Lukahtar 15
15
Paramiča e h̄asardine bakrijatar, e lovendar thaj e čhavehtar.
1Thaj pašile lehte sa e carinikujra thaj varesave došale manuša, te ašunen le.
2A e rašaja, e lilvarne thaj e sikavde vazdije čingar pe lehte savor̄e, dindo vorba: Agava dožaćarel e džungalen thaj h̄al lenca.
3A vov dindo vorba sikadah lengje gaja paramiÄŤi.
4Sah varesavo manuš thaj sah lehte šel bakrija. Kana jekhvar h̄asardah jekha, vov muklah sa e injavardešen thaj gjelah pala e h̄asardi bakri te rodel la.
5Kana arakhlah la, vazdijah la pe po dumo thaj lehko odji pherdilo dragostimahtar.
6Thaj kana reslah ćhere, ćidijah pire amalen thaj mothodah lengje: Veselisajvon savor̄e manca, me arakhlem mrne bakira e h̄asardinja.
7Mothovav tume: Gadija kam avel maj bareder dragostipe paša o Del pala jekh bilačho manuš, savehće si pharipe thaj savo kajisajvol, nego pala injavardeš thaj inja lačhe, paćamne manuša, save niči trubuj te kajin pe.
8Sah jekh džeji thaj sah la deš dinajra. Kana h̄asardah jekh dinari phabardah e memeli, šiladah, khoslah thaj h̄aladah o ćher, rodijah pe sa e riga, dži kaj niči arakhlah e h̄asa de lovor̄e.
9Kana arakhlah gova, ćidijah pire amalinen thaj dijah lengje vorba: Veselisajvon, gjilaben manca me arakhlem mrno h̄asardo dinari.
10Ake mothovav tume gadija kam veselin pe e Devlehće angjelujra pala jekh bilačho manuš savo pokaji pe.
11Thaj pe gova phendah: Jekhe manušehte sah duj čhave.
12O terneder maškar lende soldonde vaćardah pe dadehće: Dadeja, an mae mrno kotor katar amaro mangjin. Thaj o dad uladah o barvalipe maškar pe čhave.
13Cîr̄a djivesa maj palal o cikneder čhavo ćidijah sa piro thaj durilo tar, gjelo tar durehte ande varesavo aver them. Inća sa bićindah thaj h̄asardah sa, pindo thaj čhorindo.
14Thaj sigjende kana vov sa h̄asardah, avili bari bokh ande goja phuv thaj vov arakhadilo ando nangjipe thaj čor̄ipe.
15Thaj džando kothar avilah vov ke jekh manuš ande go a phuv. Gova manuš bičhaldah le ande pi umal te čajravel e balen.
16Inća vov kamlah te pherel po por̄ goleha so nakhaven e bale, a khonik niči dijah le khanči.
17A kana vov avilah cîr̄a dži pehte, godaverisaljah thaj phendah: E bućarne paša mo dad, si len but marno, a me, ake, merav e bokhatar.
18Me kam akana uštav thaj kam džav ke mo dad thaj kam phenav lehće: Dadeja, došamno sem e Devlehće thaj tuće.
19Ladžavipe si mae kaj pindžaren man sar ćire čhave. Le man ande bući paša tute te kandav tut, te thovav tu kan.
20Thaj uštilah thaj gjelo tar ke po dad. A kana pašilah, dikhlah le lehko dad dural, haćardah pharipe pe po ilo, haćardilo phare, prastajah angla lehte, astardah le ande angali thaj čumidijah le.
21Akana o čhavo phendah lehće: Dadeja, došalo sem e Devlehće thaj tuće. Ladžavipe si mae kaj pindžaren man sar ćire čhave.
22A o dad mothodah pire kandinengje: Ikalen e maj šukar hujravimata, čhuven e angrusti pe lehko naj thaj den le e prnale te podji pe.
23Thaj anen akaring jekhe thule guruvor̄e te h̄ah thaj te gjilabah amen.
24Kaj gava mrno čhavor̄o sah mulo, a, eketalo, pale irisaljah ande po džuvindipe, ando trajo. Vov sah h̄asardino thaj pale arakhadinaljo. A von lije te ćhelen e dragostijatar, vestimaha.
25A e dadehko phureder čhavo sah ande umal thaj irisaljah ćhere. Pašindo ko ćher ašundah kaj bašalel pe thaj ćhelel pe andre.
26A vov dikhlah thaj phučlah jekhe manuše: So si godava?
27A vov phendah: Ćiro phral irisaljah thaj ćo dad ćhindah jekhe thulor̄e guruvor̄e kana dikhlah e čhave kaj si sasto.
28A o phureder phral h̄oljaljah, dukhadilo pala gova thaj niči kamlah te del andre. Iklistah lehko dad thaj akhardah le te avel andre.
29A vov phendah pe dadehće: Eke, kazom brš paša tute therav marno, ćerdem bući thaj će alava kandijem, a tu ni jekhvar niči dijan mae ni jekhe cinone buznjor̄a te me veselisajvav mrne amalenca.
30A kana avilah ćo čhavo, gova kaj ćo barvalipe ćerdah jogji e h̄alavdenca, e phiravnjenca, tu ćhindan lehće e thuljarde guruvor̄e, telco.
31A o dad phendah lehće: Čhaveja, tu san manca sor̄o brš, pa so god si mrno, gova si vi ćiro.
32Lačhe ćerah amen kana akana veselisajvah, kaj gova ćiro phralor̄o sah mu lo thaj pale džuvindisaljah, avilah džuvindo, ćo nana sah h̄asardino thaj arakhadilah pale.
Currently Selected:
Lukahtar 15: GURB1938
Highlight
Share
Copy
Want to have your highlights saved across all your devices? Sign up or sign in
Englezongo thaj avere Themengo Biblijako Amalipe 1938.
