Luqgyah Saw 3
3
Yozhanq gaihcij guh sijlij#3:0 Couh dwg naeuz aeu raemx ma saj haeuj laeng boux vunz bae, cixnaeuz hawj baenx boux vunz cungj ndaem roengz ndaw raemx bae liux bae. Yienghneix guh couh dwg daiqbiuj boux vunz neix gaenq nginh coih lo.
Majdaiq Saw 3:1-12; Majgoj Saw 1:1-8; Yozhanq Saw 1:15-28
1Mwh Dizbiqliuz youq Lozmaj dang vuengz dih daixcibhaj bi, Baenjdiuh Bijlahdoh dang Youzdaiq Saengj dih saengjcangj, Hihliz#3:1 Boux Hihliz neix dwg daixit cangh dih boux Hihliz mwnq dih daeglwg de. dang dieg Gyahliqliq dih daeuzdaeuz, daegnuengx de Feihliz dang dieg Hijdujliqyaq caeuq dieg Dwzlahgojniz dih daeuzdaeuz, Lijsajnez dang dieg Yaqbijliqniz dih daeuzdaeuz, 2Yaqnaq caeuq Gaihyaqfaz dang goengjsae dajbwiz daeuzdaeuz#3:2 Couh dwg gij vunz Youzdaiq boux ceiq cungqyauq he hih vunz. Bienqnaengz miz maz dwzbez hih ij guh dajbwiz hih, dwg de guh he. Youq bingzseiz cijngamq miz goengjsae dajbwiz daeuzdaeuz he, hoeng youq dineix miz song boux goengjsae dajbwiz daeuzdaeuz. hih mwhmwnq, gij vah Cangqdiq haeuj bae daengz youq rogndoi youq hih Yozhanq, daeglwg Sajgyahliqyaq. 3Yozhanq rox le, couh bae fueng diuz dah Yozdanq, bae mwnq cenzgangj, couh dwg naeuz cenzgangj gvanhhih nginh loek, gaij goqma ndaej mienx coih dih sijlij. 4Caemh luj bonj saw Hijcaiqyaq boux cenz gij vah Cangqdiq he sij naeuz:
Youq rogndoi miz vunz hemq naeuz:
“Cwnjbiq diuz roen he hawj bouxcawj;
Coih diuz roen soh hwj hawj de byaij.
5Sojmiz dih bya'bya lueglueg cungj ij dienz bingz bae;
Bya hung bya iq cungj ij canj bingz bae.
Vwtvwt vanvan hih roen cungj ij coih soh bae;
Gumzgumz gemxgemx hih roen cungj ij dienz bingz bae.
6Lajmbwn sojmiz hih vunz cungj ndaej yawjraen Cangqdiq gouq vunz.”
7Yozhanq yienghneix cenzgangj le, couh miz haujlai vunz daeuj ij hawj Yozhanq sijlij, hoeng Yozhanq rox gij vunz gaenhbaenj mbouj dwg daj ndaw sim nginh loek gaijgoq, couh naeuz gyoengq vunzlai naeuz: “Doenghgij vunz doegdoeg siebsieb faenhsou hax! Faenhsou naemqnaeuz yienghneix guh couh ndaej deuz ok Cangqdiq fatheiq fad faenhsou lo hajx? 8Faenhsou ij guh gij saeh ndaej cingqmingz naeuz faenhsou gaenq gaijgoq he. Gaejyungh naemqnaeuz faenhsou dwg gij lwglan Yaqbwzlahhanj le, Cangqdiq couh nyiuz gij coih faenhsou, faenhsou couh daekeiq vaujvauq lo! Gwh naeuz sou ni, Cangqdiq aeu doenghgij rin neix ma cungj ndaej seizbienh bienqbaenz gij lwglan Yaqbwzlahhanj. 9Faenhsou couh luj go mak; famz go mak mbouj giet mak ndei hih couh ij ngaiz raemj gveng haeuj feiz bae. Faenhsou ij siujsim, Cangqdiq gaenq dawz fouj hwnjdaeuj ij raemj lo!”
10Gyoengq vunz dingq le, couh cam de naeuz: “Yiengq gyoengqraeuz ij wnggai baenzlawz guh nej?”
11Yozhanq han naeuz: “Bouxlawz miz song diuz buh hih, faen diuz he hawj boux mbouj miz he; miz gij doxgw hih caemh ij yienghneix guh.”
