náxrjón la ko ti nkehe tsíkꞌónaxín oro ko iká imá tjete. 4Náhí. Chrokjui̱nchejína a̱sánra, kixin ti nkehe chaxín náxrjón tsꞌitjáñahña mé ti a̱sén chojni tónínkakonhña. Tíha mé imá sínkí nkayakon Díos. 5Ti ósé mé xi̱kaha kꞌuékjichꞌe ti chojnichjin jína. Jehe sin mé kuinkáchónki sin Díos la ko kjuínchexiteyéhe sin ti xìi sin. 6#Gn. 18:12.*Mé xi̱kaha kjuíchꞌe ti tjan Sara, kjuínchexiteyéhe tjan chꞌin Abraham, la ndáchro tjan kixin ìnché tjan ti chꞌin Abraham. A̱ndá jahara chojnichjin, ti tjénka̱yáxinra ti nkehe jína la ko ninkehó kjuachrakon chróchontahyara mé tsꞌónara éxi xje̱en ti tjan Sara. 7#Ef. 5:25; Col. 3:19.*Kja̱xin jahara chojnindoa tsíkóte̱he, xráxinkaonra ti ichjiánra la chontehera tjan kjuasàya, chrókjuínki̱tsara tjan kixin kanhñó fuerte tjan la ó nohara kixin Díos mé tsjajon ti kjuachón nkochríxín. Ti xi̱kaha chrókuitekáonra la kohya nkehe tsꞌinkákohe̱n ti ó tsonixjehéra Díos.

Ti sin tjasótexín ti ixra̱ jína kjuíchꞌe sin

8Méxra̱, nkoko̱a chrókꞌuejora chrókjuénka̱yáxinra jína, la chrókui̱konoéhéra kichuara la ko chrótjue̱héra sin. Nkojína chrónixjehéra kichuara la chrókjui̱nchejína a̱sánra la ko chrókjui̱nchejiéhya a̱sánra. 9Ti ichrén nkehe jínahña chrókjuitꞌahara nkojín chojni, la xi̱kahña chrókjui̱chꞌera jahara. Ti chrókꞌuándaxíha̱nra sin la xi̱kahña chrókꞌuándaxíhínra sin. Náhí. Ícha jína chrókjuanchehéra Díos kixin chrókjuincheñao chꞌan ti jehe sin kixin Díos kꞌuéyehe ti jahara kixin chrókꞌuayéhéra ti kjuachaxin kuènté chꞌan. 10#Sal. 34:12-16.*Éxi ndáchro xroon itén Díos:

Ti nkexro tjinkaon kjuaxróxin tsjakꞌe kaín ña̱o,

la chji̱ñéhña chrónixja sin ti nkehe jínahña

la ko ninkehó kjuachꞌia chrókꞌuaxrjexinhña ti irꞌua sin.

11Ícha jína chrókui̱to̱héra ti nkehe jínahña,

a̱ndá chrókjuéyára ti nkehe jína,

la ko chrókjuéyára kixin kjuaxróxin chrókꞌuejoko̱ara kaín chojni.

12Kixin Ìnchéni la tꞌayakohen ti nkexro jína

la ko tihin chꞌan ti ó nixje̱he̱ sin chꞌan,

kjánchó ti nkexro ichꞌe ti nkehe jínahña, la tjinki̱tsahya chꞌan.

13¿Xá nkexro chrókjuitꞌahara nkojín nkehe jínahña, ti tjejochꞌera ti nkehe jína? 14#Mt. 5:10.#Is. 8:12, 13.*A̱ndá ti chrókjuasótexínra ti nkehe jína tjejochꞌera, la chrókócháhara, chróchrakue̱nhñara ninkexró la ko chrókóxakuanhñara. 15Ícha jína chrókjuíkosáyehéra Cristo nkaya a̱sánra kixin jehe chꞌan mé Ìnchéni. Chrokꞌuejora listo chrókjuáte̱héra ti nkehe chrókjuanchankíhara nkojín chojni nkexrín ti tinkachónkira Ìnchéni, kjánchó chrókjui̱nchenkehyara la chrókjuáte̱héra jína ti ichrén nkehe chrókjuanchankí sin. 16Chrokjuáko̱xinra jína kixin chrókꞌuikon ti sin xrichꞌia tꞌándaxíhanra kixin jína tjejora tinkachónkira Cristo, ndá chrókósuéhe̱ sin. 17Ícha jína chrókjuasótiaxínra ti nkehe jína tjejochꞌera ti xi̱kaha tjinkaon Díos, ke ti nkojín nkehe jínahña chrókjuasótiaxínra.

18Kixin Cristo la kjuasótexín chꞌan la ikꞌuén chꞌan kixin ti ijie̱ kuènténi, ó nkoko̱axón ikꞌuén chꞌan. Jehe chꞌan la imá jína chꞌan, kjánchó kjuasóteyákohe̱n chꞌan ti jeheni kjónté jínahñani, ndá xi̱kaha jína sátsji̱koni chꞌan ti itjen Díos. Ikꞌuén ti cuerpoé chꞌan, a̱ndá Ncha̱kuén Díos mé kjuínchexechón ti jehe chꞌan ínaá, 19ndá xi̱kaha sákjuikja̱ko̱he̱ chꞌan ti ncha̱kuén ti sin tsíkꞌen tjejóchjina. 20#Gn. 6:1—7:24.*Ti sin a mé kuítekakonhña sin ti ósé, ti kjuákꞌe Noé. La Díos kjuákꞌechóhen chꞌan ti na̱xa̱ kꞌónahña ti arca, mé ijníkoá chojni kuitekaon sin la ko kuaá sin ti ó kui̱te̱e sin ìnta̱. 21Ti ìnta̱ mé yóhe̱ éxi ti tikiteni ijie kixin xi̱kaha tsaáni. A̱ndá ti tikite chojni la jehya kixin tíha tso̱tjuáxin ti cuerpo chónta sin. Náhí. Tsjancheheni Díos kixin sinchetjóá chꞌan ti tjenka̱yáxini ndá tsaáni kixin Ìnchéni Jesucristo la xechón chꞌan, 22la ko sákjui̱ chꞌan nkaya nka̱jní la itjen chꞌan ti itja chjina kuènté Díos. Jehe chꞌan mé tꞌe̱tue̱hen chꞌan ti sin ángel la ko kaín ti sin tꞌe̱to̱an tjejó nkaya nka̱jní chónta kjuachaxin.

Currently Selected:

1 Pedro 3: poeNTplus

Highlight

Copy