12Caemh miz doenghgij vunz sou ceiq he#3:12 Mwhde sou ceiq hih vunz cungj dwg hangz vunz haep vunz aeu he. daeuj ij hawj Yozhanq sijlij. Gyoengqde cam Yozhanq naeuz: “Lauxsae, raeuz wnggai baenzlawz guh nej?”
13Yozhanq couh naeuz gyoengqde ni, naeuz: “Fazliz gveihdingq hawj sou sou geijlai, sou couh sou geijlai, mbouj ndaej lai sou.”
14Caemhcaiq miz doengh boux dang bing he daeuj cam de naeuz: “Yiengq gyoengqraeuz nej? Gyoengqraeuz caemh wnggai baenzlawz guh?”
Yozhanq caemh doiq gyoengqde naeuz: “Faenhsou mbouj ndaej bangjlaih vunz, mbouj ndaej hangz vunz haep vunz aeu ngaenz. Fat hawj faenhsou geijlai, faenhsou couh aeu geijlai; faenhsou wnggai rox gaeuq.”
15Mwhde gij vunz cungj muengh Gihduz, Cangqdiq baij daeuj dih vuengz, daeuj, sojhij gyoengqde cungj gag nanq, Yozhanq aiq dwg boux Gihduz mwnq dinghluh. 16Hoeng Yozhanq dauq doiq gyoengqde naeuz: “Gou cijmboujgoq aeu raemx ma sijlij hawj faenhsou lah; ij miz boux beij gou ak he daeuj. Boux de daiq gou ij bang de riuj haizcauj cungj mbouj lwnz daengz gou hwx. De ij yungh Hoenzsaenz Cangqdiq caeuq feiz ma hawj faenhsou sijlij. 17Ndaw fawz de dawz lad, dawz ceh mienh coengq haeuj canghguq bae, sauq cengh caiqcangz, dawz doenghheij nyapnyangj he dwk haeuj ndaw feiz mbouj rox maet he bae vueng.”
18Couh yienghneix, Yozhanq cenz gij ndei siuhsiz Cangqdiq, gangj baenx haujlai vah ma gienqmienx gij vunz. 19De caemh ndaq goeng Hihliz dieg Gyahliqliq dih daeuzdaeuz, aenvih goeng de caeuq Hihlozdij, meh nuengxsimj de, caemh aenvih de guh baenx haujlai vaihsaeh. 20Gajlaeng goq mbouj geijlai caez, goeng Hihliz guh gij saeh engqgya ya he, de engq dawz Yozhanq gyaeng haeuj ndaw lauz bae.
Yehsuh sijlij
Majdaiq Saw 3:13-17; Majgoj Saw 1:9-11; Yozhanq Saw 1:29-34
21Mwh Yozhanq vanzlij mijyaengz ngaiz goeng Hihliz gyaeng hwnjdaeuj hih mwh de, miz baez he, Yozhanq cingq sijlij hawj vunz, yiengq Yehsuh caemh daeuj hawj de sijlij. Couh youq mwh Yehsuh caeuq Cangqdiq gangj vah hih mwhde, sawqmwh aen mbwn luj aen dou nwih hoi lo. 22Hoenzsaenz Cangqdiq luj duz roegguqgap he mbin roengz gwnz ndang de daeuj, caemh miz sing daj gwnzmbwn doiq de naeuz: “Mwngz dwg daeglwg gou. Gou gig aiq mwngz; mwngz hawj gou roxnginh hab'eiq habhoz.”
Yozswz dih gyabouh
Majdaiq Saw 1:1-17
23Yehsuh ndaej samcib bi couh gaihcij guh gij saeh Cangqdiq baij hawj de guh he lo.
Gij vunz yawj de dangq dwg daeglwg Yozswz.
Yozswz dwg daeglwg Hihlij,
24Hihlij dwg daeglwg Majdaz,
Majdaz dwg daeglwg Liqveiq,
Liqveiq dwg daeglwg Mwzgih,
Mwzgih dwg daeglwg Yajnaz,
Yajnaz dwg daeglwg Yozswz,
25Yozswz dwg daeglwg Majdahdizyaq,
Majdahdizyaq dwg daeglwg Yaqmohswh,
Yaqmohswh dwg daeglwg Nazhungz,
Nazhungz dwg daeglwg Hijswhliq,
Hijswhliq dwg daeglwg Nazgaih,
26Nazgaih dwg daeglwg Majyaz,
Majyaz dwg daeglwg Majdahdizyaq,
Majdahdizyaq dwg daeglwg Sihmeij,
Sihmeij dwg daeglwg Yozswzgwz,
Yozswzgwz dwg daeglwg Yozdaq,
Yozdaq dwg daeglwg Yozyaqnaz,
27Yozyaqnaz dwg daeglwg Liqsaj,
Liqsaj dwg daeglwg Sojlozbahbwz,
Sojlozbahbwz dwg daeglwg Sajlahdez,
Sajlahdez dwg daeglwg Nizliq,
Nizliq dwg daeglwg Mwzgih,
28Mwzgih dwg daeglwg Yaqdij,
Yaqdij dwg daeglwg Gohsangh,
Gohsangh dwg daeglwg Hijmohdangh,
Hijmohdangh dwg daeglwg Wj,
Wj dwg daeglwg Yozsiq,
29Yozsiq dwg daeglwg Hijliqhijseq,
Hijliqhijseq dwg daeglwg Yozlingq,
Yozlingq dwg daeglwg Majdaz,
Majdaz dwg daeglwg Liqveiq,
30Liqveiq dwg daeglwg Sihmenj,
Sihmenj dwg daeglwg Youzdaq,
Youzdaq dwg daeglwg Yozswz,
Yozswz dwg daeglwg Yoznamz,
Yoznamz dwg daeglwg Hijliqyaqgingq,
31Hijliqyaqgingq dwg daeglwg Mijliqyaq,
Mijliqyaq dwg daeglwg Maijnamz,
Maijnamz dwg daeglwg Majdazdah,
Majdazdah dwg daeglwg Nazdanh,
Nazdanh dwg daeglwg Daqveiq,
32Daqveiq dwg daeglwg Yehsih,
Yehsih dwg daeglwg Ngozbiqdwz,
Ngozbiqdwz dwg daeglwg Boh'ahswh,
Boh'ahswh dwg daeglwg Sajmaenz,
Sajmaenz dwg daeglwg Nazswnq,
33Nazswnq dwg daeglwg Yaqmijnazdaz,
Yaqmijnazdaz dwg daeglwg Yaqlanz,#3:33 ‘Yaqlanz’ gij coh neix vunz mbouj daiq rox cingsuj, dauqdaej dwg ‘Yaqlanz’ haj cixnaeuz dwg ‘Yaqminz’ cixnaeuz dwg guxmaz.
Yaqlanz dwg daeglwg Hihswhlwnz,
Hihswhlwnz dwg daeglwg Fazlwzswh,
Fazlwzswh dwg daeglwg Youzdaq,
34Youzdaq dwg daeglwg Yajgoz,
Yajgoz dwg daeglwg Hijsaj,
Hijsaj dwg daeglwg Yaqbwzlahhanj,
Yaqbwzlahhanj dwg daeglwg Dahlah,
Dahlah dwg daeglwg Nazhoq,
35Nazhoq dwg daeglwg Sihluz,
Sihluz dwg daeglwg Lahnguz,
Lahnguz dwg daeglwg Fazlwz,
Fazlwz dwg daeglwg Hihbwz,
Hihbwz dwg daeglwg Cahlah,
36Cahlah dwg daeglwg Gaihnamz,
Gaihnamz dwg daeglwg Yaqfazsaj,
Yaqfazsaj dwg daeglwg Cenj,
Cenj dwg daeglwg Nozyaq,
Nozyaq dwg daeglwg Lahmwz,
37Lahmwz dwg daeglwg Majdujsajlah,
Majdujsajlah dwg daeglwg Hijnoz,
Hijnoz dwg daeglwg Yajlez,
Yajlez dwg daeglwg Majlwzlez,
Majlwzlez dwg daeglwg Gaihnamz,
Gaihnamz dwg daeglwg Hijnozswq,
38Hijnozswq dwg daeglwg Caihdwz,
Caihdwz dwg daeglwg Yaqdangh,
Yaqdangh dwg Cangqdiq cauh okdaeuj he.
Currently Selected:
Luqgyah Saw 3: YBNT
Highlight
Share
Copy
Want to have your highlights saved across all your devices? Sign up or sign in
© New Bridge Publishing Company Limited
